شبكة قحطان - مجالس قحطان - منتديات قحطان - قصة و ابيات للشاعر / سحمي بن برمان آل عريج الجروي

السلام عليكم ورحمة الله وبركاته ...

مفاد القصة أن غشام ابن مشل أبن هويلة من آل زبران ال الجرو
عندما كبر باعوا أولاده أبله وكل ما سأل أحد أولاده عن ألأبل قالوا أنها في الثفن حتى أتاه أحد أقربائه وعلمه بالخبر وقال له يا غشام أبلك باعوها أعيالك ... فما كان من غشام ألا أنه سير على الشايب الشاعر/ سحمي أبن برمان أل عريج الجروي وطلب منه أنه يحط قصيده في أعياله وبيعانهم لأبله .. فلبى له الوالد مطلبه وحط هذه القصيدة والتي أتمنى أنها تحوز على رضاكم ,,,,,,

[poem=font="Simplified Arabic,5,black,bold,normal" bkcolor="blue" bkimage="backgrounds/2.gif" border="solid,7,skyblue" type=0 line=0 align=center use=ex num="0,black"]
غشام هيضني ونا كنت مشحون =وأشحن فوادي يا عرب بشكيانه
واللي يبي مني على الراس مضمون = من قلب محبوبن تفقض ألسانه
فأن كان يبغي له تماثيل والحون = فعلي بدع القاف له ونقيانه
واللي يبي موجود والغالي ايهون= ما دام يقدر بالثمن واشريانه
وأن كان يشكي من أربوع يعذلون = من سب حب البل فشاني بشانه
البل تراها قوة اللي يشدون = ويزيد أهلها حشوها وحديانه
وأن عطفت جاوا بالمعادن يحلبون= وحليبها طب المريض اشربانه
وتشوف أهلها ي الوسامى يسجون = وأزي نبات زادهم برعيانه
والمال عزاً للي بشفه يسيرون = ولا يزيد اللي صفطبه وهانه
ومن كثر ماله جاله السان وأفنون = ويزاد في كاره على اللي وزانه
ومن قل ماله صار من دون في دون = ولا تعين له صديق وعانه
لو كان هو ذيب الفجايا ومامون = وليا بدا نبن عليه ارقيانه
فيا ابو مشل اصبر ترى الكاين أيكون = وكل حلن عبرته من زمانه
لا عاد تزهمني فجي مثل مجنون = قلبي مع البل زايداً به أجنانه
في حبه ما أطاوع اللي يقولون = جعله فداها من شمتها السانه
اللي شمت حسق الوبر زينة اللون = ما خاف من ربه وكثر أهذيانه
البل على عصر النبي جا لها أركون = اللي خلقها الله بعزه وشانه
وعلى النبي صلوا معي لا تسجون = اللي فرض دينه وسن أسجدانه

وسلامتكم ...
أخوكم / فراج بن سحمي آل عريج الجروي[/poem]