قصيدة أعجبتني ، غايه في الروعه والجمال معني وصياغة
 

قصيده اعجبتني..

قرأت هذه القصيده في احد المنتديات فاعجبتني...انشاء الله تعجبكم..


إذا المراجل لبسة شماغ وعقـال
................................ قـل للعـذارى يلبسـنّ العمايـم


ما عاد يفرق زول حرمه ورجال
................................. دام الفعايل تشبـه البعـض دايـم


المرجله ما هيـب كلمـه وتنقـال
................................ وتروح ما راحت هبوب النسايـم


وإلا خشونة صوت أو رفع الأثقال
...................................أو رزة صـدور وفعـل الزلايـم


ولا هي بعد مفتاح موتر وجـوال
....................................وإلا ردى لسانـن حديثـه شتايـم


المرجله شيمه عن القيـل والقـال
.................................رفيع نفس (ن ) حر بالجو حايـم


المرجله عقلٍ وزن وزنـه جبـال
.................................ودون العقل وش فرقنـا والبهايـم


يا مسندي لو مايل الوقت بي مال
....................................يا ولد أبويه يـا عظيـم العزايـم


يا معرب الجدين من العم والخال
.................................. يا نخوة المفزوع وقـت الهزايـم


المرجله يا خوي هي طولة البـال
..................................هي العزم هي الصبـر فالظلايـم


فيها الكرم عـزه دلـه وفنجـال
............................ فيها الكرامه عن ردى الطبع شايم


والدين لامنه خذا القلـب منـزال
................................ مشى طريق الحق وابليـس نايـم


ومن لا عرف ربه في طيب الحال
.................................لابد وقت الضيـق بالهـم هايـم


حتى صلاتك مع جماعات ورجال
............................. في خيرها يا خوي نعـم الغنايـم


ولامن نصف ليلك قم صفي البال
............................يا عظم أجرك بين ساجـد وقايـم


ولا من رفع ربي له كل الأعمـال
.......................... حسن الذكر لا قالو فـلان صايـم


وخلك شريف القصد يا طيب الفال
.......................... سوء المقاصد فالبيـوت الهدايـم


واحذر تبيع النفس في درب الأنذال
...........................وتتبع خوي إبليـس راع النمايـم


النفس خيل لك إذا كنـت خيّـال
............................ومن لا قوى نفسه قوته الهزايـم


ولا صرت ما تدري لو يش أنت رجال
....................... والله خسارة فيك ذبح التمــــايم


عذرا لأعرف قائل القصيدة الرجاء ممن يعرف قائلها فلا يبخل علينا بذكر اسمه

رد : قصيدة أعجبتني ، غايه في الروعه والجمال معني وصياغة
 

أقول أبيض وجه ياكحيلان على النقل والله يوفقك

وصح لسان الشاعر وأن شاء الله يفيدونك الربع بقائل القصيده

السعيدان أختيار موفق ونرغب فالجديد

لك كل الود والتقدير والاحترام

أخوك / أبوعساف

رد : قصيدة أعجبتني ، غايه في الروعه والجمال معني وصياغة
 

اذا المراجل لبسة شماغ وعقال . . قل للعذارى يلبسن العمايم . .
بيض الله وجهك يالسعيدان . . وصح لسان قايلها . .
مطلع في غاية الروعة .. . مشكور . .

رد : قصيدة أعجبتني ، غايه في الروعه والجمال معني وصياغة
 

.


الأخ السعيدان ..



ياهلا وغلا ..



مشكور ولاهنت على الإختيار والنقل ..



وصح لسان الشاعر ...



دام تواصلك ودمت بخير ..

رد : قصيدة أعجبتني ، غايه في الروعه والجمال معني وصياغة
 

أشكر الجميع على مرورهم العطر

وأعتذر للتأخر عن الشبكة لمدة 15 يوم ماتتخيلون كبر فرقا النشاما شرواكم

رد : قصيدة أعجبتني ، غايه في الروعه والجمال معني وصياغة
 

لاهنت وبيض الله وجهك يالسعيدان


قصيده جزله من رجال جزل


واعتقد اعتقاد فقط ان القصيده لابن سرار الشهراني

يمكن اجابتي تكون وممكن غلط

رد : قصيدة أعجبتني ، غايه في الروعه والجمال معني وصياغة
 

صح لسانه وصح اختيارك