|
نصائح قحطانيه و بأسلوب ساخر جداً...تفضلوا جميعاً على واجبكم
السلام عليكم و رحمة الله و بركاته
حبايبي إخواني و أخواتي الأعضاء و الزوار الله لا يسعد مساكم الا بكل خير و الله يسعد قلوبكم يا بعد طوايف زملاء الدراسه الله يقلهم مثل ما قلت بركتهم أحبتي فيه عندي كلام ملزم الا أوصله لكم قلت على أمل و لعل و عسى أن فيه أحد يبرر لي هذا الموقف أنا عزابي و مع الزمن الأقشر متغرب لظروف الدراسة لذلكم أخوكم مرابط في المطاعم اللي مضيعني يلقاني في الظهر عند مطعم بيت الشواية و في الليل في مطعم سرايا التركي أو مطعم الفخار و إذا طفرت وانتهت المكافأة عند أقرب فوال أو مطعم فلافل المهم لما يمتلي بطني من خيرات ربي أروح آخذ خلاله ((العود اللي أنظف فيه أسناني)) و لما أناظر في اللي قبلي و الا اللي بعدي أشوفه ياخذ خمسين خلاله و يحطها في جيبه طيب ليش كذا و بعدين هذي مو مره و لا مرتيبن هذا روتين الشباب السعودي كل مره بصراحه شي مضحك بالنسبه لي و لما تركب سيارته تلقاها كلها أعواد خلايل.. أما لو إني في الديرة الله لا يوريكم و الضيعه في شيبانا بعد الغداء تلقى الشيبان كلهم عند أقرب طلحه(((الطلحه هي الشجره اللي فيها الشوك))) هذي الخلايل حقت شيبانا الله يطول بأعمارهم و تعالوا شوفوا المجلس بعدها أنواع التصفير و أنواع النغمات تطلع منهم لذلك يا حبايبي يا شباب و شيبان أنصحكم بالآتي: ما تاخذون الا اللي تحتاجونه,,,يعني لا تتطحلبون و ماتوفرون شي<<<عارف نيتكم أكيد تقولون خلنا نطلع قيمة الأكل ونحللها مو أنتو قحاطين و خبز إيدي و إذا كنتو في مناسبه و بعد ما تضرب في المفطح و تاكل حتى تطرقع مسامعك لا تقعد تنتظر اللي جنبك حتى يقوم علشان تاكل الحلى اللي عنده ياخي إشرب عبيله و اضرب الباب و لاتحرج اللي جنبك و إذا طلعت من العزيمه رح اشترلك بريال بسكوت توفي لك و لا هواي و حَل الله يزيدك حلى و برضه إذا صرتوا بمناسبة لا تقعد تغث اللي يصب القهوة و الشاهي و تسوي فيها راعي سوالف و خاش جو و تتقهوا و الرجال تعبت يدينه من كثر ما يصب يعني خذ فنجال فنجالين و كرم الله يزيدك كرم برضه إذا أرسلك الشايب عند واحد من الجماعه تعزمه و لا شي لا تروح تتميلح عند الباب و تسوي فيها مطبز و الشماغ مليان نشا و تنعم صوتك على بالك بترد عليك بنت و بتناظرك من خلف النافذه<<<حركه النافذه و كمان فيه نصيحة مجنونه للشباب اللي مثلي عمراً و عقلاً إذا صار و توهقت و عزمك أحد الشيبان و فيه ناس كثير موجودين بالمجلس لا تستعجل بالرد و تغلط و تجيب العيد خلك ايزي و طبيعي جداً و رد ببرود حتى ما تطبلها على راسك و يقعد الشايب يلعن اليوم اللي جابك فيه العزيمه لأن هذي المواقف تصير لي كثير خاصة لما تنتهي الدراسة و أرجع للديره في الاجازات الله لا يوريكم أنواع التكليج.. كذلك يا شباب يا حلوين لي عندكم طلب و تكفون لا تخيبون ظني فيكم إذا فيه أحد يبي يكشخ و يروح مناسبة كبيرة ما عندي مشكلة المشكلة في الشراب اللي بتلبسه الله يرحم والديك غسله قبل ما تلبسه خاصه العسكر لا تلبسون حق البصطار قسم بالله تجيبون أجل الضيوف يالريحه يعني خلك ستايل و كول علشان تخلي اللي جنبك يسولف معك و هو مرتاح كذلك فيه كلمة أحب أوجهها إلى إخواني الأعزاء ممن لم يحالفهم الحظ في الحصول على وظيفة و أقول لهم عارف أن الشيبان يعتبرون مصدر قلق خاصة أنه ما عاد يهمهم سوا فلان ضابط و فلان مهندس و شف فلان وظيفته كذا و كذا و أنا أقول إذا أحد سألك من الشيبان في المجلس خصوصاً إن فيه شيبان الله يصلح حالهم يحبون يتشمتون لا ترد عليه و قل الله يكتب باللي فيه الخير و صدقني أنه مهما طال الانتظار سيأتي يوم و تفرج عليك و يفتح لك باب لم تكن تتوقعه لكن دع أملك بالله كبير و قلبك معلق بذكر الله و الدعاء المهم أن تأخذ بالأسباب وتبحث و ثق تمام الثقه بأنها ستكون سحابة صيف و تعدي فكم من شخص عرفناه عاطلاً أكثر من سنة و فرجت عليه و لو صار و حصلت على وظيفة براتب لابأس به فأقبل بها و ابحث عن غيرها لكن المهم لا تجلس لوحدك كثيراً بل اجتمع بمن تحب و عش حياتك طبيعية كما لو كنت مهندس و الصبر دائماً نتاجه كل خير أحبتي هذي نصايح خاصه بالقحاطين الله يطول بأعماركم و بلهجه جنوبيه بحته<<<يعني اللي من غير الجنوب يشتري معجم للترجمه والا يقابلني في المجلبه((يعني سوق الغنم))) أترجم له.... و انتو ياربعي يالقحاطين عارفكم حقين مفاطيح و عزايم و خذ علوم و عط علوم يعني إذا أحد مضيع قحطاني رح لأقرب استراحه تلقاه متربع في نصف المجلس و مسوي يعرف المعازيم عموماً يا حبايبي هذي بعض النصائح الثمينه خصوصاً ان الاجازه الصيفيه بعد كم شهر لذلك حبيت أعطيكم تنبيه بسيط يا حبايبي يا غاليين هذا أخوكم عبدالعزيز كتب لكم كلمات لا يقصد فيها الاساءه لأحد بل و الله شاهد علي أني لا أقصد بها سوى زرع الابتسامة على محياكم و توصيل بعض النصائح بشكل بسيط جداً بعيد عن المبالغة و الفلسفه الزائده.. و إذا تبون نتفلسف ماعندي مشكله بس تحملو اللي بيجيكم<<<مسوي عنتر و هو من جنبها أخواني سيكون لي مواضيع أخرى وبأسلوب ساخر فيما يتعلق بآخر الموضات وصيحات الشباب وبعض سواليف الشيبان مع أولادهم المراهقين وبعض المواقف اللي حصلتلي مع الوالد يطولي بعمره فيما يخص رعي الغنم و الزراعه و سالفة الثور اللي نطح اخوي و لصقه في الجدار..... دمتم جميعاً بحب ولكم مني خالص التقدير و الاحترام الله يسعدكم و يسعد قلوبكم جميعاً وتقبلوا في الختام أزكى التحايا و أعذبها أخوكم المحب لكم و من يتقن أبجديات الصداقة و المحبة////عبدالعزيز القحطاني |
هههههههههههههههههههههههههههههه
هههههههههههههههههههههههه هههههههههههههه حياااااااااااااااااااااك ربي اخوي الغالي عبد العزيز لي عودة ان شاء الله الوقت متأخر وبأروح أعمل أخ اخ اخ يعني نوم فديتك |
ههههههههههههههههههههههههههههه يعطيك العافيه تسلم1000 |
شكراً لك اخي الكريم على هذا المشاركة
ولاكن من ناحية التكليج فحاول تغسل وجهك بمرق مايكون حار مره عشان مايروح خشمك ومايجيك عندي خذ كلاا م مجرب الحين اجلس مع اكبرشايب وكنه من اخوياي عادي جدا الله الله لاتنسى الوصيه !!!!!!! |
موضوع رائع بروعة صاحبه ..
في انتظار جديدك .. |
نفسك طوييييييل
ما شاء الله تبارك الله أنا سبق وأن قلت لك بأنك مميز وأتمنى أن تستمر في هذا التميز وصدقني أنني متابع لقلمك أبو زيد يحيييييييييييك |
فتى الجوة
صباحك قشطة يا عسل يا رب دوم هالضحك مو يوم و راح يوم و جا من بعده يوم و لا شفناك<<<<كل هذا نوم عموماًً عزيزي منور الصفحة يا بعدهم أخوك//عبدالعزيز |
قلت و طلت
مراااحب يا بعدهم اسمك غريب<<<ما ادري انت ملاحظ هذا الشي عموماً برغم إني كنت اتمنى إنك تبدي رأيك و لو بكم كلمة إلا إنك نورت الصفحة يالغالي تحياتي لك يا بطل أخوك//عبدالعزيز |
سليمان القحطاني
هلا و غلا حسيت من اسمك كذا انك راعي مجالس و عزايم و أنواع النصب على الشيبان:020104_em أخوي سليمان خايف اغسل وجهي بمرق بارد و أجيب العيد لذلك خلها على مبنى الشايب و لا وصيتك على راسي من فوق<<<بس مثلك عارف الشيبان مشكلتهم مشكله سليمان القحطاني احلى مرقه شكر لعيونك و كيلو عصيده تقدير لك أخوك/// عبدالعزيز |
بقعا تصوع عدوك ياعبدالعزيز ايش ذيه الحكى معك والله انك فطستني ضحك
أخوي عبدالعزيز حتى تكون النصائح مفيدة جدا ومعبرة أتمنى لو تحاول استخدام الأمثلة الشعبية أيضا وتذكرنا بها وتدخلها بقدر الامكان في ثنايا حديثك ولك مني كل المحبة والتقدير |
| الساعة الآن 10:11 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com