شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس عذب الكلام (https://www.qahtaan.com/vb/forumdisplay.php?f=16)
-   -   قصايد لشاعر رشيد الزلامي (https://www.qahtaan.com/vb/showthread.php?t=53411)

ابو حمد الجروي 21-07-2009 11:01 PM

قصايد لشاعر رشيد الزلامي
 
السلام عليكم ورحمة الله وبركاته

هذي عدت قصايد لشاعر الكبير والحكيم رشيد الزلامي واتمنى انها تعجبكم

في احدى الصحف شخص يسأل عن الزلامي وعن قصة حياته ووصل العلم لرشيد الزلامي ورد عليها الزلامي

يقول


ياسائلاً تسأل ترى الصوت مسموع
وما نشر بالصفحـه قريتـه بذاتـي
سويت لي مشروع من غير مشروع
والزمتنـي بالـرد دون شهـواتـي
اكيد عندك يا فتى الجـود موضـوع
والا مسوي بـك زمانـك سواتـي
مسقيك من علقات الايـام قرطـوع
وتسمع صراعي فيـه ومغامراتـي
فان كان هذا الامر بالشكل والنـوع
خـل الامـر لمكـون الكاينـاتـي
ساير زمانك كان لك قلب وضلـوع
وارج الفـرج بايامـك المقبلاتـي
وان كان ما طاعتك خلك لها طـوع
ما انته بضاربهـا برمـح الزناتـي
اما سوالـك مـا جوابـه بممنـوع
ولو للحيـاه اسرارهـا الخافياتـي
اجاوبك لو ما معي منـك منفـوع
تحب تعرف كيـف قصـة حياتـي
حياة ذيباً عايـش الفقـر والجـوع
ليلـه يبـات وليلـة مـا يبـاتـي
اعيش عيشة ذيب والراس مرفـوع
وان قلّ مالي عـزّ نفسـي غناتـي





((وهذي ابيات من قصيده ثانيه))


وقت(ن) يخلي صاحي الفكـر يحتـار
ويشوف من هول الدهـر مايروعـه
تلقى الفقير وفزعتـه خمسـة انفـار
وتلقى الغني كـل الجماعـه فزوعـه
ياعاشق الدنيـا تـرى مالهـا جـار
كما واحد(ن) في حبها طـار شوعـه
اليوم تضحـك لـه وتعطيـه الانـذار
وبكـره تلحويهـا محانـي ضلوعـه
خلك علـى صكـات الايـام صبـار
ويوم(ن) يفوتـك لاتمنـى رجوعـه
اقفى على مافيه من خيـر واشـرار
نجم(ن) هوى مايندرى عـن طلوعـه
وماهي على كيفـك تمنـى وتختـار
ابعد على المخلوق من حـب كوعـه
يخبرك من ذاق المتاعـب والامـرار
وحـاول ولاجالـه زمانـه بطوعـه
ومرت به الدنيا على بعـض الاقطـار
في رحلة(ن) ماغيرت مـن طبوعـه
والله ماواطن عيشـة الـذل والعـار
مادام لـي شيمـه ونفـس قنوعـه
وقرش(ن) عزيز افضل من الفين دينار
من مصدر(ن) للذل يعلـن خضوعـه
ولو الوساده من صلافيـح الاحجـار
للراس اخير من التـرف والميوعـه





(((وهذي قصيده كامله)))


قالـوا تعلمـت قلـت عنادوفراسـه
أعانـد النفـس والدنياواصارعـهـا
ودرست في مدرسـة شيبـت راسـه
دنيا العنا اللـي قصيفـات مطامعهـا
تلميذهـا دايـم تكتـب بقرطـاسـه
وتعطيـه يمنـة دروس مايضيعـهـا
والله عطانا نظـر وشعـور حساسـه
ناخذ علوم المعرفه مـن مراجعهـا.
ونساير الوقـت ونقيسـه بمقياسـه
ونواجه النفـس بالواقـع ونقنعهـا.
وترى حياة الفتي مهما قـوى باسـه
محفوفة بالخطـر والمـوت تابعهـا.
من مبتدأ العمر حتى يلفـظ انفاسـه
يمر فـي مرحلـة تكثـر زوابعهـا.
أول حياة الفتـى مشـوار وعساسـه
مسافة في عجـاج العمـر يقطعهـا.
وثاني حياة الفتـى تدريـب ودراسـه
تصعب ظروف الحياة وينشغل معهـا.
وثالث حياة الفتى يرجع على ساسـه
النقطـه اللـي بـدأ منهـا يراجعهـا
يرجع لسن الهرم ويضيـع الطاسـه
ويزحف مع الأرض ويخطط شوارعها.
واليا تلاقت متونـه وارتخـى راسـه
ضاعت جميع العلوم اللـي جمعهـا.




وسلامتكم

ابراهيم آل بي حبيب الرفيدي 22-07-2009 11:24 PM

رد : قصايد لشاعر رشيد الزلامي
 
سلمت يا ابو حمد


وصح لسان شاعرنا الكبير


الزلامي

ابو حمد الجروي 27-07-2009 04:33 AM

رد : قصايد لشاعر رشيد الزلامي
 
ابراهيم لاهنت على مرورك العذب بس وانا اخوووك بس انت الي رديت تووقعت يردوون غيرك كثير بس مشكوور تمنيت يكوون فيه ردوووود كثير بس غيرها بغيرها وانا اخووك

علي بن دومان 15-08-2009 09:28 AM

رد : قصايد لشاعر رشيد الزلامي
 


صح الله السان الشاعر والعلم / رشيد الزلامي وبيض الله وجهك على النقل وتقبل مروري

علي بن مسفرالحبابي 15-08-2009 10:40 AM

رد : قصايد لشاعر رشيد الزلامي
 
ياسلام عليك يالجروي والاختيار الرائع

قصيد الزلامي كل بيت يعتبر حكمه


لاهنت لاهنت

عايض الفهري ابوبندر 25-08-2009 05:46 PM

رد : قصايد لشاعر رشيد الزلامي
 
لاهنت يعطيك العافيه





تحياتي


الساعة الآن 11:53 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com