[poem=font="Simplified Arabic,5,chocolate,bold,normal" bkcolor="black" bkimage="" border="double,medium,sienna" type=2 line=0 align=center use=ex num="0,black"]
حلوم حلمناها تشيب رموش العين = وش أسبابها ؟ مدري ! أضن العشاء نيه
على الله ما يسمع عن أحلامنا الواشين = ونمسي ورى البيبان بديار منسيه
وقطعاك يا شعر ما هو شعر بن حثلين = علامك تسريني في أحلام ورديه
قلبت العراوي للشبح وأصبحت هبسين = وخليت راعيها يسنن على الميه
لو الحلم يتحقق بعد رخصوا البنزين = طوينا العراوي طية فوقها طيه
ولو بن طلال مخيم بالشعف يومين = نصيناه يفزع للقلوب الهواويه
ولكن وليد بناطحات السحاب ووين = أنا من دياره يوم جت للسفر نيه
ياليته شقيقي وأقسم اللي معي نصفين = ولي منه عشر من الزكاة النظاميه
وليته صديقي كان ياحي ذيك العين = ولو كنت انا وياه بخيام بريه
وليته درابي كيف نزل عقالي الدين = وخلاني أمشي وهامة العز محنيه
******
وهذي حلومي في الشبح وسمعوني زين = تروها حلوم تالي الليل وهميه
حلف ما يوقف غير لا فلل البنزين = عليه النجيمي ما رقد وقت عصريه
توجه من الجوه ورى وادي العرضين =وعنده قفى تثليث في الخط ماريه
على أوراق جمرك ما نقل عند بو سنين = ولا ناظرت سيره عيون الشريطيه
أبو صافره توه جديد على التمرين = ليا قام ما جت به صواريخ حربيه
سرى على الوهابه ويمن الجوف والفرعين = وهو عارف بالخط خفر ودوريه
تعدى على بيشه وكل العرب ممسين = ووصل السبيعي راعي المدح فجريه
تسلم وسلم كاش ما قال لي بعدين = عرف سلمنا يا أهل الديار الجنوبيه
وقلنا لهم عشره وعشره مع عشرين = فقال الوفاء حاصل سلمتوا على الجيه
رجعنا في الساقه وجينا على العرقين = ديار عليها المزن في كل وسميه
*****
لقانا الهلالي بو علي نعم به ستين = خوي الظفر راعي الدلال الهلاليه
عرفنا بنمنع لا يضيف وهو في حين = قفز مثل نمر ضامه الجوع وكويه
طمر بينها وهلل وكبر على ثنتين = ومنعناه من الباقي بدين وقرعيه
معه بنت شيخ ما تصغت من الملفين = ليا غاب رجال ولاجاء فحوريه
ونا ممدح ولا ذم والعفو يا بن حسين = وعساك السعاده كل ليل وصبحيه

الطائر الهايم الحزين[/poem]

__________________