شبكة قحطان - مجالس قحطان - منتديات قحطان - احدى روائع الشاعر الكبير/عبدالله بن زويبن الحربي

- مجلس عذب الكلام (https://www.qahtaan.com/vb/forumdisplay.php?f=16)

احدى روائع الشاعر الكبير/عبدالله بن زويبن الحربي

ياعزوتي يابدر مااقرب حضايبـك
على الخطا والصبح حبك نقـازي
نوب تنسينا الشقا فـي عجايبـك
ونـوب تولعهـا بليفـة وقـازي
ادناة مايرضيك وأدناة مااغضبـك
تلقط الغلطلـت لقـط الجهـازي
ماهي عداوة يوم اطالبك واضربك
أنته حفيد جدودنا ماانـت نـازي
لاشك انا يابدر ابنصحك وادبـك
واعطيك عن كل المعاني أجـازي
تلقى فوايدها ليـا خـط شاربـك
بها على كل الوصايـا أمتيـازي
خلك شمالي عنـد زلـة قرايبـك
وعلى الحقوق الليا نصنك حجازي
لاتذخر المذخور من دون واجبـك
اوف الحقوق اللازمات بنجـازي
للضيف والجيران ليّـن جوانبـك
وبالطيب جاز وبالردى لاتجـازي
احلم على زل رفيقـك وصاحبـك
ادمح خطاهم لاتصيـر انتهـازي
يابـدر والله ماتخونـك مناسبـك
لك منسب طيب وساس عـزازي
أفرح ليا قالوا هاك العود جاذبـك
يصير عندي مفخرة واعتـزازي

الشاعر/ عبدالله بن زويبن الحربي