|
وصية الساعر / بركات الشريف لابنه مالك كامله 57 بيت
يالله ياللي كل الامات ترجيــــــــــــــــــك
يا واحدن ما خاب حــــــي ترجــــــــــــاك يارب عبدن ما مشى في معاصيـــــــــك ولا يمشي الا في محبتـــك ورضــــــــاك يا مرقب بالصبـــــح ضليــــت باديـــــــــك ما واحـــــدن قبلي خبرته تعـــــــــــــلاك وليت ياذا الدهــــــر مكثــر بلاويـــــــــــك الله يزودنـــــــــا الســـلامــــــه ونتـــــلاك ياللي على العربان عمت شكاويـــــــــك وليت يادهر الخطــــــــــر ول مقــــــــواك واليــوم هلكــــــان ونغـــدي شبابيــــــك تلعبها الاريـــــــــــاح من كل شبــــــــاك يا مالك اسمع جابتي يـــوم اوصيــــــــك واعرف انا يا بوك با مـــــــرك وانهــــــــاك وصيتن من والـــــدن طامـــــع فيــــــــك تسبق على الساقه لسانه للقيــــــــاك اوصيك بالتقوى عسى الله يهديــــــــــك لها وتدركها بتوفيـــــــــق مـــــــــــــولاك احفظ دبشك اللي عن النــــاس يغنيــك اللي ليا بان الخلل فيــــك ىرفـــــــــــاك اجعل دروب المرجلــه من معاليـــــــــك وادراج سيسها على العز مرقـــــــــــاك لا تنسدح عنها وتبغينـــــــي اعطيـــــك جميـــــــع ما يكفيــــك ما جاك من ذاك احذر امر لاعاد تبهــــــــى لتاليــــــــــك ايضا وترخص عتدهــــا قــــــــدر ما اداك ادب ولدك ان كان تبغيــــــه يشفيـــــك واستسعفه من بعد مرضــــــاه بــــــلاك اما سمج واستسمجــــــك عند شانيك ويفر من فعلــــه صديقـك وشـــــــــرواك والا بعد جهلــــــه ترا هــــو بيـــــــــاذيك ولو زعلت امــــــــــه لا تخليـــــــه يـالاك احذر تضيــــــــع كل منهـــو ذخر فيـــــك معروفه لاتنســــاه وافـــــه لعرفــــــــاك ترى الصنايع بين الاجــــواد تشريـــــــــك واذا طمعــــت بركزهـــــــا لا تعــــــــداك واوف الرجال احقوقهــــا قبل تعنيـــــــك لا تعتمد بالعفــــو فالحـــــــق يقفــــــاك وهرج النميمه والقفــــى لا يجي فيـــك واياك عرض الغافـــــــل ايــــــاي وايــــاك تبدي حديث الناس وفيـــــه تشكيــــــك وتهين عند النـــــاس بالكذب واشـــــراك واذا نويــــــــت احذر تعلــــــــم بطاريــــك كم واحد تبغيبــــــه العرف واغــــــــــواك واحذر شماتت واحدن لك مصافيــــــــك واليا جرالك جـــاري قلــــت لــــــــــولاك لا تحسبن الله قطــــــــــوع يخليـــــــــك ولا تفرح ان الله عن الخلق بـــــــــــــداك انشـــــده حــط الطمع في تواليـــــــــك لو مالقيتـــــه يا فتى الجود يمنـــــــــاك والضيف قدم له هلا حـــي يلفيــــــــــك مما تحوشه يا فتى الجــــــود يمنــــــاك اكرم قبالـــــــه كنها من شواديـــــــــــك وابذل له المجهــــود ما دام يعنــــــــــاك احذر تلقي الضيف فقــــــر علابيـــــــــك خله محبن لك صديــــــــق ليا جـــــــاك واوصيك زلات الرفيق ان عثى فيــــــــك ما زال يغطاه الشعر فاحتمــــــــــل ذاك راعه ولو ما شفتـــه انه يراعيـــــــــــــك عساك تكسب نيتــــــــه كــــــان عاداك لا تامنه فاطلـــــب من الله ينجيــــــــــك ويكفيـــك ربـــــــك شــــــــر ذولا وزولاك شفني انا يابوك بامــــــرك وانهيـــــــــك عن التعرض بيـــــــن الاثنيـــــــن حذراك اذا حضرت اطلابـــــــة مع شرابيــــــــــك اسع لهم بالصلــــــــــح والـــلاش يفداك ابذل لهم بالطيــــب وربـك ينجيــــــــــك لا تجضع الميـــــــــزان مــــــع ذا ولا ذاك اما الشهاده ابدها ان دعـــــو فيــــــــك بين عمود الديــــــــن لا عميت اريـــــاك بالك تماشــــي واحـــدن لك يرديــــــــك طالع بني جنسك وفكــــر بممشــــــاك رابع اصيـــــــل في زمانك يشاكيــــــــك لا شاف خمــــلاتك عن النــاس غطـــاك واحذرك طرد المقفـــــــي حذاريــــــــك عليـــك بالمقبــــــل وخل اللي تعــــداك ثم العـــن الشيطـــــان لياه يغويـــــــــك ترى ان تبعتــــــــه للشرابيــــــــك وداك اوصيـــــــك لا تشكي علينا بلاويــــــــك انت السبب ضربـــــك عبونك بيمنــــــاك واعف ترى اللي قـد وطـا الناس واطيـك ولا انت اعز من الجمـــاعه هـــــــذولاك المسك يا راسي عن الـــــذل واخطيـك واحذر تكلـــــــــم يا لســـــاني حذاراك والطف بجارك واحتــزم دون عاديـــــــك وافطن لما يعنيــــــك عن ربعة اخــــواك يا ذيب وان جتك الغنـــــم في مفاليــك اكمن ليا حيث الرعايــــــــا اتعــــــــداك من اول يا ذيـــــــب تفــرس بياديــــــــك واليوم جا ذيبن عن الفـــــرس عــــــداك يا ذيب عاهدنـــــــي واعاهدك ما ارميك ما ارميك انا يا ذيب لو زان مرمـــــــــاك والنفس خالف رايهـا قبل ترميــــــــــك ترى لها الشيطان يرمي بلــــــــــــدراك ومن بعدها لا تصحب النذل يعديــــــــك وعن صحبة الانذال حاشاك حاشـــــاك ترى العشير النذل يخلف طواريــــــــــك وانا ارجي انك ما تجي دون ابـــــــــــأك والهقوه انك ما تجي دون اهاليــــــــــك ولا ذكر عود الورد يثمـــــــر بتنبــــــــاك والحر مثلك يسنحي يصحب الديـــــــك ولاصاحبه عاعا مع عـــــات الاديـــــــاك لا تستمع قول الطــــرف يوم يلفيـــــــك بالكذب يقضي حاجته كل ما جـــــــــاك من نم لك نم بك ولا فيــه تشكيــــــــك ولاهـــــو قــــــد ازرى رفيقـــــك وازراك عندك حكى فيني وعندي حكى فيــك واصبحت كارهنـــــــي وحنا كرهنـــــاك وما اخطاك ما صابك ولو كان راميـــــــك واللي يصيبك لو تتقيت ما اخطـــــــــاك مير استمع مني عسى الله يهديــــــك النصح يا مالــــــــــــــــك لك الله مولاك عندي مضنــــــــــه ما تمثلتها فيــــــك واطلب لك التوفيق من عند مـــــــولاك القصيده وصية للشاعر الاديب المعروف / بركات الشريف رحمه الله لابنه مالك نرجو ان تستمتعو بقرائتها فهي درر فريده ولكم مني اجمل تحيه,,. عدد الابيات /57 بيت |
رد: وصية الساعر / بركات الشريف لابنه مالك كامله 57 بيت
ابو سعيد
الله يعطيك العافيه على المشاركه يالامير وعزالله الي وصية وابيات في غاية الروعه لك كل تقديري وننتظر جديدك اخوك/عبدالله السحيمي |
رد: وصية الساعر / بركات الشريف لابنه مالك كامله 57 بيت
اشكر لك مرورك يا عبدالله السحيمي والله لايهينك ويبيض وجهك ولك خالص تحياتي
|
| الساعة الآن 02:44 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com