الموضوع: مواجهه بين القرقاح والشعراء
عرض مشاركة واحدة
قديم 14-02-2007, 10:25 PM
  #65
شفلوت بن عادي
عضو جديد
تاريخ التسجيل: Jun 2006
المشاركات: 20
شفلوت بن عادي is on a distinguished road
افتراضي رد : مواجهه بين القرقاح والشعراء
لاهنت يابن دواس ولاهانو الربع كلهم

وهذي مشاركتي معكم لبعض مايحضرني من روائع شاعرنا الكبير / فلاح القرقاح

موال ورد على مستور في حفلة الجبيل اللي تلاقط فيها هو وحبيب

أنا لزينات العلوم اتحرى ...
ومن العلوم الهينات اتبرى...
لو العدد واحد وخمسين برا ...
ماباقي الا بنط ذاليل وتقووووم

أبشر بنقد السوالف مثل نقد الفلوس *** العلم ما مال والنار من شبابها..!!

**********

وهذا موال ردبه على المورقي ونسيت الشيله ..!

عندما قال له المورقي انه يعرف شراسة القرقاح لكن بيلقنه في حفلة العتبان درس

يقول القرحاح:

الطريق اللي نبي نمشيه بالورد انفرش..!!
وانت لاهالحين ماسمعتك الحكي الحرش..!!
وان كرشتك منت باول من تلقف وانكرش ..!!
ولعي يانار في راس العتيبي ولعي..!!

وعندما رد المورقي بتوصيف آخر للقرقاح يشير لتناقض تدينه وطيبه مع شراسته..!!

رد عليه اقرقاح قائلا:

لاتوصفني وانا تعرف وصوفي من زمان..!!
لاحتمى الميدان والميقاف والمذخور بان..!!
تفتخربي ياولد مزيد شغاميم قحطان ...!!
ولعوها نار والنار من شبابها.

************

وهنا يرد على الرياحي في حفل ابن قضعان
والله يالبيت اللي قاله القرقااااح مليااااااااااااااااااااااااان بقوة

أنا خشمي عليه العود الازرق يثـّنى...
يوم بعض العرب مثل البعير المثـّنى...
اسأل أهل الظفر منهو زبون المجنـّى...
مايروس النجوووم إلا سهيل اليماني..!

خلـّها مثل الذهب والا النسب والا الذخيرة ... لاتلفت لليسار ولاتلفت لليمينا

وفي نفس المحاورة يحضرني بيت جميل رد به على الرياحي عندما قال له أنك تمشط اللحية ولاتعرف سلوم المسلمينا:

يقول القرقاح:
لحيتي ماهي بعار وسمعتي ماهي بعيرة *** وانت لاتخطي على كرام اللحى يابن اللذينا


******
وعلى طاري اللحية توني مضبط السكسوكة

واذكر محاورة جرت بين القرقاح وحبيب في الكويت قبل عشر سنوات تقريبا

شبّ حبيب على اللحى وهل اللحى اذكر مما قاله :

.................................................. .
موضة(ن) في وقتها للمسلمين وللكفر..!!
كم وكم من لحية(ن) كبرت على الموت الحمر..!!
تاصل القاضي ولاندري تجي والا تروح..!!


رد عليه القرقاح قائلا:

لاتمثل حضر يالاجرب ولاتمثل بدو ..!!
لاتكلم فاللحى واهل اللحى جعلك فدو..!!
لاسطرته كف بالله ياجماهير اشهدو..!!
تاصل القاضي ولاندري تجي والا تروح..


رد حبيب متهورا والظاهر أن مديّها نوع قوي ذيك الليلة وابو محمد فككها :

كل ماجا واحد(ن) دقنه سواة (......................).!!
قال أنا مختص في علم الرسالة وادرسه..!!
مدّ كفك فوق كفك صب سمنك والحسه..!!
تاصل القاضي ولاندري تجي والا تروح..

رد القرقاح :

تكرم اللحية ويكرم من عطاها حقّها..!!
ياغشيم اللي عيونه من يدينه طقها..!!
يكرمون الحاضرين ارجع وقرّ بحقها..!!
تاصل القاضي ولاندري تجي والا تروح..

....................................*** وسيارتك عاين توايرها..!!

رد حبيب:

والله اني مانويت آلد نص العين فيك..!!
مير ابلعب لي معك قافين قدم لي يديك..!!
................................................!!
تاصل القاضي ولاندري تجي والا تروح..

عساك تروينا وتشبعنا*** ونراقب النجمة ونسبرها..!!

رد القرقاح متحديا ومشيرا الى أن حبيب زرف شاعر قبله في رده السابق:

ان بغيت العلم يابن الناس يطلع فوق فوق..!!
شد حيلك والشريعة تقطع اليمنى السروق..!!
وغيرها بدري عليك تسوق ابن قرقاح سوق..!
تاصل القاضي ولاندري تجي والا تروح..

حنّـا على الجزلة روابعنا *** والا العوازم ضاع شاعرها..!!

*********
في أول محاورة بين القرقاح وحبيب في الدمام طلب القرقاح حبيب فقام حبيب وقال:

أنا خوفي على الرجال لو يمسي ولا يصبح..
وانا شوري عليه يردها مزحه وانا بمزح..
.................................................. ...!
عسى ربي يديم الستر يالله سترك الضافي.

ياصغر راس الطلي .. ياكبر راس الجمل *** والذنب ذنب البهيمة .. صح والا خطا..!

رد القرقاح:

تبي تمزح فانا بمزح تبي تزعل فانا زعلان..!
وعنديلك لمنها شانت اخلاقك عنان حصان..!
ولاني بنسحب لاعودت رمي(ن) على الذرعان..!
عسى ربي يديم الستر يالله سترك الضافي.!

ياكبر راس الحصان .. وصغر راس الرخل *** ياحاضرين العزيمة .. صح ماهو خطأ..!

********

في مليجة يقول حبيب للقرقاح :

اسألك عن غبة بحر مدفونة ..
سكانها كتبية مجنونة ..
صف ورى القايد وصفّ دونه..
يفوز باللذات كل مغامر..

اهل منى نمتحنهم كلنا *** بالحذفة اللي تسد نحورها..!

رد القرقاح:

سؤالك اللي تسأله ياسايل ...
هذي فمك لكن ويشك قايل..؟!
ماتذبح الحايل ماتلطم عايل
يفوز باللذات كل مغامر..

من قبلكم ياحبيب حذفنا *** بالحذفة اللي تقص ظهورها..!


والعذر والسموحة على الإطالة بس الموضوع جازلي<----- بدري يابو الشباب
التعديل الأخير تم بواسطة شفلوت بن عادي ; 14-02-2007 الساعة 10:36 PM
شفلوت بن عادي غير متواجد حالياً  
رد مع اقتباس