* يقول الامير: خالد الفيصل دايم السيف .



[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الناس تفنى والمباني والاملاك=والقول يبقى والخبر للتوالي

الشعر معنى حكمته بعد الادراك= وما كل ما يلمع على النور غالي

والشعر صور شاعر فيه تلقاك =اما لبس لك جوخ ولا سمالي[/poem]


* ويقول: بركات الشريف:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
احفظ رثك اللي عن الناس يغنيك=اللي الى بان الخلل فيك يرفاك
اجعل دروب المرجله من معانيك= واحذر تمايل عن درجها بمرقاك
أدب ولدك كان تبغيه يشفيك = واستسفعه من بعد مرباه يالاك [/poem]


* وهذا الشاعر: سليمان بن شريم:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
وربعك الى بان الخلل فيك عافوك=اقرب قريب لك من الناس يشناك
ان كثر مالك اصدقولك وطاعوك =وان قل ما بيدك شانت حلاياك
لو تطلب الماء عندهم كان ما اسقوك= ابعد مزارك عن وطنهم ومرباك
وان طاب حظك اصدقولك وحبوك =وان بار كل ما يبي غير فرقاك
وهراجة المجلس الى جيت وروك = منازل تطرب نظريك بدنياك
والى قضوا منك اللوازم وخلوك =تفرقوا وانت احتمل لحل ما جاك
كنك سراج البيت للنور شبوك=واللي انقضى اللازام حد الربع طفاك
الى ان قال:
واصحى لخلان الرخا لو تغالوك =اعرف ترى اطيبهم الى احتجت يجفاك
كنك خوي مقيط دهووك واغووك=وحقك عطاك رشاك واقفى وخلاك
واحذر عن العيلة ترى الحق مدروك =مثل العمل يدركك ما منه فكاك
وان كان عدوانك على الضيق حدوك=فاخصم طلابتهم بعجفاك وقداك
وان كان هم لمشرف الحق ما شوك =ناظر مطاليع الفرج قبل مبداك
واحلم على الجاهل ترى الحلم مبروك= وقم للضعيف اللي من الضيم ينخاك
وادمح خطا جيران بيتك الى اوذوك = ترى القصير وحرمة الجار بحماك
وقم للضيوف اللي لفولك وضافوك = اغلا كرامتهم حجاجك وبشراك [/poem]

* يقول الشاعر: عبدالله بن صقيه التميمي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ساس الردي لابد مبناه ينهال =ولد الردي صاحبي تحطه بطانه
تلقاه وقت الضيق لاضحكك الجال =الصفر لا يغريك زين لمعانه
ترى الذهب من صافي جنيه واريال= ما يختلف يا ذيب طيلة زمانه
بستان غيرك لوبه الوان واشكال=ما تنتفع من خوخه وبردقانه
ما ينفعك ما فيه لو بالثمر مال = لاصار بالغدراء جداره مخانه

ويقول ايضا:
احرص عن الزلات في كل الاحوال =لا تنخدع باللي يعلج اللبانه
ما يفتري ويشين الناس رجال= راع الحكي بالناس خله وشانه
عليك باللي بالمهمات سردال=ليث مثل من حط قوسه رهانه
انت وانا نبعد عن القيل والقال=كم واحدٍ يا ذيب ضره لسانه [/poem]

* ويقول غازي بن دخيل الله بن عون

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الرفقه اللي مالها ساس ووصول =اتلى تلياها تروح بسهوله
مثل الذرور اللي على راس غرمول =اول مهب يعترض له يزوله
والفعل ما يطلع على مستوى القول =يقول قول ما يطبق فعوله
والفرق في الافعال, ماهوب في الزول= والا ترى اطيب ما من الثور زوله
لو غرّهم زوله, وحطوه مسئول = صاروا مثل راع الغنم ومخيوله
ثوب على جسم على شبه مخيول= ودايعه يفرسهن الذيب حوله [/poem]

* يقول: عبدالعزيز الحسن:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بعض البشر مثل النجوم المراهيش=انوارهم تزهي بالافراح بشه
افكارهم ري العقول المعاطيش =في الدين والدنيا للاخيار هشه
وبعض البشر عقله من التبن والخيش = لوزان شكله داخل الراس عشه [/poem]


* وقال تركي بن حميد

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ترك عشير عشرته يوم او دون = ثم يبدل بك عشير وينساك
شف لك قطامي على السد مامون=درع القفا ما ينهض الراس لحذاك
اللي الى اوحى الناس فيكم يهرجون = حامي على عرضك ويدمح خطياك [/poem]


* ويقول: عبدالله اللويحان التميمي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الشور ما ينفع قلوب المهابيل=كالزند وان حرك تطاير شراره
لو تأمره بالعدل يعرض على الميل=يبتل على رايه بربح وخساره
والطبع ما ينزال غيره بتبديل =مثل الجدي مرساه ليله نهاره
والحنظله لوهي على شاطي النيل =زادت مرارتها القديمه مرارة [/poem]


* يقول راشد الخلاوي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا تستشير الا صديق يودك =في الله صافي السر مامون عاقبه
وترى شور ما لا يستشيرونه الملا=شمعه نهار في ضيا الشمس دايبه
وأرى النصايح في البرايا فضايح =وكم ناصح اضحى له الناس عايبه [/poem]


* ويقول محمد عبدالله القاضي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تكلفك بامر ما يخصك جهالة=وتبعدك عما كان يلزمك له قافي
ولا تصافي كود حيد صميدع = غيور على الصاحب نصوح وميلافي
ولا تلوم النفس في جاري القضا =مالك عن المقسوم يالعبد مكافي
يا شرهل المعروف منك بتواضع=وهل الشر باشرهم بشر وتستافي [/poem]


* ويقول غازي بن مهنا الشيباني:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ما طار وقع من مطيره ولو حام = والزود مثل النقص ينقص ولو زاد
دنيا تغر الناس في طول الاحلام=ولابد تاصل شرها بين الاجواد
ياماشي بالدرب مسرى ومجهام =لابد من عقب المراويح معواد
احد قضى زامه واحد يمسك الزام= واللي صدر منها يجي غيره اوراد [/poem]


* كذلك يقول: محمد بن عايض بن هادي الحباني:
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]

من رابع الخايب سكن دوم واياه= لبس الدناسه عقب لبس الجدادي
ومن طاوع الشيطان في دينه اغواه =يصبح غريق بين الامواج غادي
ومن عاشر الطيب ترى الطيب شرواه =وبالطيب يرقى نايفات المبادي
خلك مع الطيب وممشاك ممشاه = ورافق على الربع القروم العوادي
عز الفتى دينه وسلمه ومرباه = وربعه عضوده عند قدح الزنادي
تاقف معه وبقدر الامكان تحماه=لا صار باطراف الحبال انعقادي [/poem]

* ويقول محمد بن عقيل السويلمي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اضرب طريق الخير واسلك مسيره = ولا تلتفت للناس عوجاه واقداه
ولو طال عمرك عارف وش مصيره = ا**ن ولي العرش واتعب على رضاه
وأد الفروض الاوله والاخيرة = واضف لهن مخافة الله ورجواه [/poem]

* ويقول حمد بن هادي المسردي القحطاني:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من كثر ماله ساروا الناس برضاه =ولو كان ناقص قالوا الناس وافي
ومن قل ما بيده ترى الناس تشناه=ولو كان يسقيهم عسل قند صافي
فالمال كم ساس طمان وعلاه=والفقر كم حطم روابع سنافي
لاشك ما للعبد عن حكم مولاه =من خير ولا شر ولا عوافي [/poem]

* يقول محسن بن ناصر المري:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قوموا بدين الله ورزوا شعاره=واخشوا نهار فيه تخطيف الابصار
دنياك مرجعها الفنا والقشاره =لا تامن الدنيا ترى الوقت غدار
لابد من قبر وحيش جداره = من مات ياالمسكين خلي على الدار [/poem]

* وهذا الشاعر مرشد بن سعد البذال:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لولا الردي ما صار للطيب سمعه=لاشك لهذا ضد ذاك يصير
والناس مثل الماء غدير ومالح=هذا ملاح وذا زلال غدير
والاجواد قربتهم تبيض وجودهم =تنفع ولا من قربهم تأثير
والاشرار نفعتهم مكافاة شرهم = والا ترى قرب اللئيم خطير
الرجل عقل ومرجله وديانه= بلاشك راعي ها الثلاث ظهير [/poem]

* وهذا على المفضي يقول:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من طاول الدمعه تكدر شرابه =والغت مرارة دمعته كل حالي
وافنى عنا دنياه زهرة شبابه = لو كان من بين الخلايق مثالي
واللي يبي ياقف لوقته يجابه= ينهد حيله,, والزمن ما يبالي [/poem]


* ويقول الشاعر عبدالله العلي الحرير

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الى بغيت اتحط كلش على البال=غديت صقار بساقه هداده
تغثك الدنيا ولا ادركت به حال = مثل البعير الى تقلد اشداده [/poem]

* ويقول حامد بن مايقه الحبابي:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تخير اذا رافقت من الناس عارف=رجل اذا شان الزمان يطيب
رفيق على عسر الليالي ويسرها =كما الزرع,, في وقت الدهور خصيب
امين يحفظ السر عن ساير الملا =حفيظ على ما في الضمير قطيب [/poem]


* ونختتم رحلتنا هذه مع أبيات للشاعر محمد بن احمد بن محمد السديري يقول:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قصر يذلك لا تقابل مبانيه =خله عسى شامخ طويله هدامي
خله عسى ما صاب اغادير يفنيه =يودع منازله الطويله رجامي
لو زان مدخاله وطالت حواميه=شيد على الخيبه قليل الرحامي
وحي يوريك المذله وتغليه =انا اشهد انك ميت القلب عامي
من لا يودك لا توده وترجيه=ارفع مقامك يا عزيز المقامي
ارفع مقامك عن عدوك وتوذيه =ويلحقك من تركة رفيقك ملامي
حق الرفيق وواجبه لا تخليه = يلزمك مثل الوالدين الحشامي
اختر عزيز الجار والحق يعطيه= شبل على هرج يقوله يحامي
ومن قارب الاجرب بالامراض يعديه =عدواه تسطي باللحم والعظامي
درب السلامه بينات مماشيه=ودرب العطب يرث عليك اللكامي [/poem]


* ومن قصيدة أخرى يقول فيها:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا خاب ظني بالرفيق الموالي = مالي مشاريه على نايد الناس
لعل قصرٍ ما يجيله اظلالي =ينهد من عالي مبانيه للساس
لا صار ماهو مدهل للرجالي =وملجا لمن هو يشتكي الضيم والباس
بحسناك يا منشي حقوق الخيالي= يا خالق اجناسٍ ويا مفتي اجناس
تجعل مقره دارس العهد بالي = صحصاح دوٍ دارس ما به اوناس
البوم في تالي هدامه يلالي= جزاك يا قصر الخنا وكر الادناس
متى تربع دارنا والمقالي = وتخضر فياض عقب ماهيب يباس
نشوف فيها الديدحان متوالي=مثل الرعاف بخصر مدقوق الألعاس [/poem]


* ومن رائعة اخرى يقول السديري:

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
لا تقرب الأجرب بالامراض يعطبك =يصير جسمك مثل جسمه عليلي
ممشا الخطا من صافي العقل يسلبك = ويصير لك يم الرذيله سبيلي
وعن ما رد الانذال نزه مشاربك = واشرب نظيف لو ورادك طويلي
ولياك تنسى يا ابن الاجواد واجبك= واللي يروم المجد حمله ثقيلي
يالادمي وان كان كبرت مصايبك = اركن على محي البلاد المحيلي
أ**ن على رب بعرشه يراقبك =وناجه وبعد العسر يسره جليلي [/poem]