شبكة قحطان - مجالس قحطان - منتديات قحطان - نفحات في رثاء الأسطوره أبو عبيد

تنعى شبكة قحطان الشاعر الأسطوره سعد بن محمد بن جليد من قبيلة الفهر عبيده قحطان

وشبكة قحطان يسرها ان توثق في عزاء هذا الشاعر الاسطوره نفحات من حياته التي مرت بعدة محطات

ولاشك ان المتعمق في شخصية الفقيد الراحل يدرك ان ابو عبيد يمتلك عقليه خارقه

فهو مبدع وكما هو حال المبدعين الافذاذ فأن حياته مرت بعدة محاط تحمل في اطارها العام الشموخ والعزه والتفاخر بالذات

وفي زواياها وخفاياها الالم والمعاناه

يقول في هذه القصيده بتاريخ 5\5\1405

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
ياعبيد أنا جربت وأقديت وأخطيت= ومشيت فوق الشوك بالرجل حافي
وكم ليلة ضيعت والصبح دليت = ايام كان النور بالدرب طافي
وكم ليلة في حفرة الموت طبيت = و حمدت ربي يوم صارت عوافي
وكم مرة فيها على الطيب أخطيت = وافلست من خوة رفيق سنافي
وسافرت لديار ٍ بعيدة ورديت = وعجزت لا حدد نهاية مطافي
وكم ليلة ٍ مع هايف القد سجيت = أبو جديل ٍ فوق المتان ضافي
وسامرت عشاق الغرام وتهنيت = وما زلت لعهود المحبين وافي
ولاشف منهو مقفي عنه قفيت = أقفي عن المقفي ولاني بهافي
لاصد عني واحد ٍ عنه صديت = وراع الجفى مني جزاه التجافي
ويبوك انا جربت واقديت واخطيت = ومشيت فوق الشوك بالرجل حافي[/poem]

وتعلمون ان الشاعر ابو عبيد رحمه الله شاعر فنان مرهف يجيد الابداع الشعري و الوصف وهو يقول في هذه القصيدة

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
أمس والبارحة واليوم واربع ليالي = يا الله العفو عيني تسهر الليل كله
لا صديق ٍ صدوق ولا رفيق ٍ موالي = صار كل ٍ عدو يفرح الى جات زله
بس باقي رجاي بصفح رب الجلالي = واحد ٍ ما معي ملج ٍ سوى تحت ظله
طالبك يارفيع ٍ في السماوات عالي = رب طالب لا ترضى علي المذلة
خالقي نجني من غدر سود الليالي = والزمن لا جرد سيفه وجاني يسله
وإجمع الشمل باللي لبس تاج الجمالي = عنز ريم ٍ تقود الصيد دقه وجله
عنز ريم ٍ عقب فرقاه يا ما جراي = عايش في قلق لو مرقدي صرت امله
عقب فرقاه وسط الكون كني لحالي = ما أكثر الناس حولي بس ما أشوف لله
عقبها منفرد والضيم والحزن فالي = وثقل حملي على الاكاف وأزريت اشله
وعقبها الوقت يلعب بي يمين وشماي = وأشهد أنه عسر قلب المشقى وتله
ياعديم الوصف ويا حسين الدلالي = دوك روحي من اللي صابها مسفهله[/poem]

ولشاعر رحمه الله وقفه مع الوطن وحب الوطن

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
يا مرحبا يا سعد ري اقلوبنا = حييت في عودتك يا محبوبنا
وأن كان كلمة مرحبا ما كملت = نكمل عبارة مرحبا بكبودنا
يامرحباً بك يا ولد عبدالعزيز = يا من براية للصواب يقودنا
يا نسل من بالسيف خلاها تلين = = أبوك فضلة في رقاب إجدودنا
من بعد ما كنت حروب وقل دين = وقوينا يا كل لحم مضهودنا
وجانا وخلاً الذيب يسرح بالقطيع =ونبت اللحمبعاظامنا ونودنا
وحدد جزيرتنا بدون مهندسين =حتى تبين قسمنا وحدودنا
واخوك يا مولاي زيزوم الحمول = لولاة وش ظباطنا وجنودنا
عبدالله اللي بالحرس طور رجال = ولا شا نقص من واة إيزودنا
وسلطان من تخشاه شجعان العداة = من هيبته صدام عجز يرودنا
ولمان سعد الي تولاه الزمان = يا وسع حلمة لا نصح مقرودنا
يعرف مطالبنا ويرفا عيبنا = ومن قبل لا ننطق عرف مورودنا
والله ثم والله ما فيكم قصور = يا عزنا يا منتهى مقصودنا
وتبقون ذخر للوطن يا أشيوخنا = ويخوننا الله لو نخون أعهودنا[/poem]

عاش رحمه الله عنفوان شبابه في الثمانيات الميلادي حيث تزوج وخلف في تلك الفتره وحمل قلبه عشق دفين حيث يقول الشاعر في هذه القصيدة

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
يا عبيد يوم أكثر هل الحي غافي = نوم الملا جافى العيون المشقاه
قالو عوافي قلت وين العوافي = يا كبر جرح بين الضلاع كبراه
جرح خطير بين الضلاع خافي = تسممت منه الضلوع المحناه
وين أنت يا خطوى الرفيق السنافي= اللي الا عمست الشاوير ننصاه
اللي الا بارو لصاحيب وافي = ولاجاء لزومه في المواجيب نلقاه
يفرح اذا جيته من البعد لافي = شهم وكريم وتفعل الطيب يمناه
لولاه ماسخرت عسر القوافي= ولانيب من يبدي على الناس بلواه
يابن رزن يا سعد هجن عجافي = افزع لمحزون نقل داه برداه
شفت سبتي راعي الثمان الرهافي = ريم الفلا اللي نازح يم مرباه
أبو جديل فوق المتان ظافي = عزي لعيني بعد فرقاه عزاه
أعدج غنج والوسط ياسعود هافي = وفي وصفها يا سعود وصف الخونداه
يا سعود رح له يم دار الرصافي = واشرح له اللي صابني بعد فرقاه
يا سعود قل كم ذا الجفى والتجافي = وعطه الكتاب اللي معك لين يقراه
عساه لا من شاف بعض القوافي = يلين قلب ٍ قبل يا سعود مقساه
وأن شفت دمعه سال يا سعود كافي = دمعه يترجم كل خافي نواياه
احبها يا سعود حب ٍ خرافي = حب ٍ يعادل حب قيس ٍ لليلاه
البيت من بعده من النور طافي = ولغم الحسد يا سعود صابه ولا اخطاه
ابديت لك يا سعود كل أعترافي = ولا نيب من يبدي على الاش شكواه
الاش لا شفته تركته اخلافي = وش لي بقرب الاش لا رحمم مجناه
والخاتمة يا سعود حدد مطافي = الحر يفهم والمعاني مسواه[/poem]

وكما هي ظروف الحياه مر الشاعر ابو عبيد رحمه الله بعدد من محطات تحمل في أغلب ايامها احلام ومعاناه دفينه وبحث عن الذات حيث يقول

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
يا عبيد لا تسال عن اسباب بلواي = اخاف لا يلحقك منها مضره
ان كان لك ممشاً غدا مثل ممشاي = فعزي لعينك من طريق تمره
ياعبيد يا صبري على جور دنياي = عساك منها ما تشوف المضره
هذا زمان ٍ فيه كم تاهت ارياي = يعطيك من خيره ويكفيك شره
خان الرفيق اللي عرف سر مخباي = ربع الرخاء يا عبيد وقت المسره
تعبت قدم رجلي وانا رايح ٍ حاي = أسير وابحث عن طريق المسره
واليوم يا مشكاي يا كفو رجواي= خطر ٍ علي جيبي من الغيط أطراه
شف سيرتي يركض بها كل حكاي =خبل ٍ وجيبه فاغر ما يزره
حاول تساعدني على شرح دعاوي = لصاحب إلي لا لقاني تشره
فان كان نفعك ما حصلي بدنياي =في الآخره كل ٍ ذنوبه تجره
واليوم لا تسأل عن أسباب بلواي =أخاف لا يلحقك منها مضره[/poem]

والأن الجرح دفين ومتأصل يبحر الشاعر في عالم الحرمان حيث يقول رحمه الله

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
ياعبيد لاتبكي تراالامر من فوق= والي من الله مامعي فيه حيله
أصبر ولو ثوبك من الكتف مشقوق= وش عاد لو ما تحت ثوبك فنيله
الخالق الله وانت ياعبيد مخلوق= والرزق عند اللي ينشي المخيله
متمسك بك وانت ياعبيد موثوق= يوم انت تالي عزوتي بالقبيله
ياعبيد خلك لي وانا ابوك صندوق= ولاثقل حمل الوقت عني تشيله
وابعد عن اللي يتهم الجار بالبوق= وخلك بعيدٍ عن دروب الرذيله
ولمثال قالت كل مطرود ملحوق= والكون واسع والليالي طويله
ومن يعمل المعروف يلقاه مطبوق= ومن يزرع العنبر يفوز بحصيله
لابد ماتنور لياليك بشروق = وماهي عليك ولا علي مستحيله
ولا من فرجها الله نبي ننزل السوق = ونشري من الغالي ثياب جميله
ونشري لك السيكل مثل حق مرزوق= وياتيك مرزوق الحمد ماتجيله
مش الدموع اللي تحدر على الموق= الرجل لامن سال دمعه يزيله
واليوم لاتبكي ترا الامر من فوق= واللي من الله ما معي فيه حيله[/poem]

ولاشك ان الشاعر رحمه الله له من المحطات الابداعيه الشيء الكثير

فهو يقول في احد قصائده

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
ليتك تجاملني ولو في السنة يوم = علا كثر ما جاملك من سنيني
يداله عني وأنا فيك ملزوم = يوم أنت من بد الخلايق ضنيني
صحيح ما يجري عل العبد مقسوم= وانا رضيت بكل شيء يجيني
وأنا بر جوا الى خلق كل معدوم= واحد صمد ماله بخلقه عويني
إلى خلق شمس وقمر وأرض وانجوم= ويكتب نصيب العبد عاده جنيني
يفرج لعين ما أهتنت لذه النوم= ويرفع عذاب اللي بليله حزيني
لولاي أخفاف الله وأخشا من اللوم= لشع أثياب الستر وأرفع ونيني
أجاذب الونات وأططيح وأقوم= ومن بعد ماني حركني سجيني
علا عشير صرت أنا منه محروم= فوق الف كيلو حال بينه وبيني
الله يجمع شملنا دايم الدوم= يا زين شوفت وجه موضي الجبيني
والخاتمة ليتك تجامل ولو يوم= علا كثر ما أجاملك من سنيني[/poem]

ولم يغب عن هذا الشاعر رحمه الله هم ومعانة الشارع وهمومه فهو في احد القصائد الاجتماعيه يخاطب احد الوزراء بقصيدة
تحاكي وتناجي معاناه اجتماعيه في شكل قصيدة حيث يقول

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
يا وزير الطب أهلاً يأسامه = قالها مختل هل تسمع كلامه
شاعر فيه اضطراب في سلوكه = جا لهذا الصرح يبغى الاستقامه
أسالك يا قائد الطب سؤلاً = فأجبني زادك الباري كرامه
هل علاج الدين في الطب حقيقه = هل به يشفى السقيم من سقامه
يا علاجاً بالعمل أثبت وجوده = هل علاج الدين سيبلغ مرامه
إنه القرآن يابن الشبكشي = فيه هدي وشفاء وسلامه
إنيي يا سيدي عندك رعايا = سوف تسال عننا يوم القيامه[/poem]

ويبقى الشاعر أبو عبيد رحمه الله ورقت التوت التي سقطت في نهر من الحرمان

وتغرق الاجفان حينما تتذكر معاناة هذا الشاعر مع الحرمان والابداع لما لا وهو يقول في أحد قصائده

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
قالو سعيد قلت ما من سعاده = اسمي سعد بس السعد مني بعيد
قالو ذكي قلت الذكا والبلاده = وهبه من الرحمن من دون تحديد
قالوا قصيدك فيه قوه وإشاده = قلت العفو يا كثركم يالقوا صيد
قالو شجيع وقلت صدق الافاده = أنا جبان وضاق في رجلي القيد
اذل حتى من ظل الجراده = والذل ما نجا الحباري من الصيد[/poem]

وبعد ايه الاخوه الاعضاء والزوار ونحن نسطر هذه المعاناه والتعزيه في الشاعر أبو عبيد

نود أن نشيرأن هذا الشاعر الأسطوره على درج من الذكاء الفطري والابداع

يتصف بقدره عجيبه في فن التعامل اللحظي وسرعه البديهه وهو شاعر مفوه وفصيح البيان

يطرق جميع مناهل المعرفة يقول في هذه القصيده

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
سر ياقلم واكتب حروف وجوابها= ومعني يطرب لها من قرابها
وعبر عن اللي في الحشا لاتكنه= وابد السراير كل نفسٍ ومابها
نفسي اذا طاوعتها ماملكتها= وان هنتها زادت وزاد البلا بها[/poem]

.........

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=1 line=0 align=center use=ex num="0,black"]
وش حيلتك لامن غزتك المنايا= وش موقفك لاجات تدفع ركابها
واللي قريب جاك بالصدر عبرته= واصبحت عاري والبشر في ثيابها
ولدت عاري ولبسوك الحراير= واليوم شالوها وكلٍ رمابها
ومن بعد مشيك يحملونك على النعش= ونفسك لرب الكون تم انتدابها
وحطوك في قبر من القاع مظلم= وهلو عليك من الحفيره ترابها[/poem]

.........

[poem=font="Simplified Arabic,4,black,bold,normal" bkcolor="transparent" bkimage="backgrounds/1.gif" border="double,medium,gray" type=2 line=0 align=center use=ex num="0,black"]
انا برجوا عفوك اطمع برحمتك= ياسامع دعوا الملا وستجابها[/poem]

أسأله تعالى بأسمائه الحسنى التي وصف بها نفسه ان يرحمه رحمة واسعه وان يشمله برحمته فهو ارحم الراحمين

اللهم ارفع منزلته وتب عليه وغفرله خطاياه فأنه عندك برك مطاياه

اللهم ارحمه رحمة واسعه ورفع منزلته في عليين مع الشهداء والصالحين

انا لله وانا اليه راجعون