|
كم واحدٍ حطوه في قبـره وباقـي لـه حقـوق...........> للشاعر سعيد بن مقبل الأكلبي
صبحكم / مساكم الله بالخير جميعا
وقبل كل شي ..> بصراحه انشرح صدري عندما علمت ان الجبل الهرم علي بن حمري موجود وأنا بصراحه هالشخص أكن له في قلبي معزه عظيمه ابو فواز ...! (. القصيده .) كم واحدٍ حطوه في قبـره وباقـي لـه حقـوق وكم واحدٍ راحت حقوق الناس في قبـره معـه ياللي تبوق الناس وش رايك نسميـك السـروق والا بعـد مـا ودّك ان الاسـم هـذا تسمعـه يمكن تتوب مـن الجرايـم حقتـك والا تفـوق والا مهف مقيط وارشـا امقيـط واللـي يتبعـه بكره ليا باح الكـلام ويبسـت اريـاق الحلـوق ووقف على بابك رسول المـوت محـد يمنعـه الناس من حولك وكل هابط لـه بطـن سـوق واقربهم اللي قام يدعي لـك ويمشـي مدمعـه وجاك الملك من بينهم يسوق فيك الموت سـوق وانته تعاين فيـه لاكـن مانـت قـادر تدفعـه ثم قام ينزع روحك اللي جوّدت معهـا العـروق وأنست حر الموت فـي قلبـك قبـل لا ينزعـه والتفت الساقيـن والتمّـت عراجيـن العـذوق وجاء عند زورك من عظيم الكرب صوت وقربعه وراح النظر يطرد ورا روحك ويلحقهـا لحـوق وقرت عيونك في السما والروح راحت مسرعه واصبحت في قبرك قبل لا يبتدي وقت الشـروق من تحت سطح الارض في حفره قليلة لذرعـه يعني كذا خلاص مـا تقـدر تغـش ولا تبـوق ولا يفيـدك لا حـلال ولا تفـيـدك مـزرعـه راحت حقوق الناس في ذمتك طوق فوق طـوق يا كيف بعد الموت حق النـاس تقـدر ترجعـه المال يأخذه الولد وان كان فـي قلبـه عقـوق ينشـد عـن أيـام العـزا ثلاثـة والا اربعـه ما دامت القوة ولا عمّر على الأرض امخلـوق الادمي مهما يطـول العمـر يلقـى مصرعـه هذا كلام العقـل والمنطـق وثقنـا بـه وثـوق وان كان راسك ما اقتنع به حاول انـك تقنعـه والا ترا الذمة برية منـك واصبحـت امحقـوق وان كان ودك بالسلامة فاسمع الشـور وطعـه بعض العرب لا شفت جريه قلت عز الله سبـوق يطرد ورا الدنيا ولو حاش الذهـب مـا يشبعـه عينه على اللي عند خلق الله وفي قلبه حـروق لو كان يقدر كان حتـى المـا عليهـم يقطعـه ما يدري انه لو قعد يجمع من المـال ويحـوق ما يجمع الا اللي كتب ربـي لـه انـه يجمعـه الله قِسَم لارزاق يوم اعطى المزايـا والفـروق وما فيـه نفـس الا لهـا رزق وفيهـا منفعـه والا من اللي علّم المولود ليـن اصبـح يـذوق من علمه يلقى حليـب امـه ويقـدر يرضعـه اللي يبي يرتاح فـي غيـر القناعـة لا يتـوق يرضى بمقسومـه ولا يتبـع هـواه ومطمعـه والرابح اللي راح في قبره وباقـي لـه حقـوق ما راح في قبره وكل حقـوق خلـق الله معـه |
رد : كم واحدٍ حطوه في قبـره وباقـي لـه حقـوق...........> للشاعر سعيد بن مقبل الأكلبي
اقتباس:
نرحب فيك وفي مشاركاتك الرائعه بيض الله وجهك وصح لسانك ولسان الشاعر................. |
رد : كم واحدٍ حطوه في قبـره وباقـي لـه حقـوق...........> للشاعر سعيد بن مقبل الأكلبي
لاهنت
مشكوووووور تحياتي |
رد : كم واحدٍ حطوه في قبـره وباقـي لـه حقـوق...........> للشاعر سعيد بن مقبل الأكلبي
لاهنت ياسسفر بارك الله فيك طال عمرك
|
رد : كم واحدٍ حطوه في قبـره وباقـي لـه حقـوق...........> للشاعر سعيد بن مقبل الأكلبي
لاهنت ياعايض بارك الله فيك وبحضضورك
|
| الساعة الآن 06:33 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com