ليه تستـذيب ..!!
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]



ليه تستذيب وفي عرقك نعاجه = أحترف ناقص عقل لعب النقيصه
العوج لو عمي ماخلا العواجه = تلحـِقه عوجاه لو نفسه حريصه !!
قصتك هذي دليل أعلى السذاجه = فكرتك ضحله 00 واساليبك رخيصه 00
تحسب إن قلبي مثل قلب الخواجه ؟ = لاهدر راسي غدى صدرك خبيصه
كان لي بك قبل ما كلـمـّـك حاجه = وبعدها جاني من الدعوى قريصه
أم أنا ماني بمن دوّر خراجه = عند من لاينعرف حيصه وبيصه
خاولك لحجي يعلمـّـك اللحاجه ! = وخاو قناصٍ يجمـّـل بك قنيصه !
قدك من صيد أمس لوصيدك سماجه = وأنت مشكلتك مع النـُـدّر عويصه
ودي أئمـّـن عليك بأي حاجه = وإن خذاك الله تغانمت البوليصه !
قصة النبي يوسف وأحتجاجه = والدليل أللي معه (قدّت قميصه) ..
والله اللي يولج الضيق أنفراجه = يسـّـلم المزمار ويعذّب رقيصه !![/poem]

يسلم قلبك يابو محمد

من له عادة مايخليها

لك من اهل قرطاج احلى سلام

السلام عليكم

صح الله لسانك يابن حمري...وماهي غريبه منك هذي القصيده الجزله
راااااااائعه بكل ماتعنيييه الكلمه من معنى...ادااامك الله رايه للشعر

اخوك علي طراد

ليه تستذيّب وفي عرقك نعاجه


هههههههههههههههههههههههههههههههههههههههههههههه

الله يسعدك يابوفواز ..


عزالله فاله الشين من يستذيب عليك ....


لاهنت يالوافي وصح لسانك مليوون ...

ارحب ارحب يابومحمد وصح لسانك وعلا شانك ويقشر حظه من يستذيب على رايه الشعر


جعلني مااذوق حزنك ولا ابكييك ياطير شلوى

صح لسانك

وبيض الله وجهك

والله لايهينك

راية الشعر





سود الله


















وجه من يقول ان ما انت براية الشعر



الا راية وعلمه ولوحاته الابداعية




صح لسانك وكثر الله خيرك وجمل الله حالك



ترفع الراس بين الروس والروس محنيييييييييييييييييييييييية

ابو فواز مبدع


وشهادتي فيك مجروحه



تحياتي

كما تعودنا الجزاله من راعيها

لاتحرمنا من الجديد

تقبل كل الود