" ما كل شعبٍ يثور يغيّر القاده "
السلام عليكم ورحمة الله وبركاته
أخوتي في مجالس قحطان أولا / كم أسعدني هذا الانضمام لهذا الصرح الشامخ بأهله . ثانيا / يسرني أن أصافحكم بهذه القصيدة ومناسبة عودة المليك سليما معافى مع الأحداث الأخيرة . أقووووووووووووووووووووووووول [poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"] ما كل شعبٍ يثور يغيّر القاده=ولا كل قادة تقيم شْعوبها ثوره العدل والظلم ميزان الملا عاده=بالعدل ترقى الأمم والأرض معموره والظلم له كل شعبٍ يفهق زْناده=ويثور وقت الغضب لو صار محظوره بعض الدول شعبها ما يهتني زاده=ملّ وتضايق من الجدران وشهوره والصبر ملّه تَشَاكي صحوه رْقاده=والنفس مع دورة الأيام منصوره وبعض الدول أرضها لشعوبها وْساده=أمن ورخا والدروب ورود منثوره والمملكة دايما بالعدل معتاده=باذن الولي في ظلال عيال اخو نوره عبدالعزيز العريب الساس واولاده=شبه الجزيرة بعدهم صارت اسطوره يالله من ثبّت البنيان واوتاده=في جنة الخلد عندك زيّن قصوره واليوم ابو متعب وطوّر بها زياده=بالعلم والمعرفة يمحى الجهل نوره عبدالله اللي تعلّى الطيب وارتاده=في كل مشراف يرقى يتعب صقوره وبعد الإصابة _ فديته _ غادر بْلاده=شهرين رحلة علاج وقامت الثوره ثورة محبة وشعبه غاية مْراده=يرجع معافى سليم الجسم والصوره والدار مع حزنها للأمر منقاده=من البحر للخليج تقول مأسوره والحمد لله تشافى وتمّ ما راده=وفي عودته كلّ واحد بيّن شعوره كلٍّ فرح به وعدّه ثالث عْياده=والمملكة غرّدت بالحال مسروره[/poem] وسلااااااااااااااااااااااااااااامتكم |
رد : " ما كل شعبٍ يثور يغيّر القاده "
صح الله السانك يا عبدالعزيز
ويستاهل ابو متعب وقادتنا الكرام يستاهلون الوقفه |
رد : " ما كل شعبٍ يثور يغيّر القاده "
اقتباس:
صح الله بدنك يا منصور ومشكوووور على المرور الوافي يالوافي تحيتي لك |
رد : " ما كل شعبٍ يثور يغيّر القاده "
أرحب ياعبدالعزيز تراحيب المطر
وصح لسانك وبيض الله وجهك قصيدك وافي وأنت وافي ونعتذرك لك عن اللبس اللي حصل وأبو بندر قام بالواجب وهذي عوايده ننتظر جديدك ياكحيلان تحياتي وتقديري لشخصك الكريم |
رد : " ما كل شعبٍ يثور يغيّر القاده "
ارحب تراها لنا ياضيفنا عاده
ترحيبة فوق راس الرجم منشوره الدار لولاتها بالدين منقاده والله يديم الرخا في ضل اخو نوره ارحب ياعبدالعزيز تراحيب المطر والله يحييك بين اخوانك وربعك وسعيدين بأنضمامك لموقعنا وصح لسانك على هذا الشعور الوافي والذي لايستغرب على حمران النواظر مزيد من العطاء ياكحيلان وتقبل من محبك بحر كل التحايا |
رد : " ما كل شعبٍ يثور يغيّر القاده "
اقتباس:
يا هلا والله والفٍ هلا يابو عساف وصح بدنك وابيض وجه يالوافي ومعذورين والله والخطأ وارد وانا اخووووك وابو بندر ماقصر وبيض الله وجهه تحيتي لشخصك الكريم |
رد : " ما كل شعبٍ يثور يغيّر القاده "
أرحب ياعبدالعزيز الشاطري تراحيب المطر
وصح لسانك واعتلا شانك وقصيد جزل من شاعر جزل والله يديم عز المملكة في ظل حكامها اشكرك على مشاعرك تقبل مروري |
رد : " ما كل شعبٍ يثور يغيّر القاده "
اقتباس:
أخوي بحر البقا يالغالي والله يبارك فيك وبيض الله وجهك وصح بدنك يالوافي ولا على قحطان زود يالقرم لك شكري وتحيتي |
رد : " ما كل شعبٍ يثور يغيّر القاده "
وانت سالم
صح الله لسانك واعتلى شانك نص جزل ومليان كل ماجيت اقتبس بيت لقيت اخوه اجزل منه ويستاهل سيدي ابو متعب كل القصيد الجزل ولايبطي جديدك ياكحيلان |
الساعة الآن 03:26 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com