مرحبا والله وغلا ياعامر الكدادي

سؤالك الاول طبعا ً عن المشيخه


جوابي عليك طال عمرك

ال شهوان ماشاخ عليهم احد شيوخهم منهم وفيهم

وسؤالك يوم تقول معنى كلامي ان ال شهوان داخلين مع بني هاجر ارد اسؤال عليك بني هاجر ماهم من قحطان ومن شريف

وال شهوان من قحطان ومن عبيده

يعني الاصل واحد

ليش اتسميها ان حنا داخلين على بني هاجر ليه ماتقول ان قحطان واحد


اما عن سؤالك ان ابن عفيشه ضايع ولا يعرف الاصول هذا الرد على كلامك طال عمرك


باحول قدر المستطاع اني اوضح لك اشياء كثيره

معناها واضحه للذي يريد الحقيقه


الشاعر دغش بن سالم ال حامد الكدادي الهاجري

يقول في قصيده له

ولاحظ البيت الي بلحمر


يوم على فوده جرى مـن رفاقتـي= وحمدت انا ربـي وسيـع الكنايـف

وا نا احمد اللي جابهم ثم رمى بهـم= ثـم اتليناهـم بـحـد الرهـايـف

قولوا لبجـاد يخبـر هـل الغضـا= والله عليـم بالـدمـي الخفـايـف

جبنـا ضحاياهـم عليهـم قريـب= من السعد مانرضىلهـم بالشفايـف

خمسه وتسعين قضى في هل الغضا=مع مثلهم راحـوا لقومـي طرايـف

تفرشـوا منهـم ومنهـم تلحـفـوا=مع مثلهم راحـوا لقومـي طرايـف

ياما غدا فـي دقلنـا مـن سنافـي=عليـه يبكـن البـنـي العفـايـف

ياما بكى من حربنـا مـن معـادي=من همنا ما يمـرح الليـل خايـف

من وقع ربع في اللقا تحرز الوجايب=حريبهم يشكي الونـي والحسايـف

على سالم زيزوم حمر ايلا اقبلـتب=هواجر تتعـب جميـع الطوايـف

ايلا قربـوا جمـع لجمـع وقابلـو=اوهابوه مكرمـة المهـار العسايـف

دفعها بكفه واقتصـر فـي حبالهـا=وضرب مكلوي الجمع ماهوب خايف

ربع على اهل الجوف شفنا مليحهـم=على الخيل ورد والبكار العسايـف

عطونا على الفاقه نهار قضـي لنـا=وعليهم بياض الوجه في كل نايـف



وهذي قصيده الشاعر راشد بن عفيشه ال شهوان

ولاحظ البيت الي بلحمر

ياراكب من فوق سلكات الاقران ==عوجا كما القيسان كنهن لاهله
فج المرافق عقر حثفات الثفان ==ياماشبن من راس ريدا مزله
مثل القطا لا واعدوهن بمعطان ==وان حركوهن جن بالجري كله
من البحث تنشر مع وقت الاذان==لعصر في ام حويض دربك تدله
والصبح ضربهن على بدو راكان ==ويلا لفيته يا نديبي فقله
لو نسفهه في هرجته قال حقران==الا نولم ردها حشمتن له
قل ويش عذرك من فلاح وكمعان ==وعرج وخيل الجوف عقرت عما له
وقله ترى العضبا تقفت بنيان ==ومنين ماراحت علة جات علة
هواجر من روس جنبا وقحطان ==نلحق شبوب الحرب شهبا وسله
وبشرية من حربهم شاعفه جان ==وظياغم ما خلقو الا عنا له
من وقعنا اللي يمتني الذيب سرحان==كم راس شيخا من متونه نشله
ايلا تلا قينا والارياق يبسان==لا كلحت لانياب خطر محله
بمصقلات سغل صناع نجران ==نروي النغلب والوديدي نعله
كله لعنا الغر سحاب الاردان ==ابو دليقا فوق متنه يهله
ازبن عكف باشا يردد لك الشان ==والغلب طوع وباقي الهرج


وهذي قصيده الشاعر حرفاش بن ناشي الكدادي

لاحظ البيت الي بالحمر




أقول ذكر الله وصلوا على النبي ***قبل الهروج وكل طاري جابها

اباعد فعل الله وفعل رفاقتي*** لا جات هيات يضيع حسابها

هياتنا لاجت على حفيفنا *** كم حلة هياتنا خرابها

حنا بني هاجر عذاب للعدا *** من عصر الأنبياء واصحابها

حنا قصاصيب النفوس إلى دنت *** لاجات تحدا والولي جلابها

كم جادل منهم طويل ويلها *** تبكي من الحرة تطر ثيابها

تبكي على كل ابلج في دقلنا *** غدا وعقبه شوفنا عذابها

لاجيت بأعدد فعول رفاقتي *** بيلدني طول الزمان حسابها

باعد ما واجهت معهم ذا السنه *** فان لا ولت أسج والا انسابها

باعد فوق مريقب مخيله *** هلت وجاء رزق الطيور سحابها

هلت ومصبوب الرصاص لها برد *** وعج السبايا والملاح ربابها

على أبن جمعه يوم زار بجردته *** وهية يبطا وهي يحكا بها

جانا بقوم شوفهم يقطع الظهر *** من يوم قبورا لنا يحيا بها

جانا بشذرتهم وسلت حربهم *** عقيد قوم في اللقا يدعا بها

عجمان ظفران رزال في الوطن *** كبار الجموع إلى خضب قرابها

جانا بكل مجرب في جرته *** يبغي ابلنا مشفين على حلابها

خيله ترمل والكمي بيارقه *** على البيوت مقدي صلابها

من قو قومه يوم هو مرهي بهم *** اقبل على البل في الضحى ما هابها

واقفا يسوق البل ماهوب يهجها *** مشفى على الغراد والملفا بها

حكل بحكلا ما أسلمه من شرنا *** سياتنا جاته بحذف اسبابها

من يوم شاف الخيل لحقت بالشهر *** عاف العشاير عقب عذق وجابها

جنب زماميله وغضرف بالكمي *** يبغي السلامه من عسال حرابها

والشر جاته تدفعه بنحورها *** خيل الهواجر متعبت حرابها

هل سربة منها الفرج لما قبلت *** ترد المنايا يوم كل هابها

أهل مهار كل ماثار الدخن *** لا هي على التالي تعوج رقابها

يوم على العجمان جاء سعده لنا *** عصرية ربي عطانا اشبابها

جيش تجمع والقلايع خايره *** وكم من جواد حولوا ركابها

منهم خذينا الزود وعيال الطلق *** واللي عريب جدها يشبا بها

من عندنا حقوبها هزيمه *** إلى الجوف مالتموا وهم ذهابها

منهم كلت سحم السباع وغببت *** واهدت على الويوان باقي زهابها

كله لعنا الخلج لا ترابعت *** في اسناعنا قامت تعوج رقابها

وآلا لاعنى الضيف في عسر الغلا *** غبق توالي الليل در أحبابها

وآلا لاعنى كل عذرا وقفت *** شافت عدايلها الكمي قفا بها

يا ليتها معنا تخايل طردهم *** حتى تبرد صدرها مما بها

شافت هداليق العيال تعطفوا *** كل ابلج خده يدوس ترابها

وصلوا على ذكر النبي واستاردوا *** أخير من سوالف يحكا بها



وهذي قصيده الشاعر عمير بن راشد بن عفيشه ال شهوان


لاحظ الي بلون الحمر

يا غتيرٍ بالقبايل وتاريخ العرب
جدنا اللي سبع الأفيا شكوا حرايبه

حن بني ضيغم عبيده عريبين النسب
من بني هاجر وقحطان حن ضرايبه

جمعنا يشدي قنيف يزايفه المهب
الهنادي بارقه والقنا سحايبه

والرعد حس المحبب الى منه نحب
والغثير وعج صم الرمك سكايبه

ما نعيل الا إيلا من حرك العايل سبب
وإعتمد بأمراً وكبرت بنا مصايبه

ما يفك المنتشب من مدورة النشب
كون من لا يحسب القبر كم نصايبه

لامشينا بالسلايل وحذفنا السلب
واحتمى سوق الفناء والتقت مصايبه

نرد ميراد الظوامي على جال الثغب
ماردٍ للخيل بين المرج والعايبه

ذا لا عني صافي الخد مزفون الهدب
جادلٍ يضفي على منحره ذوايبه

نلتقي للضد شروا قصاصيب الجلب
لين مجلبنا يوقف مع جلايبه

مجزراً لاولاد به مثل عمري الخشب
لاحدر به جارح السيل من شعايبه

وإن بغى زودٍ حايشة النكب
ضربةٍ في الرأس والا مع ترايبه

وان تنزح ناصله فوق زينات الودب
نقصر العنوه على من بدت سبايبه

ننثر الغاره ولو فيها الجنب
لين يظهر كل متوجد وجايبه



وهذي قصيده لشاعر محمد بن زايد ال حصين ال عضية

لاحظ اخي الكريم البيت الي بلون الحمر.

بديت باسم اللي عزيز شانه *** وهو المصير اللي له المرجاعي

وقمت أتمثل يوم زان لي المثل *** وعلى المعاني بان لي مهياعي

وباعد نزل الله وشوفة عيني *** وباراعي اللي للعباد يراعي

وما نيب مثل اللي كذب في قيله *** والكذب ما يرفع قصير الباعي

والصدق برهان ويبطل غيره *** وفجوجها للغانمين وساعي

غرنا على ابل القوم في مفلاها *** وقدنا عنيق المال لين انزاعي

واقفوا عليها لابة شريه *** والذيب ما يرقد إلى من جاعي

حالوا على ابل القوم كل مجرب *** وللخيل نطاح وللبل شاعي

هواجر من عصر نوح الأول *** حريبهم من فعلهم يرتاعي

ولحق الخفيف له بمقدم سر به *** له نيه فينا وظنه ضاعي

واقفا وخلى سابقه مجضوعه *** وابن جنيح يطحس في القاعي

وعافوا لقانا يوم شافوا وقعنا *** وفهيد ينشد شايبه ما ياعي

ويقول يا يابه عساك عرفتني *** وربعه على رأسه تجر الناعي

هذا لا عنى جادل مسلوبه *** سلبت وخلوها بغير قناعي

قامت تنادي الغايبين من أهلها *** كل ابلج في الضيق ذكره شاعي

يا ليتها معنا تشوف بعينها *** يوم الفشق من بينا ينزاعي


وهذي القصيده لشاعر عمير بن راشد ال عفيشه ال شهوان

وانضر اخي الكريم للبيت الي بلون الحمر

وعلى فكره اخي الكريم هذي القصيده لها سالفه واذا كنت تريد ان اقول اسالفه انا حاضر وممنون


ياسعيد كـان تسـال جـد وتحفيـد -- لـك معنـوي باصلـنـا تستفـيـده
يمكن عليك نـزل بالخبـر ونزيـد -- الا انشـد التاريـخ تلقـا وكـيـده
حنا الذي يضرب بنا الوصف ياسعيد -- ضياغم مـن روس جنـب وعبيـده
وهواجر يوثق بنـا فـي المعاهيـد -- وقحطان ابونـا حافظيـن رصيـده
والسمت والشيمه وقسم مـن الجيـد -- سلـم لنـا كـل القبايـل تـريـده
نزهين من قرب الدنـس والمناقيـد -- وعروضنا مثـل الثيـاب الصفيـده
وقصيرنـا ماحـن لبيتـه رواويـد -- لا غـاب منـه ليـن حتـى يعيـده
ولا نختبي دونه بالاشيـا المزاهيـد -- وايدينـا فـي غالـي الـزاد بيـده
ونتبع مراضي جاهله لو على الديـد - ولكرام جار البيـت نفـرح وليـده
وان مـر كلبـه ماحذفنـاه بالحيـد -- لو كان مانرجي ورا الكلب صيـده
ونطنف مراحيله ولو هـي مغاميـد - وعلى كرامـه ضيفنـا هـو قعيـده
وخوينـا نكمـد مشاكيـه تكمـيـد - لـو مايهوجـس يمـنـا بتعـويـده
وان زارما العاني لبعض المقاصيـد - متعلـث ماننشـده عــن سـديـده
نذبح سمان الضـان لـه والمفاريـد - ومن جـاد للعانـي فرحنـا بجيـده
وان جاو اهل جيش ونايا مضاديـد - ماذاقوا امـس الا شـلاوي قديـده
نقحص لهم بالهيل تـرس المباريـد - والبن يحمس جمر الارطـا وقيـده
ونقحص لشتويـا دفوفـه ملاهيـد - ويفهق لهم عقب العشـا بـه بريـده
وان زارنا المجـرم يقـزي لذاويـد - ينزل ويرحل ماجعـل لـه نضيـده
فوق العـلا نرفـع مبانيـه ونشيـد - اليـن يبعـد مـن وطنـا شـديـده
وان رامنـا ضـدا عمدنـا بتكويـد - عـود بغبنـه عبرتـه فـي وريـده
نجعل على زوره رسـوم مجاديـد - ويبطي وكبده مـن سنعنـا غديـده
وايلا انتزح منـا ورا واسـع البيـد - فالجيـش يقطـع مستـواه وقويـده
ماهـو علينـا لـو بغينـاه بعـيـد - نصبر على حـر الزمـان وجليـده
ناتيه في الكنـه حلـول المواريـد - معطـان والا نرضمـه بتهجـيـده
يصبح قطيعه بيـن الايـدي تباديـد - ويفرح ايـلا ردوا عليـه الشريـده
واقفوا على ابله شايليـن التغاريـد - ومن الحسايف يصفق ايده على ايده
ومن زان حنا لـه خيـارا اجاويـد - ومرجـام للشيطـان لفتـل قـيـده
لحركوا الاسباب بعـض المقاريـد - نوطي على الزرب الصريع وهميده
وان صار من بعد التساهـل تلاديـد - فالرابـح اللـي مقبلاتـه سعـيـده
سلم النضـا والخيـل مافيـه تبنيـد - فـي كـل وقـت لابسيـن عديـده
وان ثار عكنان كشف غـره الغيـد - ندعي النفوس الغاليـه بـه زهيـده
نلقط على الهيجا وحـس البواريـد - لو كـان ماينفـع عضيـدا عضيـده
لاوصلـت الذلـه معلـق لواريـد - واللي معه جريـا تقاصـر فديـده
ونفرج ايلا من صار صكا وتسنيـد - الى استغرب الطارد بقيضه طريـده
صار اجتوال الخيـل تـن وتفاريـد - وكـلا يخايـل غـره فـي نديـده
هـذا عليـه معـوديـن تـراديـد - ونحيي الامور الماضيـه بالجديـده
وعشنا على صايب ومصيوب وشهيد - وهـذاك ممنـوع تعـزف ذويــده
وهـذاك معتـدي وذا كاسـب فيـد - واصبح يوزع بيـن الادنيـن فيـده
تمـت وصلـى الله وسلـم بتجويـد - علـى نبـي مخـلـص بالعقـيـده




كل هولا الشعار لم ياتي واحد منهم في قصيده واحده الضياغم الى الشعار الي من ال شهوان


ردي على سؤالك هل هولا الشعار لايعرفون اصلهم ؟؟؟؟؟؟

لماذا لم يذكرو في قصيدهم الضياغم ؟؟؟؟؟؟؟

لماذا كانت كلمت الضياغم لا تقال الى في اشعار ال شهوان فقط ؟؟؟؟؟؟

الاخ الفاضل عامر انا اجبت على اسالتك

ياليت تجاوب على سؤالي سؤال واحد فقط


لماذا لم يذكر الشعار الذين على عصر بن عفيشه في قصيدهم الضياغم او عبيده اكانو جاهلين في هذا ؟؟؟؟؟

انتظر جوابك اخي الكريم


تحياتي لكم جميعا ً