الجمس
[frame="5 80"] ادق قلبي كمـا دق المساميـر
بسباب جمساً على درب الشمالـي
لقبل علينا كما طيـور الصقاقيـر
من شاف زوله يقول يا بري حالي
و لا قفا عنا تقول ويت مصاديـر
هذي و ثايـق تعبرهـا الرجالـي
حرارته بارده وسـط المواصيـر
و من قو عزمه يذببهـا الجبالـي
تقبل عليه الرجال مثل الطوابيـر
هذا رفيقي في عسـرات الليالـي
هذي هجوسي على قول المسارير
يقطع بي البيد و انا مرتاح بالـي
ياراكب الجمس بالله خلـه يطيـر
يقولها واحداً مـن رجـم عالـي
يقولهـا شايـب عيالـه مناعيـر
اصغرهم اللي عقد روس الحبالـي
و اكبرهم اللي وسط راسه سعاطير
ايوقف للقـوم و يدينـه طوالـي
يا راعي الجمس سداد المشاويـر
اخذ الشهاده من ارجـال المعالـي
و اللي تسبك عسا ماجالهم خيـر
اقطع طريقك و اخذ صفر الدلالـي
كل القبايل تبيه مـن دون تخييـر
و انـا شريتـه بدقـات الريالـي
الهاجري قالها من غيـر تفكيـر
انشد مجرب و خل كثر السوالـي
و المعذره كان جاء مني تقاصيـر
الله يبدل بهـا ستـر و ضلالـي
و الخاتمه عد من ساق المظاهيـر
صلوا على اللي لفانـا بالعدالـي [/frame]