شبكة قحطان - مجالس قحطان - منتديات قحطان - ابن عقيل .. والشيخ الفارس / شرثان بن سعيّد

- مجلس فرسان قحطان (https://www.qahtaan.com/vb/forumdisplay.php?f=5)

- - ابن عقيل .. والشيخ الفارس / شرثان بن سعيّد (https://www.qahtaan.com/vb/showthread.php?t=36287)

ابن عقيل .. والشيخ الفارس / شرثان بن سعيّد

هذه قصة ابن عقيل مع الشيخ الفارس / شرثان بن مبارك بن سعيّّد (الدخن ؛ آل عاطف)

(راوي القصة هو الراوي /فهد بن حزام بن سعيّد ، للراوي/ ناصر بن حرقان آل سعيّد .....الي سمعت انا السالفة منه.)

يقول تواجهو ابن عقيل الدعاجين ، والشيخ الفارس / شرثان بن مبارك بن سعيّّد ، عند الملك عبد العزيز... فقال ابن عقيل والله ان اقنعك الغارة يـ (الرده) ماابطيت ، قال الشيخ الفارس / شرثان بن سعيّد الله يجعلك لا جيت ليني في نحرك .
ايقول فهد بن حزام ؛ شدينا يآل سعيّّد من عند ابن سفران وهو جار لنا عند ملقى الوهوهي والعمق ونعشي في الخوير ، ايقول وانا صغير ولين ذا شرثان جاينا بضبي ،
ايقول رجع كليب بن سعيّد ايجيب ناقتين اجلست عند الخنافر ويقرنها ويلحقنابها ويعارضه الشيخ الفارس /جعمل بن سفران ؛ قال: علم الربع ترى ابن عقيل جاء من عند الموارك يافينا يافيهم. يقول الراوي ويوم قد حنا في الربوا لين امه يوم قالت طيحو ياعوال طيحو ، ايقول والتفت لينه لاحقنا خيل ، اثرهم شافو المظهور ونووبه ولقطوه . ايقول لين الرجال الي على الفرس الي انطلق عليهم من الجال لاقصى ايقول الي طاير ثوبه من فخوذه الي شاب في الفرس ،، الي ناصين القوم حتى صفق فيهم وجاء عندهم معركة شنيعة ايقول اشتغلت البنادق وقامو يتلاوبون بعض ايقول والله انهم ياما طلعو من الوادي ويمارجعوله ، يقول شوي الي ذيك ثنتين من خيل الدعاجين يوم طاحت بفريسها ، ايقول لينهم يوم انكسرو الدعاجين وولو بالفرار.

الرده هو لقب شيوخ آل سعيّد اخوان زبنه لانهم يردون الابل
وللمعلومية قد تميز الشيخ الفارس / شرثان بن مبارك بن سعيّد بسرعة الرماية ودقة الاصابة، ولم ينثر له دم الا في مخيبية ، جاته اصابة خفيفة ، وهوالذي قتل الحجن في المحتجبة بتران وهو الذي قتل اليامية في سر المدبع وهوالذي قتل الفارسين الاخوان/مريديس بن مسعد ، ومرداس بن مسعد في وقعت السيح.
وسوف اعرض لكم هذه الوقائع وغيرها ان شاء الله