أشــيــاء تــرفــع الــضــغــط .. ؟؟
الأشياء اللي ترفع الضغط كثيرة ... ومنها
* أنك تشرب ببسي حار * أنك تصلي وأنت لابس شراب مشقوق * أنك تعطي أخوك سيارتك ... ويرجعها والتانكي فاااضي * أنك تدخل المسنجر .. وما تلقى ألا اللي ماتبيهم * أنك تـتـفاهم مع رجل امن سعودي * أنك تناظر مباراة على الأي آر تي وأنواع الحماااس وفجأة ينقطع الاشتراك * أنك تلعب كوره وأنت حافي .. وتشوت غطا البياره * أنك تذاكر تذاكر تذاكر تذاكر <-- أخلص .. وبعدين تكتشف أن اللي ذاكرته مهوب داخل معك في الاختبار * أنك تعطي جوالك لواحد ويرجعه لك والرسايل محذوفه * أنك تقوم من صباح الله وتروح للجامعة تمشي مليون .. وتلقى الدكتور معتذر * أنك تقوم الصبح وتلقى معجون الأسنان مخلص * أنك تـَـشرق بالماء * أنك تلعب كيرم وتدخل الخمسين 3 مرات ولاتقدر تدخل الطباقه .. أو أنك تدخل الطباقه والمصقال معه * أنك معك حزام أسود بالكاراتيه ويدعسك أفغاني * أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون * أنك تتروش .. وأذا خلصت ماتلقى المنشفه * أنك تدخل البيت جوعااااان .. وتشوف القدور قدامك وتغرف وأذا جيت تاكل تلقى الرز بارد * أنك تكتب موضوع طويييييييل ... وأذا جيت ترسله يطس .. مدري وين يروح * أنك تكلم ويدق عليك واحد ويلقاك أنتظار ويقطع * أنك تروح الحلاق وينتف شنبك * أنك تغص ولاتلقى أحد يطق ظهرك * أنك تتفرج على اجتماع دول مجلس التعاون الخليجي * أنك تصير أمام لجماعه ... وبالركعة الثانية تذكر أنك منتب على وضوء * أنك تشوف فـلم .. وواحد جنبك يقولك القصة * أنك تمسك خط وفيه ذباب بسيارتك وأنك تفتح الدريشه ولا يطلع * أنك تدخل حمام ماله قفل * أنك تاكل حنيني بارد * أنكم تلعبون كوره بالبر وتطيح عارضتكم ( باب القوووول ) * أنك تسوي فيها متابع مع الدكتور وتتوهق ويسألك سؤال وماتقدر تجاوب منقوووول :) |
رد : أشــيــاء تــرفــع الــضــغــط .. ؟؟
بسم الله الرحمن الرحيم
السلام عليكم ورحمة الله وبركاته * أنك تشرب ببسي حار ههههههههههههههههههههههههه حرام انك صادق ياسعيد ولا هنت على رفعت الضغط وتقبل مروري نفداك محبك ابن لعور00000000000000 |
رد : أشــيــاء تــرفــع الــضــغــط .. ؟؟
هههههههههههههههههههههه
والله من جد ترفع الضغط بس هذولي بزيادة * أنك تشرب ببسي حار * أنك تتفرج على اجتماع دول مجلس التعاون الخليجي الله يعطيك العافية على ايراد الموضوع |
رد : أشــيــاء تــرفــع الــضــغــط .. ؟؟
احسنت ياسعيد على الكلام الطيب
|
رد : أشــيــاء تــرفــع الــضــغــط .. ؟؟
سعيد بن مذي
أرحب يالغالي حلوووووووووووووووووووووووووووووووووووووووووووههههه ههههههههه |
رد : أشــيــاء تــرفــع الــضــغــط .. ؟؟
كلام جميل
برضه يرفع الضغط لا كنت لابس شراب ودعست على مويه وامتلا الشراب مويه :) وبرضه يرفع الضغط أنك تشخص ومعزوم وأول ما تخش ينتثر عليك قهوه عليها زعفران كثير |
رد : أشــيــاء تــرفــع الــضــغــط .. ؟؟
ارحب ياسعيد ولاهنت على الموضوع الرايق
أما البيبسي الحار هذي شي هههههههههههههه لاهنت ياذيبان والحمد لله على السلامة |
رد : أشــيــاء تــرفــع الــضــغــط .. ؟؟
والله انك رفعت ضغطي من الموضوع الطويل
هههههههههههههههههه |
رد : أشــيــاء تــرفــع الــضــغــط .. ؟؟
يرفع الضغط من يمر ولا يرد على موضوعك
مشكوووووووووووووور |
رد : أشــيــاء تــرفــع الــضــغــط .. ؟؟
بسم الله الرحمن الرحيم
السلام عليكم ورحمة الله وبركاته [quote]* أنك معك حزام أسود بالكاراتيه ويدعسك أفغاني * أنك تغرز بالبر وأنت معك جيب .. ويمر من جنبك ددسن يمشي بشويش ويناظرونك ويضحكون * أنك تتروش .. وأذا خلصت ماتلقى المنشفه [/quote ارحــــــــــــــــــــــــــب يا سعيد من جد رفعت ضغط الله يعين لاهنت ننتظر المزيد اخوك/عبدالله السحيمي |
الساعة الآن 10:24 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com