هذه القصيدة للشاعر سعد بن عدال الحبابي

اسندها لشيخ قحطان ووادعة الجنوب

الشيخ فهد بن عبدالله ال دليم حفظه الله

في حفل زفاف نجله الشيخ عبدالله بن فهد

في قاعة اماسي بخميس مشيط

يوم الأربعاء الموافق ( 26/6/1428 )هجري

[poem=font="Simplified Arabic,4,black,bold,normal" bkcolor="transparent" bkimage="" border="inset,medium,gray" type=1 line=0 align=center use=ex num="0,black"]
الشعر مثل السهم يخطي مره ومره يصيب =وأنا حلفت إني ما أقول الشعر في غير الوجوب
اتخير الجزله وأقدمها ولي راس صليب=واللي أقوله في نظر عيني لمن يضما شروب
يعني أقدم مايليق بموقف النشمي وأجيب=مالا يجيبه شاعر غيري ولو صدره رحوب
سلام يال دليم ياأهل العز و الساس العريب=تسليمتٍ من طيبها تشرق ولا جاها الغروب
انتم هل الناموس يال دليم والراي الصويب=ولايوفيكم قصيدي لو بنيته بني طوب
يا شيخ قحطان العريبه في لزومك مانغيب=لإنك يابو خالد من اللي منزلتهم في القلوب
أبشر بنا في ركل موقف من بعيد ومن قريب=آمر وربعك تاصلك من كل حدب وكل صوب
شيخ الشمل جزل العطا قول وفعل كساب طيب=أبشر بنا من شرق غرب ومن شمال ومن جنوب
حنا عيال العود لامنا دعينا نستجيب= يعني نوقف في اللوازم ما اتعودنا الهروب
حنا عضودك يا طويل العمر لليوم الصعيب =ما تنقصر قحطان عنك في صعيبات الدروب
هذا صديق وذا رفيق وذا قريب وذا نسيب=يعني عما عين الحسود اللي عيونه ماتتوب
فهد ولد عبدالله بن دليم يالسد القطيب=لاصار حبك ذنب حنا نعشق كبار الذنوب
لك في سما الأفعال والتاريخ نجم ما يغيب=وفي ساحة الموت الحمر تثبت وجودك ومحسوب
الله عطاك المرجله والمرجله حظ ونصيب=كم غيرك من الناس ما يقوى نسانيس الهبوب
إلا انت غالي يشهد الله دون شك ودون ريب=لا واهني من كان عندك ياأبيض الوحه محبوب
الله يجيرك من صدوف الوقت وعلاج الطبيب=وتبقى على احسن حال مابين القبايل والشعوب
وقفت أبارك بالنيابه دون ربع ما تغيب= حمع الحباب اللي لهم صوله وجوله في الحروب
حنا مواقفنا تشرف وأعتقد مابه غريب=معّشيت عزّام يوم الناس غالب ومغلوب
جينا نبارك لك على ثنتين والمولى رقيب=بإن النوايا صافيه من عند علام الغيوب
خالد تخرج وأصبح ملازم وظنك ما يخيب = مبروك والي مثل خالد مايلاقيه الرسوب
الشبل من ذاك الأسد والذيب ياتي عقب ذيب=واللي تعلا منزله يعلا وتجفاه العيوب
والليل ياليل السعد في حفلة الشهم اللبيب =عبدالله اللي لو يغيب الشيخ عبدالله ينوب
لاصار ابو خالد بعيد الشيخ عبدالله يجيب=نوره مع أهل العرف والناموس ماهو بمحجوب
راعي الشهامه والرجوله نحسبه والله حسيب=في حفلته مبروك ماتكفي ودوب الخير دوب
وأنا أبارك بالنيابه والنشاما ما تغيب=عاداتنا نجمل وعن درب المراجال ما نتوب [/poem]

الشاعر
سعد بن عدال الحبابي

تقبلوا تحياتي

__________________
[poem font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الـمـوت والعز ضيـفـان قحـطـان=يـامـا تمـنـى الـعـز فـيـنـا قـرابــه
والنجم ياصاحبي حامي وسهران=يـفــدى ولـدنــا بــلامــع شـهـابــه
والقلـب لـو كـان لـلـدم عطـشـان=نروى برشـد القبيلـة فـي صوابـه [/poem]

القادري الشريفي