[poem=font="Simplified Arabic,4,indigo,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الحمد لله نحمده في كل وقت وكل حال= على الشدايد والرخا فالحمد له و الشكر له

لـه المحامد كلها جلا جلاله ذي جلال = سبـحانه المتعالـي الفـرد الصمـد لا نــد له

وصـلاة ربي عـد ماتنشي همـاليل الخيال =على رسـول الله محمد قـدوة المتنفلـــة

ومن بعدها يا مرحبا وعداد نسناس الشمال=ترحيبة فيها الوفا لا هل الوفا ومجملة

انا اشهد انه مكسبي حضرة كريمين السبال=يا مرحبا في مرحبا في كل معنا" تحمله

الليـلة الليـلة لـها ميزة على كل الليال=سلامة محمد وجمعا كاسبـيـن المـرجلة

ابو حميد كل ما جاله مع الطاري مجال=قيل ونعم والله نعم وانا اشهد انه كفو له

ذرب ولد ذرب نزيه من نزيهين الرجال=شجاع ياصل ماصل ولد الردي ما ياصله

أسمع كلامي يا فهيم العقل وإلا قرب تعال=أسمعك مني كلام ياللبيب وتعقله
دنياك هاذي يا وسيع العرف ماهي راس مال = اللي تجيبه في ضحها في مساها تأكله
مادامت الصحة ولادام الشباب ولا الجمال = ترقى براس الضلع ومن الغد تنزل بأسفله
لاخير في دنيا مداها للنفاد ولزوال = وأن أقبلت يومين تدبر عقب ماهي مقبلة

تقبل سنة تدبر سنة وحنا يالالة يالال = ونشوفها بالعين فينا والعقول معطلة
إلا متى وحنا على الغفلات ودروب الضلال = نفهم بدينانا ودين الله غريب ونجهله
والدين واضح بيّن فيه الحرام من الحلال = جاء في الكتاب وسنة محمد علينا تكمله

وش عذرنا لجاء نهار فيه تحقيق السؤال = والعبد واقف والله اللي جل شانه يسأله

ما ينفعك مالك ولا جاهك ولا كثر العيال = كل تبرى من خليله والفعول مسجلة

هذا الكلام اللي سمعته مايبي هرج وجدال = أخذه معك وان طال بك عمر الحياه اتحلله

قلته وانا اشوف الامور مدبرة والظل مال = دارت رحاها وادنفت في سيرها مستعجلة

ياهيه يا عمر الصبا لا راح من غير اعتدال = أتلج به نشوة شبابه في غرور ومهملة

من لا تنبه في شبابه راح في شبه الخيال = ومن لا شغله الحق تاه بدرب باطل وأشغله

هاذي نصيحه وأفهم المقصود يا شبل الشبال = تبغي الحياة الطاهرة و إلا حياة المهزلة

تصفا معي واصفى معك في الدين وعلوم الرجال = وتحلم علي واسامحك لجات منك المعضلة

ومن لايعدك مكسب(ن)له لا تعده راس مال = رفقة حياه والآخرة كل(ن) رهينّ بعمله

وخـتامها مني صلاة الله عـدد وبــل الخيال=على رسول الله محمد قـدوة المـتنـفلة[/poem]
وعليكم السلام

صح لسانك وعلى الاخرى عانك

ابيات من ذهب أبى الفكر

الا ان يقتبس القصيده بأكملها

لاتحرمنا من ابداعك

تحياتي

__________________
[center]



alsamey2010@hotmail.com