علي البورعي@سعيد ابودية
[poem=font="Simplified Arabic,5,black,bold,italic" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البورعي
يابو مبارك مرحبا ترحيب من روس أقحطان=هاذي عوايدنا وذي ترحيبة الجدانية
خولان أبن عامر يسوق الهيل قدم الزعفران=حسب الصداقة والمواقف والعلوم الثانية
ابوديه
ابك البقا يالبورعي وين انت غايب من زمان=تعال وقطف من ثمر خضر الغسون الحانيه
ولا يهون اخوي ابن عامر وله قدر ومكان=حسب الصدقه جاتنا دعوة عزيز(ن) عانيه
البورعي
ماغبت والي غاب يرجع لرجال وللمكان=ولا أنت غايب عن عيون الناس والصدقانية
خيلت لي برق عليكم لارفاع ولاطمان=وبله غبر والبرق يضرب شوط في العمدانيه
ابوديه
بين الرجا والياس يارجال وللي كان كان=العمر يفنا والليالي السود ماهي فانيه
خل البروق الساريه وطمر مثل طمر الحصان=واحسب حساب القاصيه واحسب حساب الدانيه
البورعي
صدقت لاكن من يحب العز مايرضى الهوان=لو كان يرخص دم قلبه من غلا لخوانية
خلك معي خلك معي ولاتجي عشرك ثمان=عطني علومك يارفيقي والعن الشيطانية
ابودية
المهره اللي مالها فارس ومطلوقة عنان=اليا انتخيت بعزوتي راضت بدون عنانيه
وانا معك ماوجود لاشك السراير لاتبان=احذر تسير السالفه مثل بعير السانيه
البورعي
أستاذ ومعلم وتذكر في الكويت وفي عمان=واللي معك صقر يرفرف فوق باالجنحانية
لاتحسبنا نعرف الراشد وكرنيش الحنان=حنا نبيع ونشتري في الفورد والألمانية
ابوديه
ياطير شلوى لي كسرت الحوم وقت الجد حان=وان جاك ظيف الليل رحب واطلق الحجانيه
متى متى متى متى متى متى يابو فلان= الله لنا ياهل الهوى واهل القلوب الحانيه
البورعي
لابان ضيف اليل عشيته قعود لشهران=والعود الأزرق يدرج والشحم والخولانية
ياأهل الخبر عشتوا بنعمه ماتحسبون الضمان=ألين صحاكم هدير الموج في الشطانيه
ابودية
ظيفك عما قلب وبصيره يالدانه يالدان=واثر اكثر الشعار هيمانين في الوديانيه
ياهل المطايا الوضح صارت كنها معزا وضان=مدري عليك اللوم ولا اللوم عالرعيانيه
البورعي
للي تبي تلعب مع أهل السيف بيدك خيزران=لاتحسبنا ياشنب وضحى وأبن عجلانيه
اللوم يلحق من يخش القرش ودق الكمان=اللوم فاالراعي عضامه من زمان وانية
ابوديه
ياشاعر المعنا سرا لاهنت ياطلق اللسا ن=واقول يكرم شاربي يامضيع العنوانيه
الله يقبل توبتك والله يبلغك ارمضان=ولا انت ماقصرت لا رابح ولا خسرانيه[/poem]