يالله طلبناك ياقاضي نوايبنا
ياعالم الغيب رب البيت معبودي
طالبك تجعل ثوابك من وهايبنا
تمحي خطانا وتغفر زلة العودي
عود يقول ان لنا عادات تجذبنا
عند التوالي الى جاء ردها كودي
ولانجهل اللي يوصي فيه شايبنا
وصى ولاحن عن اللي قال برقودي
قال الجماله ودرب العز واجبنا
والعمر يفنى وعلم الجود ماجودي
ويقول حولت يوم البر ضاق ابنا
نهار لحقت اركاب القوم بظمودي
لحقت بأهلها على أثر الكسب تتلبنا
هجن عليها القرط والجعد السودي
عبو تقدم وعبوين تحف ابنا
وحنا عليهم نسوق الماو بركودي
كن البرد من حقوق المزن يرذبنا
دندن رعدها وشبت الارض بارودي
ثم انثنينا وعقلنا ركايبنا
والعيب من هج والا قظب مردودي
خبرة حباب كفينا دون غايبنا
قطاعة مانعد النقص والزودي
ناطى الخطر كن ماشي بصايبنا
من خوفة يلحق الرجال منقودي
وفي مجلب الروح مانغلي جلايبنا
وماكتب للعبد في الالواح مرصودي
فرض علينا تحدي من يعاتبنا
ومن لايدوس الخطر مايكسب القودي
ترعى وسيمة عربنا من سبايبنا
يرتاب لاشافها الطماع ويحودي
ونركب على أكوار طوعات تجول ابنا
جول القطا يوم شاف العد مارودي
تجتال والقالة العليا مواربنا
وابليس ملعون والحساد ملدودي
حنا الحباب وعبدالله مناسبنا
وقحطان أبونا المسمى مورثة هودي
من عصر الآجداد وحنا ضد حاربنا
والله خلقنا منية كل مقرودي
وصلاة ربي عدد ماخط كاتبنا
على النبي عد ماهبت هوى النودي
ارحبووووووووووووووووووووو
تراحيب مدد ماهي عدد وصح الله
لسان قايلها وسلمت يمنى ناقلها
وعز الله العزيز انكم كفو وش قال ابن جروان الله يرحمه
حنا الجحجادر والحباب عضودنا /// هم درعنا من يمة الياميه
__________________
[poem font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في ضحى العيدي اخلي من العايدين=والمعايد نهار العيد مافيه شي
حبذا لو يكون معانقٍ باليدين= وان سنح فيه فرصه بنتمادى شوي
ودي اشم باقي نفحت الياسمين= حسبي الله علىمن قال بالشرع لي [/poem]
للتواصل دون فواصل
alaatifi@hotmail.com