شيــله مؤثـــره بصــوت تركــي الميزاني (للعضه والعبره)
 

قصيدة تركي الميزاني - الوداع الاخير

قصيده مؤثره جدا جدا للعضه والعبره


يا مالك الملك يالواحد شديد العقاب
ياغافر الذنب يا مرسل رسول اثير
يا خالق الخلق يا محصى الخطا والصواب
تعالت اسماك مالك في صفاتك خشير
يا محيي الارض بامرك من حمول السحاب
ياعالم بالحياة وما يؤول المصير
يا جامع الناس في يوم الحشر و الحساب
مافيه فرقٍ هذا تاجر وهذا فقير
كل الخلايق سوا الا بحمل الكتاب
لا شخصت ابصارهم يوم النهار العسير
احدٍ كتابه فتح له صوب جنتك باب
واحدٍ هوى بكتابه للسخط والسعير
ياربي رحمتك لا هلوا علي التراب
واصبحت مالي من الوحشة مفر ومطير
وقفوا لدموعهم فوق الخدود انسكاب
واسمع قريع احذيتهم في الوداع الاخير
ودخلت في عالم البرزخ و طال الغياب
وفارقت كل الحبايب والاهل والعشير
وجاووني ملايكتك اللي للعمل والعذاب
واستسلمت نفسي لمنكر وجاني نكير
في موقف للسؤال يزيد ثقل الجواب
الا برحمتك ياللي بالخفايا خبير
يارب حملت نفسي بالشقا والعتاب
ومديت حبل الخطا لأبليس واصبحت اسير
وطاوعتها في متاهات الوهم والسراب
لين اشبكتها الخطايا والنفس طير
أزل واقول انا توي بسن الشباب
واذا نصحني محب اقول توي صغير
ما كنت حاسب لوقتي والليالي حساب
ولا كنت افكر وش اللي في زماني يصير
الا بعد ما انتصفت العمر والراس شاب
وفقدت من ربعي الاثنين جمعٍ غفير
عرفت بأن الحياة مصارعة واكتئاب
واني مودع ولا لي غير ربي نصير
ومن لا تزهب من التقوى ليومه زهاب
لا مات وش حجته يوم النهار الكبير
في الموقف اللي مافيه مجادلة وانسحاب
من هولها كالنهر يشيب في راس الغرير



مقطع الفيديو

http://www.youtube.com/watch?v=sqEdJvX0GXg


وللتحميل (صوت)

http://up.graaam.com/up1/pic1/f06bf68415..ra

رد : شيــله مؤثـــره بصــوت تركــي الميزاني (للعضه والعبره)
 

يعطيك العافية يا حمد

بالفعل شيلة رايعة وتركي مبدع في الشيلات ..

ولاهنت

رد : شيــله مؤثـــره بصــوت تركــي الميزاني (للعضه والعبره)
 

يعطيك العافيه وشهرك مبارك


ماقصرت شيلة روووووعه والاروع منها تواجدك الغالي

تقبل مروري مع التحية

رد : شيــله مؤثـــره بصــوت تركــي الميزاني (للعضه والعبره)
 

الله يغفر للجميع وهذا يدل على فطر سليمة وقلوب موحدة
مشكوووووووووووووووووووووور

رد : شيــله مؤثـــره بصــوت تركــي الميزاني (للعضه والعبره)
 

رد : شيــله مؤثـــره بصــوت تركــي الميزاني (للعضه والعبره)
 

رد : شيــله مؤثـــره بصــوت تركــي الميزاني (للعضه والعبره)
 

شيله رائعه ومتميزه


لاهنت وبيض الله وجهك ياحمد

رد : شيــله مؤثـــره بصــوت تركــي الميزاني (للعضه والعبره)
 

لاهنت بيض الله وجهك وتركي مبدهع في الشيلات


لا هنت على الطرح المميز


تقبل مروووري

رد : شيــله مؤثـــره بصــوت تركــي الميزاني (للعضه والعبره)
 

ماشاء الله لاقوة إلا بالله

يعطيك العافية

شيلة رائعة من شاعر رائع ومميز

رد : شيــله مؤثـــره بصــوت تركــي الميزاني (للعضه والعبره)
 

ماشاء الله لاقوة إلا بالله

يعطيك العافية

شيلة رائعة من شاعر رائع ومميز