[poem=font="Simplified Arabic,6,indigo,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
في شاعر المليـون للشعـر مضمـار=والسابقه فـي الشـوط تظهـر بيدهـا
ومضمريـن بكـار الأفكـار شـعـار=وكـل ٍ يحضـر بكرتـه فـي وعدهـا
والـي تـردت لا يـدور لهـا أعـذار=معـذورة ٍ مـا دام قــد ذا جهـدهـا
والي تعوص وتضرب الحاجـز يسـار=تشـل فـي الدنـه وترجـع بلـدهـا
وأنا محضر بنـت صوغـان الأفكـار=مـن حبهـا عنـدي تفحـم وحـدهـا
ان جارها الله من صواديـف الأقـدار=جاتـك وجـاك الجيـش كلـه بعدهـا
الله عليهـا مـن مقـاريـد الأنـظـار=وصلت تحسـك مـا غشاهـا زبدهـا
وتلقفوهـا بالعلـم رمــز وشـعـار=وصفـق لهـا منهـو بعينـه شهدهـا
ومرو بها تـو المنصـه كمـا الطـار=يالي تزعفرهـا مـن الطـاس زدهـا
شبهت بالهجـن الأصيـلات الأشعـار=وقصيدتـي تـراث أهلـنـا مـددهـا
أعتز به وآقـف لـه إجـلال وإكبـار=واحة شرف يـا سعـد منهـو وردهـا
أغلا أبلنا في ماجب الضيـف والجـار=يحلـب لبنهـا قبـل يذبـح ولـدهـا
وتراثنـا مـن دونـه نبيـع الأعمـار=وبفعالنـا روس المعـالـي صعـدهـا
واليوم ضاق الجو مـن كثـر الأقمـار=تبـث حقـد الـي لحقـده رصـدهـا
غزى الشعر قبل أمس غازين الأفكـار=قوم ٍ علـى الساحـة دفعهـا حسدهـا
تلقفوها ثم جـاوا مـن كـل الاقطـار=هـذا يصبحهـا والاخــر هجـدهـا
هـذا يحـرف بـالأدب سـر وجهـار=وهـذاك يذبـح موهبـه فـي مهدهـا
واقفوا على أبل الشعر في وقت الاسحار=غاروا على الساحـة وعـروا جسدهـا
وصاحت بعد ما شافت إن سترها طـار=و وقـف ولـد زايـد محمـد سعدهـا
قال أبشـري بالستـر وبـردة الثـار=وأضفـا عليهـا سترهـا مـا نشدهـا
وأستـل سيـف ٍ فالمواجيـب بـتـار=وأطلب ورد البـل علـى مـن فقدهـا
على خطـى زايـد خطاويـه مـا بـار=والحاجـه الـي فـي خيالـه وجدهـا
اغنى العرب من شوف أكاديمي ستـار=و من شوف أمر من السخافات وادهـا
شفت الشعر بستـان وأبوابـه أزهـار=وقطفت مـا يسكـن مشاعـر شهدهـا
قطفتهـا مـن ديـرة ٍ تنبـت أحـرار=مـن دار أبـو مشعـل ذراي وسندهـا [/poem]

__________________