أمير الشدادين الضياغم من عبيدة قحطان
 

موضوع يتكلم عن أمير وقائد قبيلة الشدادين التي يرجع نسبها لعبيدة قحطان
وهم الآن في تعداد قبائل بني الحارث وحبيت أنقل الموضوع لكم للفائدة والإطلاع


http://up.do7a.com/get-6-2008-do7a_com_h236iq8h.jpg

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا أبو سعد سج الركايب يسيرن=وأليا غدا شي ٍ على الله بدالـه [/poem]

التـاريخ وعلى امتداده ظلت هذه الكثبان الممتدة من الماء إلى الماء تنجب من الفرسان والأبطال ذوي الشيم والشهامة والفروسية الفذة والشجاعة النادرة .. هؤلاء الأبطال ظلوا طـوال قــرون من الزمان ماثلين في الذاكرة الشعبية تتناقلهم السير والقصائد بنوع فيه الإكبـار والتمجيـد..

الأمير الفارس مبارك بن باتل بن مهرس الشدادي الحارثي رحمه الله (( أبو سعد))

أسم نقش في صفحات التاريخ والفروسية, أمير قبيلة الشدادين من بني الحارث, وفارسها المشهور وقائدها في أكثر الوقائع والمعارك الضارية للقبيلة, أشتهر بالدهاء والحنكة والكرم الحاتمي, ولو أردنا الكتابة عن هذه الشخصية العظيمة لطال بنا المقام وتجف الأقلام في ذكر تاريخه المشرف وأفعاله الخالدة ومواقفه البطولية, ولكن أردنا في هذا الموضوع تسليط الضوء على بعض من مآثر هذا الفارس..

كان رحمه الله قوي الشخصية, قائد موفق من الله في أكثر أموره, لقب بـ(( غيمان)) وسبب هذا اللقب هو بعد المناطق التي كان يغزي عليها حيث كان يأخذ في مغازيه شهوراً كثيرة, ولقب كذلك بـ(( مجوّز العزّب)) وكان يحرص الشبان من جميع القبائل على مرافقته في مغازيه ولعلنا نذكر قصة الفارس مبارك بن خميّس العواضي الشدادي الذي تزوج بنت أحد شيوخ قبيلة العجمان عندما كان مع الأمير مبارك ابن مهرس..


أما قيادته للمعارك فكان رحمه الله مقداماً لا يهاب الموت حتى قال فيه الشاعر شامان البقمي:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قولوا لابن مهرس يخلي هبالـه=لو هو كفو لأخذ الدير ما حقرناه [/poem]


ومن المعارك التي خاضها نذكر على سبيل المثال

معركة سوقان
معركة عن
معركة الركيه
معركة البهاره
غزو تربة
حرب الباضه

له الكثير من القصص والمواقف المشرفه وسوف نذكر في موضوعنا هذا بعض من مواقفه..


(( قصة الذئب))

غزا الأمير مبارك بن مهرس بقومه على أحد القبائل والتي كانت بعيدة عن ديار بني الحارث وفي أثناء الليل سمعوا عواء الذئاب وكان القوم يقولون: عسى ما عشاكم منا. خوفاً من غدر الأعداء لهم فقال الأمير مبارك: والله ما خبرت إني غزيت وأنكفت وسمعت اللي تقول يا أبوي ويا أخوي.. وكان يقصد بأنه موفق من الله ولم ينكسر بارقه في جميع غزواته, وفعلاً أنتصر في غزوته تلك وغنم ويقول أحد الشعراء من قوم الأمير مبارك بن مهرس:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا ويل اللي مهوب منا=واللي منا يضحك نابه
شيخنا زبـن المجنـا=واهني اللي مشى بـه[/poem]




(( يتلون شيخ ٍ شيخته بالعدالي))

هذه القصيدة لأحد فرسان قبيلة عبيدة قحطان قالها في الأمير مبارك بن مهرس عندما حصل بينهم موقف عند الإبل, وبعد ما سمعها الأمير مبارك أهدى للقحطاني بعض من الإبل تقديراً له:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا ديك ياللي في العلالـي تلالـي=لا واهنيـك بالتعاجيـب يـا ديـك
تجر صوتك مـا شكيـت الليالـي=وأنا جرالي في زمانـي شرابيـك
أتعبت ساقي في طرد عُرب ٍ متالي=لعيون من حط العويـدي مساويـك
لين أعطبونـي محتميـن التوالـي=جمع الشلاوى مبعدين المصاويـك
يتلـون شيـخ ٍ شيختـه بالعدالـي=((أبو سعد)) أليا عزل ذيك عن ذيك
العود من جنسـه يجيلـه ظلالـي=والجد واحد ماش ريبـه وتشكيـك
ربعي عبيدة فـي نهـار القتالـي=سوات سيل ٍ من مخيلـه تهاليـك
لكن ثـار الهيـج بيـن الرجالـي=ومنا ومنهم صار ضرب المشاويك [/poem]




(( يا أبو سعد سج الركايب يسيرن))

قال الشيخ الفارس مقبول ابن هريس الشلوي الحارثي هذه القصيدة عندما انتهى البن من عنده ويخاطب في القصيدة الأمير مبارك بن مهرس ومستحثاً إياه على الإستعداد للغزو للكسب والمغنم:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا أبو سعد سج الركايب يسيـرن=وأليا غدا شـي ٍ علـى الله بدالـه
نركب على هجن ٍ للأبعـاد يدنـن=أكوارها تصرخ صريخ المحالـه
حريبنا لـو هـو بعيـد ٍ شكاهـن=في المال وألا في شفايـا رجالـه
فاتن ثلاث ليال والنجـر مـا دن=البـن بـاح ولا بقـى ألا دلالـه
لا بد عسـرات الليالـي يريفـن=ويرجع ردي الخال تالـي ليالـه
ناشي على ذبح الغنم وأحمس البن=مانـي بناشـي نشـوة ٍ بالفلالـه
وأزمي كما يزمي على السايله عن=لين ان وال العرش يضفي جلاله
وخطو الولد لو هو كبير ٍ وله فن=يجيك في المجلس كبيـر ٍ خيالـه
نتاب نقـاب ٍ كمـا ينقـب السـن=حفـاظ مرجلـة ٍ بليـا رجـالـه
وأن ناحروا ربعه حدود السند خن=دوّر له جدر ٍ قعـد فـي حيالـه [/poem]



(( أبو سعد يبري كما يبري الذيب ))

حصل في ذلك الزمان معارك ومناوشات بين قبيلة بني الحارث وقبيلة البقوم وتبادل بالقصائد فقال أحد شعراء البقوم:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يا دارنا قرّي لضرب المغاليب=بمحبب ٍ كن الرعد في انحطابه
لعيون ملح ٍ يدهلن المساريـب=ملح ٍ تسيّر بين صفق الحرابـه
أبو محمد لا عهم لوعة الذيـب=حوّل على نزل تعـاوى كلابـه
وحمود يبرى له بخيل ٍ جناديب=شيخ البقوم اللي تعشى شبابـه
سمر المباني بيّعت في المجاليب=وأصبح مبارك يرتفد في زهابه
والناصري عذّر وكب المعازيب=واللي سلم منهم تزبّن هضابـه[/poem]

فرد عليه الشاعر الفارس رفيع بن هريس العواضي الشدادي يقول:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ميعادنا ريحان خشـم المذاريـب=والكـاذب الله لا يطـوّل شبابـه
أبو سعد يبري كما يبري الذيـب=شيخ ٍ ليـا وعّـد يباريـه لابـه
صبيان قومي مثل سيل المناحيب=ومن يعترض في نحر سيله غدابه
وأليا لزمنا ناحـلات المقاضيـب=كم حلة ٍ راحـت بعدنـا خرابـه
تفقدوا شيخانكم هم عشاء الذيـب=وكم واحد ٍ منا عطيب ٍ صوابـه
وترعابنا شقح ٍ عليها المشاعيـب=بصافي الحديد اللي تلاعج رقابه
ترعابنا القفر المطرف ليا هيـب=وحريبنـا تقنـب عليـه الذيابـه[/poem]


وحصل أن الأمير مبارك ابن مهرس دخل تربة البقوم بجيوش بني الحارث ويقول شامان البقمي في ذلك:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
كان ابن مهرس نزل دارنا=لا تعافا من بغـا العافيـه
نوكل الحربي صلا نارنا=وان حاربنا ناخذ الوافيـه [/poem]


وكذلك يقول شامان:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
قولوا لابن مهرس يخلّي هبالـه=لو هو كفو لأخذ الدير ما حقرناه
وادي ٍ حمانا بالمصاقيـل جالـه=لا لا مهابة منزلـه مـا نزلنـاه [/poem]

ومما قاله شعراء البقوم في معارك القبيلتين قول الشاعر حباب البقمي:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الحرب شبّوه الجهل شـب نيـران=حرب ٍ نشينـا فيـه مـا ذي بهيّـه
يابا الفرج حصّل(( مبارك)) وسلمان=اليـوم وألا الصـبـح وألا قفـيـه [/poem]

وسلمان المذكور هو الفارس سلمان بن حمدان البديواني الشدادي.



(( أبو سعد يا حامي الدوبليه))

استنجدت إحدى الشاعرات من قبيلة الدواسر بالأمير الفارس مبارك بن مهرس والشدادين لإرجاع حلالها, وفعلاً إستطاعوا الشدادين إرجاع الحلال لأهله وكذلك إضافة 100 رأس من الضان على حلال الشاعرة وتقول في قصيدتها:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
من يركب المامون وينحّره عـن=ديار ابن مهرس زبـون الونيـه
ويلفي لمن لـه الركايـب يعنـن=أبو سعـد يـا حامـي الدوبليـه
تلقى الشحم عنده مع الهيل والبـن=ودلالهـم للنـار دايـم صلـيـه
قله يا أبو سعـد دموعـي يهلـن=وأرب ألاقـي عندكـم مفزعيـه
وا حمس حالي يالشلي حمسة البن=مهوب حزن مهاوي ٍ فـي هويـه
أبكي الولد وأحوالنـا مـا يسلـن=غدوبـه اللـي مابهـم مرحميـه
وقطعاننا خيل السبيعي بها أقفـن=تكفـون ردوا حبيّباتـي علـيـه
يالاد شداد أن نشدتوا هـذا مـن=هـذا كـلام ٍ قالتـه دوسـريـه[/poem]



وهذه الأحدية تنسب للأمير مبارك بن مهرس بعد إرجاع حلال الدوسرية, ولم يعرف عنه رحمه الله قول الشعر:


[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ينخانا المجمول ونقوم=ونرد حلوات اللبـن
عاداتنا نقضي اللزوم=في شامها وألا يمـن [/poem]




((وفاة الأمير مبارك بن مهرس رحمه الله))

توفي الأمير الفارس مبارك بن مهرس الشدادي الحارثي بسبب كبر السن, بعد أن عاش حياته على ظهر فرسه مسجلاً للتاريخ أروع القصص في البطولة والشهامة رحمه الله وأسكنه فسيح جناته...

رد : أمير الشدادين الضياغم من عبيدة قحطان
 

رد : أمير الشدادين الضياغم من عبيدة قحطان
 

لا هنت على المعلومه الوافيه الكافيه



و الله و نعم فيك و فيهم و في الجميع و في كل القبايل



لا هنت و الله انك ابدعت في هذا الموضوع



لا هنت و تقبل مررررررررررروررررررررري


و تستاهل سمعه

رد : أمير الشدادين الضياغم من عبيدة قحطان
 

لاهنت على الموضوع,,,

رد : أمير الشدادين الضياغم من عبيدة قحطان
 

موضوع وافي

ويستاهل سرد قصته

بيض الله وجهك ولاتحرمنا من مثلها

رد : أمير الشدادين الضياغم من عبيدة قحطان
 

يا هلا وغلا

وبارك الله فيك أخي الغالي

رد : أمير الشدادين الضياغم من عبيدة قحطان
 

ونعم يالشدادين .. لكن عندي سوال ؟؟ الحين كل بني شداد .. مع الحارث اليوم ؟!؟ ولافيه في عبيده ؟؟

رد : أمير الشدادين الضياغم من عبيدة قحطان
 

بيض الله وجهك ولاتحرمنا من مثلها

رد : أمير الشدادين الضياغم من عبيدة قحطان
 

ارررررررررررررحب الله يسعدك يا مشعل

رد : أمير الشدادين الضياغم من عبيدة قحطان
 

ارررررررررررررررررررررررررررررحب عساك تبطي حي يا جبران