دوا الضيقــــه
 

سلام عليكم ..


صباح\مساء .. الخير ..


أقبلوها كما هي ...

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
والله اني ضايقٍ والصدر بالهم إمتلا=والغبون تجر وسطه ياعلي موالها
ماهي ضيقة عاشقٍ يشكي فراق أم الحلا=ولاهي ضيقة فقر .. ولا دين .. ولا أمثالها
والله إلا ضيقةٍ لو هي توّزع عالملا؟=كان تكفيهم ويبقى مثلها وادبالها
والسبب في ضيقتي بعض العرب ... ولا بلا=خلني ساكت وربك ياعلي حلالها
غير تدري وش دواها يازبون اللي انجلا؟=لا إنقطع عن اجهزتنا برجها وارسالها
الخلا يابن عجي اي والله انه الخلا=هو دوا الضيقه وهو حلاّل عقد حبالها
ماحلا طوي المسافات الطويله بالفلا=لين ننزل عند واديها وبين جبالها
وماحلا دق العصب في كل راس وماحلا:=الجنابي في عروض محنيين سلالها
وماحلا نص العمود .. وماحلا شب الصلا =والدلال الصفر ذات الكيف صف بجالها
وجال شفرة قومه الوافي بها ومد (شهلا)=وعدلت روس النشاما ماحوا فنجالها
النشاما اللي ليامن جيتهم قالوا : هلااا=من خواطر صافيه تنبان بإستقبالها
المطاليق الصقور اللي مواكرهم على=راس نايف والطمان تشوم عن منزالها
وجلسةٍ معهم على طيب .. ونقا قلب .. وغلا=والسوالف .. والعلوم الطيبه .. وجزالها
والسمان من القصيد اللي من الهزله خلا=وعقبها لعب اقحطان اللي يجمل حالهاا
قزوعي والقزوعي من دون طبلٍ يطبلا=مابه الا صوت خبط القاع .. وصوت رجالها
لعب هيبه العبوه اجدادنا من اولا=فالحرايب عقب مالعدوان يفنا حالها
ياعلي طالبك هيا ياعلي صوب الخلا=ودي اسلا لعنبو الدنيا على آبو ريالها[/poem]

رد : دوا الضيقــــه
 

صح لسااانك
وبيض الله وجهك على القصيده الجزله
وتقبل تحياااتي

رد : دوا الضيقــــه
 

صح الله لسانك

ولاهنت يا الذيب

رد : دوا الضيقــــه
 

رد : دوا الضيقــــه
 

وعليكم السلام يابو مانع

صح لسانك وعلا شانك

تسلم يمينك على القصيدة الجزلة الرائعة

وكفوا والله وعلمك غانم يالذيب

رد : دوا الضيقــــه
 

صح


لسانك

ومشكور

رد : دوا الضيقــــه
 

بسم الله الرحمن الرحيم
السلام عليكم ورحمة الله وبركاته


صح لسانك


والله يوفقك

ننتظر جديدك

رد : دوا الضيقــــه
 

ياسر

اررررحب

شرفتني بتواجدك
لاهنت وصح بدنك

رد : دوا الضيقــــه
 

بن مفلح

ارررررررحب ...

نورت وشرفت ياغالي الله لا يهينك ويصح بدنك

رد : دوا الضيقــــه
 

ارررررحبب ياسعد ارحب ..



شرفني مرورك ياذيبان والله لا يهينك يابن عجي :o

تحيتي