شبكة قحطان - مجالس قحطان - منتديات قحطان

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

- - " ما همني ردك " (https://www.qahtaan.com/vb/showthread.php?t=70599)

" ما همني ردك "

أعيش بين العرب ما ينقصر مدي

ولاانت ويش انت ولا ويش هو مدك

أحيان ودي وبعض أحيان ما ودي

أكشف خفاياك وادري ما هو بودك

أعطيتك الحب ما فكرت في صدي

واعطيتني درس في هجرانك وصدك

جيتك من أقصاي واقصى جد من جدي

وبالرغم من ذا ترى ماقلت وش جدك

تخطي واسامحك وانسى منك وتعدي

يستاهل اللي يحسب حساب ويعدك

الله من ليلتن دمعي على خدي

ويا قل دمع العيون اللي على خدك

سود الليالي ترى ما بيحت سدي

سرعان يا صاحبي ما ينكشف سدك

من قبل عامين وانته واقفن ضدي

إرتاح واليوم انا اللي واقفن ضدك

أقبلت واقفيت وانا ماسكن حدي

واشوفك بها السنه متعدين حدك

قلبي على شوفتك ما هوب منشدي

خلك مع اللي خذاك بعقلك وشدك

إبعد وانا ابعد واقول أحسن لك تهدي

وتطيح في إيدين من يتعبك ويهدك

هذا جوابي ولو ما زان لك ردي

لو تعتذر لي سنه " ما همني ردك "

رد: " ما همني ردك "

اررررحب يامحمد وبيض الله وجهك على الكلام الجميل قصيده وافيه وانت وافي

الى الامام وانا خووووك
تقبل مروري

رد: " ما همني ردك "

السلام عليكم
اشكرك على النقل المميز

يعطيك العافية
تقبل مروري

رد: " ما همني ردك "

لاهنت على الطرح المتميز

رد: " ما همني ردك "

ارحب يابن مشتح

شاعر يصعد الى السحاب تعجبني قصايدك وآلاحظ عليها انها لاتاتي من فراغ بل من وجدان شاعر سريع البديهه وسريع التآثر والتاثير

تقبل مروري المتواضع وكل عام وانت بخير

رد: " ما همني ردك "

محمد ال مشتح مثل الصقر منهدي....الشعر لازم فيك ماظن بيهدك

قصيده متميزه مثل قايلها
تحياتي
راس قرناس

رد: " ما همني ردك "

صح لسانك والشاعر وفالك الطيب ونترقب الجديد

رد: " ما همني ردك "

صح لســـانك يابن عمـــــي
كفووووووو يابن مشـــــــتح
نعم الرفيـــــــق ونعم الجار
لا تحرمــــــــنا جديدك

رد: " ما همني ردك "

اررررحب يامحمد وبيض الله وجهك على الكلام الجميل قصيده وافيه وانت وافي

تقبل مروري

رد: " ما همني ردك "

بيض الله وجهك و سلمت على الطرح الرآئع