عطوا سداح فرصة..(( يامراقب المجالس إني لك من الناصحين!!))
 

في البداية بعد مشاركة 1 :
بدأ عضو صغيراً ،، ثم بدا مثيراًً بعد عدة رسائل إلى المراقب كلها تزلفٌ ورجاء،، تكفى نفداك ياولد عمي ويالحمي ودمي ،، هيلب ،، تكفى ترى تكفى تهز الرجاجيل،، تكفى يا عصابة راسي ،،يا محزمي،،،، حطني مشرف ،،
هنا يخجل المراقب ويرد على الأسلوب المقرف بأسلوب دبلوماسي ،،، أنتظر وأبشر بالخير بس صبرك،،،يرد العضو الصغير امرك طال عمرك....


بعد 5 مشاركات للعضو الصغير ..
يرسل العضو الصغير ،،، هاه يالمراقب وين الوعد ،،، لعنبو الجحدات ،، مهيب لك ،،، تكرم،،
وأراك تفعل ما تقول وبعضهم ---- مذق اللسان يقول ما لا يفعلُ
نسيت ولد عمك ،،، تراني على الوعد أنتظر ،،،، أرسلي على الخاص ....
والمراقب العام ،،،، ما زال يرسله (( أبشر بالخير ،،، لا تستعجل))


بعد 10 مشاركات للعضو الصغير...
يرفع العضو الصغير التلفون ،،، طوط طوط ...(( الوه يامناحي )) تعرف فلان ...(( يقصد المراقب العام))
يرد مناحي الطرف الوسيط بين العضو والمراقب العام ،،، (( والله أعرف ولد عم خال ابوه ، ليش وش تبيبه ))
لا لا بس أبيه يعطيني رقم تلفونه ،،، ويكلمه في موضوعٍ لي ..
يرد مناحي ،، أبشر ما لك هم ،، اعتبر التلفون عند وأمورك متسنعه.
وهنا يبدأ سيل رسائل الجوال ،،، والاتصالات ،، والفزعات،،، والمشرف ما زال يقول للعضو الصغير (( ابشر بالخير))


بعد 20 مشاركه:
يرسل العضو الصغير سابقاً الى المراقب العام ،،، هاه بتحطني مشرف ولا تراني بروح للساحات ،،، تراهم مزعجيني هذا من غير الجرايد جريدة الوطن والتايمز اللندنية ،،، هاه وش قلت.
المراقب ياخذ الأمر بعين الأعتبار ،،، ويصدق نصبات صاحبنا ،،، وينزل الخبر الجديد...

باركوا للعضو (( الصغير سابقاً )) صار مشرف على مجلس .....(( كلمة محذوفة))


المشاركة 21 كتبها العضو الصغير سابقاً كالأتي :
شروط الكتابة في مجلسي ،،، ترى مجلسي مهوب لعبة لكل من هب ودب،، والي مهوب ممتثل ترانا بنشخته (( أي بنطرده )) مع الباب ..
شروطي :
1- الكتابة بلغة فصحي (( مثل كتاباتي)).
2- لازم أن الأعضاء يمدحون قصايدي ومواضيعي ،، وأهم شي جدي،، والي ما يمدحني تراني بحذف وقصقص مواضيعه والرب أخبر..
3- في الشهر مالك ألا موضوع واحد (( علشان محدٍ يكتب أكثر مني )).
4- أي موضوع فيه خطأ لاحد يكتب رد يبين خطأ الموضوع ،، أرسلولي على الخاص (( علشان يحسبون الناس أني أنا الي مكتشفها ))
5- لي ولدين عم يكتبون معكم ،،، والله ثم والله ،،لحد يعترضهم أن احط حرتي فيه..
6- ما نبي (( خطء أأملاائية )) ،، عيب عليكم اكتبوا مثلي (( ألي حالبة أمه على خشمه يدقرلي على اخطائي ألأملائية))
7- لمني ابطيت عليكم لا أحد يرسل للمراقب ،،، ولا ينشد ويني ،،،، تراني مشغول عند الحلال وعند ابل الشايب .
8- أحب أعلمكم إني مشرف على أربع منتديات والخير مقبل،،، وكلها كاتب فيها نفس الشروط ،،، وكلهم ما شين فيها على الجادة ،، وأبيكم مثلهم،، واحسن..


بعد مرور أكثر من 3 شهور من الغياب يعود المشرف (( الصغير سابقاً )) بمشاركته 22 كالأتي:
مساكم الله بالخير أنا انقطعت منك لي 3 شهور ،،، كنت حايلٍ بالبل جعلها الجرب ،،، وعينتلي محطة فيها انترنت ،، وأرسلت لكم ذي الرسالة ،،، وبارجع لكم بعد شهرين ... فمان الله (( أعععع صوت الحشوان وراه))


بعد رجوعه من محيال الإبل يكتب في موضوعه 23 كالأتي:
جدي تراه داهية الدواهي ،،، شاعر فارس ،،، عريف في الحرس ،،، شيخ مافي الحكي فايده ،،، قولوا ونعم..


بعد مرور سنة ،، كانت مشاركاته لا تتجاوز 25. وهنا علم المراقب أن مشرفنا الموقر حمل نفسه ما لا يطيق فهو مشرف على أكثر من خمسة مواقع ،،، ومن بغاها كلها تركها كلها..
تكاثرت الظباء على خراش فما يدري خراشٌ ما يصيدُ
وهنا ،،،، أخذ المراقب العام يبحث عن بديل لمشرفنا ،،، أخذ في البحث ،،، وما زال يبحث عن سداح أخر حتى يعطيه فرصته..



تحية واحترام لكل مشرف يبذل قصارى جهده في خدمة المجالس،،


ناقد خطير

ناقد خطير

لماذا الدق على الاوتار الحساسه

تراهم بيقعدون لك مثل ما قعدوا لصديقك السابق المطرود من الشبكة

خطير على اسمك

والله موضووووووووووع رائـــــع


ويعطيك الف عافيه


والله فيه بعش المراقبين مانبي ذكر اساميهم


لا لهم شي ولا حاجه ماغير شاطر في حذف الموااضيع

وشاطر في القعاد

والله لو اذكرهم انهم يتعدون 10 مشرفين

ولو بحط اسماهم راح اتشوفون كلامي صحيح ولا لا ؟؟

لاكن والله يخارجنا من موضوعك يا ناقد خطير

خخخخخخخخ

فمان الللللللله


اخوووووكم / كحيلان

مشكور على الموضوع ، ناقد خطير.
ليت المشرف صاحب الابل الجرب هذي يصور الحشوان والذود كلها ويحط صورها هنا في المنتدى حتى نقبل عذره وطول غيابه.
أنا بغيت أصير مشرف لكني
بلشان بالحاشي الذي امتطي صهوته حتى الآن لأنه من سلالة اضراب البعير القهرة لحيث إن سلالته زينه

اذا يبوني مشرف ماعندي مانع ،،

وعلى قولتك عطوا سداح فرصة،،

------------------------------------

(( ولد النايب + ساس العرب))

كنها صنيديحات الشايب ،،
الزول زوله والحلايا حلاياه.

ههههههه

السلام عليكم ورحمة الله وبركاته

ناقد خطير

اشوف بريدي مليان من رسايلك ؟؟؟
اثاريك تبي الاشراف :)

ملاحظه هامه :
لكي لا يفهم البعض مقصد ناقد خطير غلط
هي رساله ووصلت :) لاغير

شكراً

ناقد خطير
السلام عليكم ورحمة الله وبركاته
اليوم تدور دوائرك في الحماء
وبالامس مناوشاتك مركزه وذات مغزاء خارجي
اما اليوم ثورة البندق في الخباء وبدأت تنتقد الموقع
قرأت في مداخلة فارس قحطان المراقب العام انك ترمز
وقد وصلت الرساله على حد قوله
اما انا اعتقد انك تقترح ان يتولى الاشراف ذوي الخبره
والناس المخضرمين لكي يتسم الاشراف بالنضج وكل يأخذ
حقه في المشاركه والرد وفي حقيقة الامر حسب علمي ان الاشراف
تكليف وليس تشريف ومن يسجل مشرف اليوم يتعاقب عليه الكسل يوم بعد يوم
وتبداء رحلة الالف ميل ياناقد خطير الموضوع حسب اطلاعي ورأيي ماهي مشكلة
المراقب زيد والواسطه مناحي المشكله ان مناحي وزيد يتحمسون يوم ويغيبون ايام
ان المواقع في حقيقة الامر تقوم على leader يتولى جل المواضيع تساعده اداره متفهمه
بقي ان اعرف الشفره اللي بينك وبين المراقب العام ابو الفوارس وأقول ستبدي الايام 0000

عاشق وطن

تحياتي

ساس العرب:
ليتهم يستقعدون لمن يعريهم في هذا المنتدى فقط ، المشكلة ان أغلب من يشملهم النقد ... مشرفين في عدد من المنتديات ،، مما يعني أستقعاد لك هنا وهناك،، والي ما يصدق يدخل (( 1)) ون.

كحيلان :
الأمر تعدى الحذف والقص والزق ،،، الأمر وصل ألى قطيعة للأعضاء والمنتدى بشكل عام لفترات تصل الى أشهر ،،، والمشكلة لم تعد فردية لنقول ممكن ظروف خاصة أو ألتزامات ،،، بل عامه حتى ان بعض المجالس عليها أربعة مشرفين ،،، ويمر الأسبوع والشهر ولا منهم الطير خبر..

الحــــــــــــــــادي:
تذكروا هذا الأسم ،،، جيداً ،، فهو ثروة للمنتدى ،،اقولها وأن كنت أختلف معه كثيراً وموضوع (( اين ستطير ياناقد خطير )) شاهد على ذلك ،، ولكنها شهادة حق اقوله:
(( والحق ما شهدت به العداء )) وأن كنت لا أعتقد أني عدو لكني لست صديق ،،، وكما قلت للحادي عبر الخاص (( قد لا أحب ما تكتب لكني بالتأكيدأحترم ما يخطه قلمك)).


واذا كان هناك من ترشيح للمشرفين،،، فصوتي للحــــــــــــادي.