السلام عليكم ورحمة الله وبركاته

يسعدني ان اكون احد اعضاء هذا الصرح الشامخ

واليكم المصافحه الاولى عسى ان تنال اعجابكم




[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
لاياهجوسي قربي وأسعفيني=وهاتي لي اللي ذاخرينه ليومه
وإليا زهمتك بادري وإزهميني=خلي هوا شعري يعانق نجومه
أطربك شعر وسولفي وإطربيني=وإسري مع فكر(ن) جفا الجفن نومه
أكتبك حرف ولاسهيت إكتبيني=إنسي ظروف الوقت وانسي همومه
اسهرك طول الليل ولا إسهريني=وإليا طغى نومي فطيفك حلومه
الشعر له فالقلب شوق وحنيني =أخوان انا وياه وابنا عمومه
يكفي إني لابغيته يجينى=ولا يجي إلا لابس أحلى هدومه
واذا بغاني ادري أنه يبيني=كنه لزوم(ن) لي وكني لزومه
واليوم علم الطيب بينه وبيني=الشعر دوله والمشاعر حكومه
قصيدتي نيابة(ن) عن يميني=جتكم تصافحكم وفا ومعزومه
سلام سنة خاتم المرسليني=سلام أغني به واجمل رسومه
أختارله جرل الكلام الثميني=وافرش دروبه قبل ساعة قدومه
ورود فل وعنبر وياسميني=وليا وصل مافيه حي(ن) يلومه
في منتدى أهل العرف والعارفيني=احط توقيعي واصدق ختومه
اعداد رعاد(ن) لصوته حنيني=واعداد ماهل المطر من غيومه
ياعزوتي يامحزمي نوم عيني=ذرة سنام المجد وأعلى رجومه
قحطان ربعي تلطم العايليني=مانحسب دفاع العدو وهجومه
وإذا جهلنا اجهل الجاهليني=الموت لوهو بجر رحنا نعومه
تشهد لنا أيام وشهور وسنيني=يوم العرب مابين طيحه وقومه
لنا الفخر مخصوص في كل حيني=لصار كل(ن) يفتحر في سلومه
افعلنا ماضي وحاضر تبيني=سلاحنا بالضد تشهد وسومه
تقدير ربعي بالوفا عاش فيني=واجب علي وكل مابان أقومه
والشكر والتقدير للطيبيني =مثل القويفل عزوتي وابن نومه
وعبدالله وخولان والغانميني=ولكل رجال(ن) تشرف علومه
ومراقبين الصرح والمشرفيني=وجميع ألأعضا والضيوف محشومه
انتوا بني عمي ومني وفيني=ومن لامني فيكم عسى الله يلومه[/poem]


وسلامتكم