شبكة قحطان - مجالس قحطان - منتديات قحطان - ملك القلــــــــــــــــوب في الجنــــــــــــــوب

- مـجـلـس الـشـعـر الـنـبـطـي (https://www.qahtaan.com/vb/forumdisplay.php?f=17)

ملك القلــــــــــــــــوب في الجنــــــــــــــوب

هذه القصيدة بمناسبة زيارة الملك/عبدالله بن عبدالعزيز ال سعود لمنطقة عسير..أمل أن تحوز على رضاكم والعذر أذا هناك أخطاء أملائيه لئن وقتي محدود وقد أخرت القصيدة أكثر من اللازم
صلوا على النبي
[poem=font="Simplified Arabic,6,darkred,bold,italic" bkcolor="transparent" bkimage="" border="groove,medium,white" type=2 line=1 align=center use=sp num="0,black"]
ذكرنا العظيم وذكر رب البشر معهود=على قلب من يسجد لربه ويركع له
له الحمد سبحانه عظيم الرجاء والجود=لاضاقت علينا بالكفوف انتضرع له
سلامي سلام نسكبه مثل دهن العود=كأن الخشوم لطيب نفحه تشرع له
سلامي على بحر العطاء نصرت المضهود=سليل الملوك وبيرق العز يرفع له
ياطير السعد ياللي تغازل هبوب النود=عليك الغناء والشعر مني تسمع له
ولا كل شعر نكتبه ياصل المقصود=ولا كل شاعر يكتب الشعر يسمع له
ولايدخل التاريخ شاعر بلا ال سعود=قصايد تقال بغيرهم دوم مفتعله
هلا وارحب ارحب مرحبا ياسليل العود=ولد من بناء مجد البلاد وتربع له
ولد من سرى في الليل والمسلمين رقود=على ظهر قباء بول الخيل تربع له
يقول أبشري يانجد لاحلق البارود=بسيف حدب خلا الرقاب اتصرع له
دخل نجد قبل النور يكسي سمار العود=ولاهاب وسيوف الأعادي تلامع له
ياموت على عز وشرف والعباد شهود=يانصر يخلي بارد الحيل يفزع له
رفع راية التوحيد والمسلمين حشود=من البحر لين البحر كل يوقع له
أمام عدل والعدل باب الرضى المنشود=بناء المجد واطراف الجزيرة توسع له
وخلف حرار تنحت المجد باالجلمود=حرار تسوق الخير شعله وراء شعله
فهد قبله الخالد وفيصل ذراء وسعود=سادات العرب والضد ماهي تطبع له
وهالحين في ظل السعد والعهود عهود=هلا به وحنا في اللزوم انتدافع له
هلابه عدد وبل سراء يقتفيه ارعود=شلع بارقه كن السحاب ايتمزع له
هلا ياملكنا غيثنا اللي يزود يزود=كبير المقام اللي عياله تطلع له
هلا بأسم أبوا بندر وفيصل هل المجهود=وباسم كل شيخ يكسب المدح من فعله
يرحب بك الشايب يرحب بك المولود=ترحب عسير ومثل شرواك تطمع له
لعيناك حنا كلنا لك حرس وجنود=ولا فيه غير يابوا متعب نبايع له
لئنك ملك عادل لئنك ملك محسود=على حب شعب بتواضع تواضع له
لك الله وأمان الله وعهد بدون قيود=ياحب الجنوبي لك ماتقدر توقع له
يافرخ الحرار الشقر يابوا العيون السود=تعال أستمع والصدق مني تتبع له
هذا اللي تعبنا مالقينا وراه اصدود=هذا اللي عرف جرح الفقير وتوجع له
هذا اللي وقف مع الشهيد ومع المفقود=وواسى اليتيم ودمعة العين تدمع له
هذا اللي قضى دين المساجين دون ابنود=هذا اللي عفى واصلح عسى الخير يشفع له
هذا اللي عفى القذافي الجاحد النمرود=عسى بوش وبلير ومعمر فدى نعله
هذا اللي وقف مع شعب لبنان مع لحود=وحذر كلاب الغرب من نار مشتعله
هذا اللي يمد القدس والعالمين اشهود=ولاهي غريبه والجمايل تسارع له
وسلطان عضده دوم بقلوبنا موجود=جزيل العطايا كرسي الجود يخضع له
الا مرحبا به عد مايغلي الكنبود=وعدد بارق غرّ السحاب يتتابع له
يابوا خالد أبحور الوطن من ثلاث احدود=يعيش الوطن مادمت يابحر رابع له
لعيناك بعيون العداء نسحق البارود=وأمرك ليا ناديت بصوت نسمع له
بكتنا الحريم أما وقفنا نهار الكود=نسوق الرقاب ومجد الأجداد نرجع له
تحت ظل أبوا متعب نخلي الحيام ورود=يشوف العدوا موت حمر ما تصنع له
سلامي عليكم ياهل المجد يا ال سعود=لئن كل واحد منكم القلب مرتع له[/poem]
وسلامة الجميع