سلاطين العرب...قحطان ((قصيدة لمن لم يعرف قحطان))
 

بسم الله الرحمن الرحيم


تفضلوا القصيدة

سلاطين العرب

[frame="10 80"]
سلام الله .. سلام ألذ و أحلى من حليب النوق
سلام يفوح من طيبه بريح المسك و الكادي

على ربعي ل الطالات و أهل مستوى اللي فوق
قحاطين لنا تاريخ يشهد من عصر عادي

سلاطين العرب قحطان قول ثابت موثوق
مواريث الفخر و المجد من ماضين الاجدادي

فخرنا الأوس و الخزرج سناد الصادق المصدوق
و فخرنا قول حسان بن ثابت حق و جهادي

و فخرنا سيف عمر و ذكر حاتم بالكرم مرموق
تواريخ تدرس في الكتب لجيال و احفادي

من الماضي و حاضرنا نماري به على الطاروق
ما دام أنه شرف نعتز فيه جموع و افرادي

لنا بالطيب منهاج على العليا نسوقه سوق
قبايل للشرف و العز و الناموس روادي

بني عمي عبيده سيف هند للمعادي عوق
عيون الصف الاول سلم و لا حرب و طرادي

و جمع شريف قوم بالمواقف للنواظر شوق
أهل وجه و جاه و للعداءء سم بالكبادي

و فرسان الجحادر بالنوادر مالهم ملحوق
نجوم نستدل بها و للعدوان هجادي

و سنحان الظفر و العرف رمح حامي مفتوق
على العيال من ضربه تعاف النوم و الزادي

و صبيان الحباب حزام لي ثقل الحمل و الطوق
صواريم الحرار لحوض الموت ورادي

و جمع آل السري لي لزمت بالفعل و المنطوق
هل الوقفات و الصملات و الصولات بركادي

بني بشر و رفيده بالوفا و المعرفه و الذوق
لهم شان رفيع و في النوايب درع و سنادي

مناعير يمانيهم على لطم الحفيف مروق
فاعايلهم تقدمهم بحد و سرج و شدادي

عيال العود أهل عز و عزم بالنقى مرفوق
لنا عد وحد نفتخر به بين الاجوادي

شمال حدودنا في نجد كله فاهق و مفهوق
على نجد العذيه باسطين حاضر و بادي

جنوب حدودنا نجران و تهامه ورأ الشاهوق
و من غرب شهران و شرقنا من يام لي الوادي

إلى شرق الحسا و بقيق ناطي خذها المطروق
على وجه الخريطة كلها مصدر و ميرادي

حميناها و حلنا دونها يوم العوادي طوق
بضرب سيوفنا من كل طماع و حسادي

ولا على القبايل زود كل له فخر و حقوق
و كل دون حقه يعتزي عيونه حدادي

و حنا كلنا روح و جسد واحد و دم و عروق
جنود للوطن بارواحنا من دونه نفادي

على شبه الجزيره في ذرى أهل البيرق المدقوق
صناديد الملوك اللي لهم تاريخ و أمجادي
[/frame]قالها / عبد الله القحطاني

وسلامتكم.......

رد : سلاطين العرب...قحطان ((قصيدة لمن لم يعرف قحطان))
 

صح لسان شاعرها وصحت يمينك على النقل



وزودتك سمعه على ذي القصيده الطيبه

رد : سلاطين العرب...قحطان ((قصيدة لمن لم يعرف قحطان))
 

بيض الله وجهك وارجو من اي واحد يدخل يزودني سمعة

رد : سلاطين العرب...قحطان ((قصيدة لمن لم يعرف قحطان))
 

صح الله لسان الشّاعر ..

ولاهنت يالعبيدي ..

ولكن من شاعرها ..

وتستاهل السمعه .. يا قحطاني ..


تحيّاتي ..

رد : سلاطين العرب...قحطان ((قصيدة لمن لم يعرف قحطان))
 

صح السان الشاعر


ولاهنت يا القرم

رد : سلاطين العرب...قحطان ((قصيدة لمن لم يعرف قحطان))
 

بيض الله وجيهكم ياعيال مضيم

رد : سلاطين العرب...قحطان ((قصيدة لمن لم يعرف قحطان))
 

السلام عليكم ورحمة الله وبركاته
لا هنت يابو عايض على نقل القصيدة
وصح لسانك يالشاعر/ عبدالله
وتقبل مروري

رد : سلاطين العرب...قحطان ((قصيدة لمن لم يعرف قحطان))
 

بسم الله الرحمن الرحيم
السلام عليكم ورحمة الله وبركاته


ارحب

صح لسان شاعرها الجزل


وانت جزل وامتجيب الا الجول يالقرم

وتستاهل سمعه يالغالي


اخوك/عبدالله السحيمي

رد : سلاطين العرب...قحطان ((قصيدة لمن لم يعرف قحطان))
 

صح لسان الشاعر



الله يعطيك العافيه



يارائد

رد : سلاطين العرب...قحطان ((قصيدة لمن لم يعرف قحطان))
 

السلام عليكم ورحمة الله وبركاته
صح لسان الشاعر



الله يعطيك العافيه