كانت بنت محمد ابن حشيفان آل روق قحطان ترعى ابلها .. و ذات يوم و هي مع ابلها اغار على الحي قوم و استاقوا البل و كان من بينها ابل بنت ابن حشيفان ... فلم تتمالك نفسها و جعلت تلوح بخمارها و تصيح ... فلحق قومها بالقوم المغيرين و كان من بين جماعتها الذين لحقوا خلف القوم لفك البل مجري ابن ذيبان آل روق ... فجعلت بنت محمد ابن حشيفان تنخا محمد بن رثوان قائلى : البل يا محمد ... فكر محمد بن رثوان و من معه على الغزاه و اخذ الفارس محمد بن رثوان يحدا و هو على ظهر فرسه و يقول :


[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=1 align=center use=ex num="0,black"]
يا طير ياللي فوق فوق = ياللي ترفرف بالجناح
الحق مع اولاد ابن روق = عشاك من روس الرماح[/poem]


و تمكنوا من فك البل من القوم فقال الفارس محمد بن رثوان يصف ما حصل بهذه القصيدة :


[poem=font="Simplified Arabic,5,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=1 align=center use=ex num="0,black"]
انا هاضني فالظهر صياح ريبه = و مالٍ غدوا به ذاهبين الحمايل

يا مرقب الخفرات لعلك الحيا = يجيك من نو الثريا مخايل

حيثه نطحني فيك بيضا عفيفه = تنثر على الامتان سمر الجدايل

تزهم و تنخا في رجال القبيله = من حب ذودٍ لبسوها شمايل

تقول ذودي يا محمد غدوا به = اللي لهم قب السبايا رحايل

الصوب الايمن شبوا النار دونه = و الصوب الايسر ما كسب له جمايل

حلفت يا ذودك ما يروحون به = الا ان راسي من على الخيل زايل

اخاف انا من هرجةٍ وسط مجلس = لا سولفوا ما بين عيٍ و عايل

ابوكم قومٍ ماعرفتوا وسومها = وسومها على جنوبها دلايل

دست السبايا بالسبايا و دبرت = لين استطاعت للعيال الجهايل

نطحتها خشم العريني تعمد = من ذلةٍ من هرج قيل و قايل

دست السبايا بالمهند و القنا = لين اغتشاني من دمي وشايل

اليا رفعت الصوت لاولاد رايق = مثل الفحول اللي تدوس الشوايل

عرفت منهو تحتظي الخيل سابقه = و عرفت منهو لي بعيدٍ يخايل

خلوا عدايلنا وقوف كنها = تمطر عليها منشيات المخايل

ابهيت من اللي كنها دارج المها = لين اعطبوها مقحمين الفتايل

يا نافدا اللي يوم عقرت عاضني = كبيرة الملقا قبا و حايل

عطية هذاب السرايا مجري = دز العريني من يمينه دايل

عطية اللي لا بهراف مجلس = و لاهوب من بين الجماعه يفايل

ماهوب عذالٍ الى فات فايت = و لا بمفلول كثير العذايل

خيلٍ تغذا للبلا و تنطح البلا = و خيلٍ تغذا للردا و الفشايل

قلته و انا كفى خضيبٍ من الدما = كما كف حرٍ ضاري بالفصايل

تسعين قاف من ضميري نقدتها = نقد الدراهم في يدا كل نايل[/poem]




اخوكم
كوكب زحل