المشاركة الأصلية كتبت بواسطة حمود الحمالي

هذه القصيده قالها الشاعر عبالهادي بن سعد بن طليفيح آل جليغم العبيدي في الشاعر والمؤلف خليل بن ذيب بن هدلان بمناسبة اصداره ديوان جده الشيخ شالح بن هدلان .

القصيده ..


[poem=font="Simplified Arabic,5,black,bold,normal" bkcolor="skyblue" bkimage="backgrounds/7.gif" border="none,medium,gray" type=4 line=0 align=center use=ex num="0,black"]
قريـت الكتـاب اللـي نشرتـه يابـن هـدلان=كتـاب حـوى مضمونـه امجـاد الاجــدادي
وجدانـك اهـل امـجـاد ياطـيـب الـجـدان=مالـك عايـبٍ فـي ذكـر ماضيـن الامجـادي
لـك الحـق تفخـر والفخـر شامـل قحطـان=بشالـح مهيـب المعتـدي ضـد الاضــدادي
واخـوه الفديـع الداهيـه فـارس الفـرسـان=وذيـب بـن شالـح ذيـب قشـعـان الاولادي
شيوخ على قحـص الرمـك تجـدع الشيخـان=بشلـف مضاربـهـا الجمـاجـم والاكـبـادي
وعلـط الفرنـج الـلـي يغذونـهـا بـالـزّان=وحـدب المصاقـيـل ومـزاريـج الاعــوادي
فعايلهـم اشتهـرت وسـارت بهـا الركـبـان=بوسـط الجزيـرة قبـل مـا يعـرف الــرادي
وبالقـول اهـل حكمـة وراي وصـدق لسـان=لاقيلـت قصايدهـم سـكـت كــل قـصـادي
وفايـق صخـاهـم للخطاطـيـر والجـيـران=مـن الضـان عقرهـا ومـن حـيـل الاذوادي
علـى ارواحهـم منـي سـلام عـدد مـابـان=قمـر ليلـة النصـف بشهـر ثانـي جمـادي
وعدد ما اشرقت شمس الضحى واسفرت الاوطان=ومــا صــدر الديـجـور والـنـور ورادي
وعدد ما اهمـل الهمّـأل مـن رايـح الامـزان=ومــا لاح بــراق ومــا لــج رعــادي
واهنـي جنابـك بـا خلفهـم علـى الـديـوان=تهانـي وتبريكـات تكـتـب بـاسـم هــادي
وباسم آل سالـم مـن شبـاب ومـن شيبـان=تعطـر بريـح الـورد والمـسـك والـكـادي [/poem]

اخوكم

حمود الحمالي