قصيده مهداه الى الشيخ/علي بن سعد آل فردان
 

بسم الله الرحمن الرحيم
قصيده مهداه الى الشيخ / علي بن سعد بن فردان بمناسبة سلامته عندما حصل عليه الحادث ونقول له الحمد لله على سلامته ومن معه
ــــــــــــــــــــــــــــــــــــــــــــــــــ ــــ
[poem=font="Simplified Arabic,5,black,bold,normal" bkcolor="black" bkimage="backgrounds/6.gif" border="double,4,blue" type=0 line=1 align=center use=ex num="0,black"]
يا الله يا الـمـطـلوب يا عــالـم الغـيـب = يــا واحـــدٍ يعــلم خــفايـــا المســــايل
يا سـامع الدعـوات ندعـوك وتجـــيب = اغـفـر لنـا يـا رب يــوم الـهـــــــوايل
من بعـــدها يا هـاجـسي باللأسالـــيب = عـطـني بيــوتٍ وافـــيـات المـثــــايل
ابـيوت شـــعـرٍ ما لـحـقـها عـــذاريب = وخـتـار مـعـناهـا سـمان وجــــــزايل
ســـلامٍ احــلا مـن لـبن شـمّـخ الـنـيب = دار الـبـكـار مـتـعّــبـة كــــل جــــايل
سـلا مي تـسـلـيـمـة وفــا كـلـها طـيب = اعـــداد ما هـلـت مـــزون المــــخايل
تـسليـمةٍ زادت عـلى الـقـول تــهـذيب = تـنـقـل مـشـاعــر صــادقاتٍ صـمايل
أسوأ خبر حادث حصل لك على الجيب = عــلـمٍ لـفـانـي مـثل حــد الـســـــــلايل
أسـتـأت مـنه وعـذب الـنـفـس تـعـذيب = فـزيـت فــزه واعـتـزي بـالأصـــــايل
والـحـمـد لله عـالـسـلامـه علـى الطيب = راســك ســـلـيـم ومـوتــرك لـه بـدايل
امـجـار يا شيخ الوفا إمـن الـمـتاعيب = امـجـار ثــم امـجــار والــــباس زايل
يا الله عسـاك العافيه جــرحك ايطيب = ويشـفـيك مـن كل المـرض والعـلايل
هـــذا مــقـــدّر دون شـــكٍ ولا ريـب = وهـذا الـزمن ما بيـن عــدلٍ ومــــايل
ما كـتـب للـمخـلـوق لا بــدّه إيـصيب = إيـجـيه مـكـتـوبه ولا عـــنـه حـــــايل
هـذي مـقـاديــرٍ وهـــــذي مــــكاتيب = والـحـمـد للـرحـمـن مـابــه عـــــذايل
دنـيـا الـبنـادم بـيـن بــرد ولــواهـــيب = ماهـي تجي بالشّف واحـلا الوســــايل
مـن شـاف بـقـعـا راسـه يـلوح بالشيب = عـاقـت بـشـر والبعـض قـبـره تـهــايل
سـلامتـك ما تـشـرق الشمس وتــغيب = يا راعـي الـوقـفـات بـين الــــــــقبايل
لك سـمعـةٍ تـرقا بـروس الـــمراقـيب = سـمعـة وفــا بالـــعـز والــــشـك زايل
بالـطيب والـنوماس عـند الأجـــانيب = فـخـــرٍ لــنا يا شـيخ عــنـد الـحــمايل
آنـشـهـد إنـك شـيـخ وذيـبٍ ولـد ذيب = مـن صــلب شـيـخٍ للــوفـا والجــمايل
لك كـلمـةٍ بالـعـز حـكـمه وتــــرتيب = كـلـمة شـرف لا قــــالوا الــناس قــايل
وليا حضرت الصف وقت المطاليب = نلـت الطـلب يا شـيخ وللـصلح نــــايل
حـلاّل عسرات الحجج والمصاعيب = حـكـيم حـلـحـيلٍ ووافــي خـــــصـايل
يا كـم وكـم حـلـيت عـسـر المناشيب = واصـلـحـت ما بين الـقلوب الـغــلايل
ويا كم وكم تكسـب بوجهك مكاسيب = تكـسب جـمـيل اهـل الوفا والــشـكايل
شـهـمٍ عـلـومـك وافـيـه بالـتـجــاريب = يا راعـي الـفـزعـه وللــحـمـل شــايل
قـرمٍ شـجـيعٍ يا عـطيب الـمضاريب = وقـت اللـقا معـروف صادق فـــــعايل
راعي كـرم وقـت الليالي المشاهيب = كـــريـم سبـلا للـنـوامــيس طـــــــايل
والمـعـذره يا هـل الـوفا والمواجيب = إلـيا حـصل في القول نـقــص وزلايل
وصـلاة ربـي عـد نبت الـمـشاريب = على النبي جـاب الهـــدى والـفــضايل[/poem]

الشاعر / علي بن سلمان آل مجـرّي القحطاني

علي بن سلمان

السلام عليكم

قصيدة تشكر عليها
وابن فردان يستحق اكثر من ذلك
ونحمد الله على سلامته

لاهنت
وبيض الله وجهك

صح لسانك
 

صح لسااانك يا علي ..

وانشهد ان الشيخ علي بن فردان ( البدوي ) كفو ..

انعم واكرم بك وبه ..

والحمد لله على سلامته ..

لك التحايا ..

اخوك سعد

الحمد لله على سلامة الشيخ/ علي بن سعد بن فردان وعائلته وحقيقة اسوء خبر سمعة به

ولكن عسى الله يشفي ابو سعد ويعطيه العافيه بصراحة انه رجل كفو ومحبوب لدى الجميع

صح السان الشاعر وبيض الله وجهك
وحفظ الله الشيخ من كل مكروه
وال فردان اهل الطيب والكرم ومحبتهم في قلوب الجميع شايب وشاب

صح لسانك وبيض الله وجهك يا علي بن مجري
والحمد لله على سلامة ابو سعد
وآل فردان جماعتنا وربعنا ورفاقتنا والنعم فيهم جميع

تحياتي

السلام عليكم ورحمة الله وبركاته

حسين بن على آل حمدان

ناصر فردان القحطاني

سعد الحمدان

أبو صقر

بو الغلا

حبيب الوالدين

الله لا يهينكم جميع على المرور

وصحة ابدانكم

صح لسانك
والحمد لله على سلامة الشيخ علي
انشهد انه كفو

صح لسانك


واافي وفي من يستاهلها


تحيااتي


عبدالله المهداني