احدى روائع الشاعر الكبير/فيصل الرياحي رحمه الله
 

بسم الله الرحمن الرحيم


أنا أدعوك ياعالم بغيب الليال السود=
قريبٍ مجيب ليا تكلمت توحيني
تغفر الذنوب اللي لها فالكتاب شهود=
ياربي لما بريتني من يبريني
أنا عبدك المحتاج وأنت الله المعبود=
وفيك الرجاء ياخالق أدم من الطيني
ألا يالله أبعدني عن الشك والمنقود=
وستّر عيوبي يوم نصب الموازيني
لاصارت عظامي هيكلٍ في لحد ملحود=
من اللي بيذكرني ليا صرت ناسيني
تفكرت بالدنيا ليا ماوراها فود=
وأهلها عليها رغم هذا حريصيني
يلمونها بالكم ويدورون الزود=
ولو يملكون الكون ماهم براضيني
لقيت القناعه فالبشر كنزها مفقود=
فقيرين فقر إنفوس لو هم غنييني
يثور الطمع فيهم كما ثورة البارود=
ويمسون خلاّن وصباح متعاديني
سمك في بحر مامنه ناشد ولامنشود=
ظلام الطمع حالك وهم فيه ساريني

رد : احدى روائع الشاعر الكبير/فيصل الرياحي رحمه الله
 

لاهنت يابو عبيان على النقل

والله يرحم الشاعر فيصل الرياحي

ننتظر جديدك

تحياتي

رد : احدى روائع الشاعر الكبير/فيصل الرياحي رحمه الله
 

اررررررحب يابو عساف

ومن قال مايهون بيض الله وجهك

المرور الرائع

رد : احدى روائع الشاعر الكبير/فيصل الرياحي رحمه الله
 

لاهنت يابو عبيان على النقل

والله يرحم الشاعر فيصل الرياحي

رد : احدى روائع الشاعر الكبير/فيصل الرياحي رحمه الله
 

اررررررررررررررحب يابو ممدوح

الف الف الف شكر على المرور الرائع