السلام عليكم ورحمة الله وبركاته

قصيده مهداه للشيخ / سعيد بن شايع بن خريم الكيرعاني ، راعي المواقف اللي تجمّله ،
ويقصر عنها بعض الرجاجيل .. وابو راكان يستاهل المدح .

صلو على النبي

[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
رفيقي اللي مايعرف المعاريف = ماهي غريبه قصرته بين الاجناب
لوهي علي .. ماهمني لحية خليف = غير المصيبه شرّهو عكف الاشناب
اللي مواقفهم معزّه وتشريف = على الرفيق ظلال واسوار وحجاب
يامعدّي الفنجال من صافي الكيف= عدّه على ابن خريم تقدير واعجاب
الشيخ ابو راكان شيخ المواقيف = اللي تجمّل لحيته بين الاقطاب
رمز الشجاعه والوفاء مكرم الضيف =للطيب والناموس والعز كسّاب
حرٍ مواكيره بروس المشاريف =صيده سمين وهدته تفتح الباب
والمدح يزها اللي فعوله قواصيف =تطلق لحاء ربعه وللنار شباب
الكيرعاني محزم وافي وسيف =عزٍ نماري به على كل محراب
يفداه راس اللي علومه تناتيف =لو هو من الربع الموالين الاقراب
المرجله ماهيب حكي وتخاريف =وضحكة سنون وهزة متون ورقاب
أقول قول الصدق مافيه تزييف =ولا حسبت حساب حاقد وشذّاب
ضلعي متين ولا لحقْني تحاسيف =ويشوش راسي مثل راكان وعقاب
لاشفت ربعي متعبين المحاريف=أفخر بهم وأعتز وأشد الاعصاب
وأضرب على الكايد بحدب المراهيف =وأرقا بهيبتهم على كل مرقاب
عزوة ضفر لاحدّنا حامي الهيف =ترجح بهم كفة عريبين الانساب
الاصل واحد والمواقف على الكيف = ترفع بروس زهير عطران الاشناب

[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بعض العرب معاد نسمع خبرها =مدري حيا ولّى مع الميتيني

ناسٍ تغيب سنين محدٍ ذكرها= وناسٍ تغاب أيام كنها سنيني

[/poem]