|
قصيدة الوداع جديدة لـ مهدي الحبابي على صفحة مدارات شعبية
أخواني في هذا الصرح الادبي الشامخ أنقل لكم أحد قصائدي الجديدة والتي
تم نشرها يوم الخميس الموافق21/5/1428هـ على صفحة مدارات شعبية بجريدة الجزيرة إليكم رابط القصيدة http://www.al-jazirah.com/356097/tr3d.htm إليكم القصيدة [poem=font="Simplified Arabic,4,orangered,bold,normal" bkcolor="transparent" bkimage="backgrounds/21.gif" border="none,medium,gray" type=4 line=0 align=center use=ex num="0,black"] قبل ما ينثر على صـدر الأوراق اليـراع= دمعته وتسيـل ويكـون واقعهـا حزيـن مخطر أنها تحرقه لو صدر منها شعـاع= أو تبين خافي السـر مـا بيـن الثنيـن أو تنـادي للعواصـف ويطيـر الشـراع = ويظهر المستور ويصير رد السين سيـن ثم يقال انها السبب فالمهالـك والضيـاع= وانهـا سبـة دمـار الـدول فالعالميـن وكل شخص يعرف السالفة يعطي انطباع= حولها ويقول مـا يعرفـه شيـن وزيـن وادري انه ما يعـرف الثنيـة والربـاع = بس معهم يشعب السالفة طلبـه وديـن فإن بغيت اتطاع فأمر بشـيء يستطـاع = ويقبلونه منك الناس يا الشخص الفطيـن واصعب اللحظات فالعشق لحظات الوداع = والموادع يظهر الخافي اللـي مـا يبيـن يظهر الخافي بعد مـا يضيـق الاتسـاع = في عيون اللي تلعثـم بنطـق الكلمتيـن معك يا سيد الغناديـر أحـب الاستمـاع = واعشق الإنصات للقول منك كـل حيـن واعشق النظرة لشخصك وأحس أنها متاع = وأتلذذ بالنظر فـي غصـون الياسميـن العيون لشوفتك يا نظـر عينـي جيـاع = متعيها بالنظـر فيـك جعلـك تسلميـن وصلي حبل المواصيـل بعـد الانقطـاع = وعالجي جرح من البعد تدميـه السنيـن [/poem] وسلامتكم |
رد : قصيدة الوداع جديدة لـ مهدي الحبابي على صفحة مدارات شعبية
صح لسانك
و بيض الله وجهك يالمبدع على هذه الرائعه و تقبل خالص تحياتي يالغالي دمتم بود |
رد : قصيدة الوداع جديدة لـ مهدي الحبابي على صفحة مدارات شعبية
ابو نواف
صح السانك وفكرك على هذه الرائعه بروعة حضورك ودمت نبراس للشعر ... تحاتي ،، |
رد : قصيدة الوداع جديدة لـ مهدي الحبابي على صفحة مدارات شعبية
بسم الله الرحمن الرحيم
السلام عليكم ورحمة الله وبركاته صح لسانك و بيض الله وجهك يالمبدع و تقبل خالص تحياتي |
رد : قصيدة الوداع جديدة لـ مهدي الحبابي على صفحة مدارات شعبية
صح لسانك وابيض وجهك ........عودتنا على الشعر الجزل _ اخوك سعيدبن برمان الحبابي
|
رد : قصيدة الوداع جديدة لـ مهدي الحبابي على صفحة مدارات شعبية
صح لسانك وبيض الله وجهك *
ونطلب منك المزيد مع تمنياتي لكم بصحه والعافه على طاعة الله* |
رد : قصيدة الوداع جديدة لـ مهدي الحبابي على صفحة مدارات شعبية
أبيض وجه وصح لسانك وعلا شانك يابونواف وعادتك العلم الطيب
وأنا آسف على التصفح المتأخر وأبشر بالعوض وأطلب منك المعذره مادقيت عليك ولا كلمتك بعد المزاين والجزل مايجيبه إلا الرجال الكفو اللي مثلك ياذيبان سجلني متابع مستمر لك ولا عاد تبطي علينا نفدا خشمك تقبل تحياتي وتقديري أخوك / أبو عساف |
رد : قصيدة الوداع جديدة لـ مهدي الحبابي على صفحة مدارات شعبية
اقتباس:
ارحب يا ابومسفر صح لسانك ولا عثر حصانك وعلى الأخرى عانك . يكفي أن تكون أنت كاتب القصيده لكي يحكم عليها بالروعه والتفرد . مبدع كنت ومبدع لا زلت ومبدع ستكون . تقبل مرور وإعجاب وتحيات أخوك |
رد : قصيدة الوداع جديدة لـ مهدي الحبابي على صفحة مدارات شعبية
ابو نواااااااااااااااف
بيض الله وجهك انت تعرف رائي فيك ما يحتاااااااج استاااااااااااااااااذ تحياتي |
رد : قصيدة الوداع جديدة لـ مهدي الحبابي على صفحة مدارات شعبية
واصعب اللحظات فالعشق لحظات الوداع
والموادع يظهر الخافي اللـي مـا يبيـن يظهر الخافي بعد مـا يضيـق الاتسـاع في عيون اللي تلعثـم بنطـق الكلمتيـن الله الله والله لوإني راعي مجله او جريده لأنشرها في اكثر من عدد صح لسانك يابو نواف والجزاله والقصيد الذرب الجزل ما يستغرب على شاعر كبير شرواك تقبل إعجاب اخوك والمعذره على التأخير لأنني والله قريتها في نفس الجريده واحسب اني قريتها هنا ورديت عليها لاعدمنام . |
| الساعة الآن 08:01 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com