[poem=font="Simplified Arabic,4,black,bold,normal" bkcolor="transparent" bkimage="backgrounds/20.gif" border="none,4,black" type=1 line=0 align=center use=ex num="0,black"]
بسم الله الرحمن الرحيم
هذة القصيدة مرثية في الشيخ / مترك بن ذيب بن شفلوت شيخ
شمل قبائل عبيدة قحطان رحمه الله في شهر ذي الحجة 1425هـ

بديت بسم مكون ادم من الطين=اللي خلق عبده من الطين واحياه
الواحد المعبود رب الثقلين=خلاق مافي الكون عالم خفاياه
اللي خلق خلقة على شان امرين= احداَ وقود النار واحداَ لحسناه
يوم البعث فيه المخاليق عارين=وكلاَ على قد اعمله ياخذ اجزاه
ومن سطوته كل الخلايق ذليلين=ولرحمته كل الخلايق برجواه
يوم اللقا واحساب رجح الموازين=وكلا سجله حق الاعمال يقراه
الفايز اخذ كتابه بكف اليمين=والخاسر اخذ كتابه بكف يسراه
ومن بعد ذكره نبتدي الشعر ذا الحين =هات القلم والطرس والحبر وادواه
بكتب قصيداَ في العزاء له عناوين=فيه العزاء عنوان والامر لله
رد العزازاء لملوكنا نصرت الدين=فهد وعبدالله وسلطان عزاه
في موت شيخ من شيوخ القحاطين=مترك ولد ذيب عسى الخلد مثواه
شيخاَ حفظ عهد الملوك الموامين=واخلص لحكامه على العهد واوفاه
اوفى لحكامه وهم له وفيين =في طاعة اللي كلنا تنبع رضاه
مرحوم ياشيخ السلف والمضاعين =شيخاَ يقود شيوخ قوماَ مسماه
سموا عبيدة بأول الوقت والحين =ولولا عبيده عربو اليعربي تاه
ويرعى بني عمه وهم له مراعين=ويدرى زعلهم وهم يمشون برضاه
شيال حمل الضيم لا صار حملين=يفرح به اللي شال حمله وخلاه
ياما طلب بالجاه واطلق مساجين=لاستصعب الموقف على غيرة انهاه
ريف الضيوف مذبح الحشو والضيني=يافرحة المضهود لا تاهت ارياه
وياما سعى بالصلح بين الخصيمين=لين انتهت بين الخصيمين دعواه
ويشهد على ما اقول حضر وبداوين=والله على ما اقول يشهد ويراه
ويشهد شيوخاَ من الاجانيب الاقصين=ولا خير في قولاً على غير معناه
الله يبيحه ويغفر ذنبه آمين=يغفر ذنوبه ويتجاوز خطاياه
ويعوضه بدنياه حوراً من العين=ويغفر لنا لا جاء لنا مثل ما جاه
ويجبر عزاء قحطان بالصبر ويعين=ويجبر عزاء اعياله بعد فقد فرقاه
ذيك الشيوخ اللي على ايده مربين=النهج نهجه والسجايا سجاياه
كن متركً ما مات ويشوف بالعين=ميت كنه حي من طيبة ابناه
مامات صيت اللي عياله وفيين=قال المثل ما مات من خلف اشباه
عانو شبيهه شرق للجـله ويمين=في وسط قصرٍ عالياَ سور مبناه
قصرِ جنوب الجله كنه جبل تين=ماصك بابه والرجاجيل تنصاه
فيه ابن مترك ذيب والله ونعمين=اسم على راعيه طابق بالاشباه
ذيبِ عن امية ذيب يفرق ملايين=ويابعد نجم اسهيل عن الارض بعداه
هذا وبعده مانسيت السلاطين=عمان ذيب اصل الشيوخ المسماه
اخوان مترك حرزة العسر واللين=نفخر بهم في مقدم الوقت واتلاه
في راي شيخاً من دهات الدهيين=شيخ الشيوخ اللي على طروقه مخلاه
مناحي ولد ذيب عسى ايامه اسنين=من راس ذيب معرب وزيد مجناه
مناحي بعد مترك يكفي عن الفين=من دون نقصاً في الشفاليت شرواه
شيخ الذكاء والعدل والصبر والدين =وشيخ الشمل ميزان حق المساواه
شيخ نصف ميثاق عدل الموازين=حلال عسرات الحجج والملاواه
شيخ لعبيدة لغدا العلم علمين=ماهي سوالف الرياء والمرواه
شياخةٍِ من قبل تاريخ قرنين=ورث الجدود اهل السيوف المحناه
واليوم في حكم الملوك السلاطين=آل السعود مطوعة راس من تاه
خيالة العوجاء على العسر واللين=وخلو الاسد والذيب يمشي مع الشاه
وقل الصحيح يصح عند الصحيحين=ولا الرياء مترين ويوقف ارشاه
وعد الروى هداج ماغطه الطين=ماني برب اللي على عينه اغشاه
قلته بسم ربعي كل المهادين=خمس القبايل ملحقين المخلاه
وربعاَ لكم في جور الايام صافين=وان شلتو البيرق معكم حميناه
نطاحة الهيجاء اعصاتٍ ثقيلين=ستر العذارى في نهار المثاراه
للعي عيين وللعدل عدلين =اما عطينا الحق والا خذيناه
وصلاة ربي عد ناس ملبين=واعداد من جاء زمزم وشرب من ماه
على نبياًَ وضح الحق والدين=محمد اللي بشريعه تبعناه

الشـــــــاعر /علي بن عبدالله بن محمد المهـــداني[/poem]

__________________