|
**شكرا ً لهامة تستحق الشكر**
بسم الله الرحمن الرحيم فقد روى الإمام أحمد والبخاري في الأدب المفرد و أبو داود وابن حبان والطيالسي عن أبي هريرة مرفوعا: لا يشكر الله من لا يشكر الناس. وهو حديث صحيح صححه الألباني. أحبتي في الله أود في هذا الصرح الشامخ أن أثني على هامة كبيره من هامات قحطان التي تشرف قبيلة قحطان كافه فيما تقوم به هذه الشخصيه من مواقف مشرفه ودعم جسيم لأبناء قبيلة قحطان كافه وكذلك القبائل الأخرى وحيث يوجد له عدد ا ً كبير ا ً من أعمال الخير والمواقف العظيمه التي لايتسع المجال لذكرها وهي شخصيه معروفه لدى الجميع فكل الشكر والتقدير والعرفان لهاذا الرجل الذي كان خير سفيرا ً لنبل والشيمه العربيه ومكارم الأخلاق ولما تتمتع به هذه الشخصيه من الدين و الإتزان والأدب والحكمه وحسن الخلق إنه الشيخ :محمد بن زايد الخيارين (بني هاجر),,,,,, وهذه القصيده للشاعر الكبير فلاح القرقاح في الشيخ محمد بن زايد الخيارين,,,,, [poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"] حيام المدايح مثل ماصدرن وردن=على منهل متكانفينه بني هاجر شعاها صليب الراس والساس والمعدن=بصطوه عقيد وعرف شيخ ورها تاجر ولد زايد اللي لو مشا من إلى الأردن=كنه ماشي من حوطة سدير إلى ساجر ذكرني وأنا في المملكه وهو في لندن= ولولاه بعت البيت وابطيت مستاجر لو أحججه لا يمكن اللحق جزاه ابدن= يجزاه الله الي يجزي البر والفاجر [/poem] |
رد : **شكرا ً لهامة تستحق الشكر**
يستاهل محمد بن زايد كل علم طيّب
وعز الله إنه مواقفه مواقف رجُل علومه يسولفون فيه القبائل الثانيه من طيبه وطناخته مهما نتكلم ما راح نوفّي هـ الشخصيه حقها صح الله لسانك يابو محمد على هــ الابيات أمّا أنت يا سفر .. بيض الله وجهك على الكلمات الرائعه وفعلاً أخترت شخصيه مميزه كل الشكر يابو مبارك على هــ الموضوع وعسى الله يحفظك .. |
رد : **شكرا ً لهامة تستحق الشكر**
لآهنت وبيّض الله وجهك على الموضوع المميز
|
رد : **شكرا ً لهامة تستحق الشكر**
لاهنت يابــــــوفيصل
بيض الله وجهك على النقل الرائع ووجه ابومحمد على القصيدة الطيبة ووجه الشيخ / محمد بن زايد الخيارين على جهده ووقفاته مع قحطان عامه ومع بني هاجر خاصة ويستاهل كل علم غانم |
رد : **شكرا ً لهامة تستحق الشكر**
هذي قصيده قالها شاعرنا / محمد بن فطيس المري .. في محمد بن زايد الخيارين .. الحاصل على المركز الأول في مهرجان المزاين في .. العـام الماضـي .. يقـول بـوحمـد .. من لابتي مّره الى جـدي افطيـس .. .. ربعي مطوّعة الصعـب بالصمايـل ناموس ياللـي تكسبـون النواميـس .. .. ياهـل العلـوم الغانمـه والجمايـل اهل السموت وفي الملاقا فواعيـس .. .. يقطعـك يـاهـرجٍ بلـيـا دلايــل انتو خيارينٍ علـى الخيـل فريّـس .. .. اسـمٍ ينومـس بيـن كـل القبايـل يامقلّطينٍ شـذرة السيـف والكيـس .. .. قد قالها ابن حميـد ضمـن المثايـل منصا الرجال اللي على ضمّر العيس .. .. وفالحرب نطّاحة شبـا كـل عايـل هواجـرٍ لاجـات قدهـي مقاويـس .. .. ركب الضيوف امن السرا والقوايـل تنصـا ربـاع امتعّبيـن المحاميـس .. .. مروين حـد المرهفـات الصقايـل يردون غصباً والعـزاوي متاريـس .. .. لاجـا نهـارٍ فيـه عـدلٍ ومـايـل وامسيّسين اسياسة الفـوز تسيّيـس .. .. باللبل وبالهجـن السبـاق الاصايـل تفوز في يـوم المزايـن وفالريـس .. .. من كـل منعوتـه تسمـى وحايـل ولو حصل للبل من النـاس تفليـس .. .. يكفيكم انك فالعـرب مـن لاوايـل تلبس من العنّـاب زيـن الملابيـس .. .. يوم المزاين مـع ارجـال الحمايـل يزها بها لـون العلـم تتبـع افنيـس .. .. ابـلٍ لهـا عـادات كسـب النفايـل ومدحي لبو زايد محمد بـلا قيـس .. .. مدحٍ لـو يقـارن بفعلـه .. قلايـل الله يمهّـل بـه ويخـزي لاباليـس .. .. وايدوم ذكره فـوق كـل الطوايـل وهذه القصيده أيضا ً قالها الشاعر / حمد بن ناصر ابن لقرع ال زايد الهاجري: [poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"] اليوم جيت وشفت ذودً مزايين تفرح بها بيض القلوب السليمه الله يعديها عيون الشياطين والحاسد اللي من عيونه هزيمه الابل سلاطين وجوها سلاطين وتخيّروا من كل سواً حشيمه جرد الرقاب اللي لها تفتح العين في وقتنا الحالي تراها عديمه سودً محليها وسووم الخيارين شرّايها ماهي عليه بظليمه ابن المطوع ريف ربعً جويعين وملاذ من يشكي من الوقت ضيمه وزيزوم ربعً فالقبايل عزيزين ترهم هل الابل بالعصور القديمه ربعً على كسب المعاشير ضارين كم عزبةً قد ضرّبوها الخريمه ولحقو هل الابل من صياح الرعاوين وغدالهم عند العشاير حطيمه وغنّو عليها اللي على الموت جسرين ياما الحقو عقب الغنيمه غنيمه ضديدهم يشتال دينً باثر دين لاجا نهار فيه زود وهضيمه وخيّالهم ينطح وجيه المسمين ذباحةً للشيخ ولا نديمه ولاجيتهم بالزين تلقى هل الزين ناسً كرامً للوجيه الكريمه وبحماية اللي يرتجون المصلين اللي نحمده والسلام الكليمه الشاعر / حمد بن ناصر ابن لقرع ال زايد الهاجري[/poem] |
رد : **شكرا ً لهامة تستحق الشكر**
الله يحيك تحيات المطر أخي الكريم خالد بن شايع ولك مني جزيل الشكر والتقدير على هذه العبارات الجميله
والمرور الجزل فلا يستغرب منك ماكتبته وهذا دليلا واضحا على نبلك و حسن أخلاقك خالص الشكر لك ....... |
رد : **شكرا ً لهامة تستحق الشكر**
لاهنت لاهنت يا ابو مبارك
ابيض وجه وعلمك غانم انت وابو زايد والقرقاح تقبل مروري |
رد : **شكرا ً لهامة تستحق الشكر**
اقتباس:
ويستاهلون هاذي وهذيك الخيارين فتقبل المرور |
رد : **شكرا ً لهامة تستحق الشكر**
يستاهل محمد بن زايد كل علم طيّب
وعز الله إنه مواقفه تنومس كل رجل فيه خير وبيض الله وجهك يابومبارك على نقل الثمين تحياتي |
رد : **شكرا ً لهامة تستحق الشكر**
الله يبيض وجهك ويرحم والديك
وابن زايد يستاهل العلم الطيب تحياتي0000000اخوك |
| الساعة الآن 10:51 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com