شبكة قحطان - مجالس قحطان - منتديات قحطان

شبكة قحطان - مجالس قحطان - منتديات قحطان (https://www.qahtaan.com/vb/index.php)
-   مجلس مناسبات قحطان (https://www.qahtaan.com/vb/forumdisplay.php?f=26)
-   -   حفل قبيلة آل عاطف في مركز عنان (https://www.qahtaan.com/vb/showthread.php?t=17758)

محمد القويفل 02-11-2006 04:00 PM

حفل قبيلة آل عاطف في مركز عنان
 
أحتفال قبيلة ال عاطف بمركز عنان في الرين


أقام الشيخ عشق بن سعيدان وقبيلة آل عاطف بمناسبة عيد الفطر أحتفال يعد الأول من نوعه في المنطقة ، حيث جرت
الأستعدادات والتجهيزات للأحتفال منذو فتره قبل حلول العيد ، وحضر هذه المناسبه لفيف من وجوه المجتمع
وجمع غفير من أهالي المنطقة والبلدات المجاورة و يصف الحاضرون أن هذا التجمع كان بشكل ملفت وتضمن الأحتفال
على فقرات متعددة بدأت بالقرآن الكريم

القرآن الكريم خير بداية

مقدم الحفل النقيب ناصر بن دحيم بن سعيدان

ومن ثم أبتدى مهرجان الأحتفال بكلمه للشيخ عشق بن سعيدان القاها نيابه عنه رئيس مركز عنان الشيخ دحيم بن ناصر بن سعيدان حيث قال في الكلمة :

الشيخ دحيم بن ناصر رئيس المركز يلقي كلمه الشيخ عشق بن سعيدان

بسم الله الرحمن الرحيم
والصلاة والسلام على اشرف الانبياء والمرسلين

ضيوفنا الكرام
نيابة عن قبيلة ال عاطف نرحب بكم اجمل ترحيب ونهنئكم بالعيد السعيد أعاده الله على الجميع بالمسرات ونشكركم لحظوركم حفلنا هذا .
ومن هذا المنطلق نيابة عن قبيلة آل عاطف نرفع ىيات التهاني والتبريك بحلول عيد الفطر المبارك لمقام خادم الحرمين الشريفين الملك عبدالله بن عبدالعزيز حفظه الله والى مقام سمو سيدي ولي العهد الامين الامير سلطان بن عبدالعزيز حفظه الله . والى مقام سيدي وزير الداخلية الامير نايف بن عبدالعزيز , والى سمو نائبه الامير أحمد بن عبدالعزيز حفظه الله والى سمو سسيدي أمير منطقة الرياض الامير سلمان بن عبدالعزيز حفظه الله والى سمو نائبه الامير سطام بن عبدالعزيز حفظه الله . والى الاسرة المالكة الكريمة والشعب السعودي النبيل . أعادة الله على الجميع بالخير والمسرات وكل عام وانتم بخير

والسلام عليكم ورحمه الله وبركاته


ومن ثم توالت القصائد الشعرية حيث القي في هذه المناسبة ثلاثة عشر عدد من القصائد التي تفاعل معها الجمهور أخذت لكم هذه القصيدتين

الاولى للشاعر مسلط بن سعيدان



[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
ياهجسي حضر من الشعر بيتين = نفذلي امري غصب ولا ميانه
تراك تعرفني على العسر واللين = اعسفك عسف الخيل بالخيزرانه
منداش مدري نبدي الخطوه منين = قلت ابدي بذكر الولي جل شانه
بسم الله الرحمن والعيد عيدين = عيد الفطر والعيد الاخر وزانه
عيد اجتماع الربع زين على زين = هذا لحاله عيد صدّر بيانه
جمع القبيله يبهج القلب والعين = وترا لهم عند ال ناصر مكانه
والي ما يرضا جمعنا فيه ثنتين = اما رخامة راس والا لعنه
وانا بغني وابدع الشعر ذلحين = هذا مكان الشعر وحان آوانه
عند الامير الشيخ طلق الحجاجين = عشق يصون الطيب والطيب صانه
شيخ القبيلة لانعا ناعي البين = قصر مشيد ما يز عزع كيانه
لامن بدا المارود من بين صفين = وقت المواقف ما تلعثم لسانه
الله يطول عمره سنين وسنين = باسمه واسم ربعه ومجمل اخوانه
وباسم ال عاطف محتمين الميادين = العاطفي مكان اميره مكانه
يامرحبا يالي على الدار عانين = ترحيبة ٍ جزله عليها حصانه
ان كانها تعداد عشرة ملايين = وان كانها بالحفظ مثل الامانه
حنا هل الوقفه وحنا السلاطين = نركد الجني ونطفي جنانه
ولاهمنا اللي يلفلف يسار ويمين = مادهور الخوان غير الخيانه
ناقف مع النايد من الناس الاقصين = نوقف معه ونهين من جا وهانه
وان جات من الاقصين في الربع الادنين = نكتف العايل ونعقر حصانه
ربعي بني عاطف على الزين والشين = هم محزمي لا غر خصمي زمانه
دايم منازلهم عليها مقيمين = راس الجبل ما يقبلون بطمانه
افعالهم بالطيب حين ٍ بعد حين = مثبته ما هي بياليل دانه
المرجله خزنه من يدين في يدين = وفي ايدينهم مفتاح قفل الخزانه
مرحوم يا شيخ يضد المعادين = ناصر ولا وقف ترا الشان شانه
فعله فخر يفخربه اقصى القحاطين = قرم وكريم ورب الاقدار عانه
وحميته لو وزعت بين عشرين = من بين حكام العرب والبطانه
في ذمتي ما كان راحت فلسطين = وماكان بين الناس للكذب خانه
وفي موقفي هذا يا سامع قل آمين = يا جعل ناصر في برايد جنانه
وحفل الفطر من عام سبعه وعشرين = مضمون ينجح في بلدنا ضمانه
الطيب كانه رجل يمش على الدين =فحنا بني عمه وهذا مكانه[/poem]



والقصيدة الثانية للشاعر محمد بن شديد




[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يا الله يا والي على من والنا = ياللي لك ان ضاقت رفعنا يدينا
لولاك حنا يالبشر وش ورانا= ضعوف مخلوقين من ما وطينا
أطلبك يا غفار تدمح خطانا = استغفرك يا ارحم الراحمينا
ياربنا يا الرحمن يا منتجانا = اياك نعبدكا وبك نستعينا
ومن بعدها فاضت مشاعر وفنا = من يوم نادنا المنادي وجينا
حنا نجي في الواجب اللي دعانا = وش عاد لمن صار منا وفينا
شيخٍ نباه يزيد منه نبانا = ويزيود من طيبه على الطيبنا
شيخٍ ظهر صيته عيانا بيانا = عشق كفو ونعم ذرب اليمينا
تضرب به امثال الكرم من زمان = درع ليا جات المواقف حصينا
هو ذخرنا في الوقت واليا بغانا = لا خير فينا كانا ما احتمينا
في واجبه ما حن نقصر خطانا = وإنما احتمينا كلنا ما احتمينا
هو شيخنا من يوم كنا وكانا = عصره وعصر جدوده الاولينا
ومن عصرهم لايومنا لا ورنا = حبل الثقة باسم ال ناصر متينا
عوال ناصر يا ذخرنا يا ذرنا = شيوخنا من ما ضيات السنينا
في ثاني اعيد الفطر في عنانا = جينا نعايدكم ومن العايدينا
وحطانكم ذا المحتفل من غلانا = تبغون لم الشمل في كل حينا
لاجل آل عاطف كلهم وقحطنا = لاهي غريبة يا أسود العرينا
لانكم سلايل من تعلا البيانا = والله وخلقه كلهم شاهدينا
تشهد له أجناب الوطن وأحلفانا = واللي يسار الدار واللي يمينا
عليه في وقته يشار البنانا = اللبي مشى بالحق دينا ودينا
حميته منها تغذى دمانا = مواقف تصعب على القاصرينا
مازال منزاله رفيع المكانا = نعم نعم و أنتم بعد خابرينا
وندعي عسى الرحمن يقبل دعانا = وقولوا معي آمين يا سامعينا
عساه في الجنه مخلد بامنا = مع النبي واصحابه والصالحينا
وقبل الختام أقول ان الاوانا = في جوهر الموضوع يا حاضرينا
يا سامعين الصوت اسغوا الاذانا = فيما بقول ما اقول من الكلام الثمينا
بأسم عشق وحزام ودحيم بانا = وسلطان ومسلط للوجب جاهزينا
وعوالهم وانا باقي الخوانا = وباسم ال عاطف كلهم اجمعينا
نعمم الترحيب باللي لفانا = من قحطان وباقي الزايرينا
يا مرحبا باللي تعنا وجانا = اجناب ولا أصحاب وقريبنا
واكرر الترحيب وأثني ثنانا = لله ثم زيزومها كل حينا
عشق تعلا كوكبة في زمانا = ما دام حين في الوطن ما علينا
وأهم شيء كلنا وامرنا = الشمل واحد متحد ما حينا
وصلا الله وسلم على ما هدانا = للحق حتى لصحيح اهتدينا
نبينا لو كان تزعل عدنا = حبيبنا اللي خاتم المرسلينا[/poem]


وفيما يلي اسماء الشعراء المشاركين في الاحتفال
1- مسلط بن سعيدان
2- ضويحي بن هذال
3- مضيم بن سعيد ابو وركان
4- مسلي بن مشيط الدوسري
5- محمد بن شديد
6- مترك بن سعيد بن وركان
7- محمد بن غريب
8- ناصر بن فهيد بن هلجان
9- مسفر بن راجح بن هلجان
10- مسفر بن سالم بن دحيلان
11- مبارك بن مرزوق بن ذيحان
12- محمد بن جليد
13- فايز بن علي
وبعد ان انتهى الشعراء من القاء قصائدهم جاء دور العرضه النجدية العرضه الاولى بقيادة الشاعر المبدع محمد بن شديد

والعرضه الثانية بقيادة الشاعر ناصر بن لمدان


وهذه صورة للعرضتين



ومن ضمن التجهيزات لهذا الاحتفال تنظيم المحاورة الشعرية على يد عمالقه شعر الرد في المملكه وهم
1- فلاح القرقاح
2- رشيد الزلامي
3- عبدالله بن عتقان
4- محمد بن شديد
5- عايض المشعلي

وقد بدأت المحاورة قبل العشاء بين كل من عبدالله بن عتقان ومحمد بن شديد بمصاحبة ال عاطف وكانت منظمة وبشهادة فلاح القرقاح ورشيد الزلامي هاذي افضل صفوف شاهدوها عند قحطان


بعد ان تناول الجميع طعام العشاء بدات المحاورة من جديد بين العمالقة فلاح القرقاح ورشيد الزلامي بقاف ناري

وهكذا استمر المحاورات بين الشعراء المشاركين الى اخر الليل،،

وهذه صورة متفرقه للمحاورة


@ابوريان@ 02-11-2006 05:04 PM

رد : حفل قبيلة آل عاطف في مركز عنان في الرين
 
بيض الله وجهك يوجه السعد


كلمه شكرا قليله في حقك يالغالي وتسلم يابو مسفر على هذا الحفل الي يبض الوجه فانت راعي الاوله


ونعم والف نعم بال عاطف وبك

أبا الذموم 02-11-2006 05:22 PM

رد : حفل قبيلة آل عاطف في مركز عنان في الرين
 
أرررررررررررررررررررررررررررحب يالقويفل.
الله لايهينك على هذه الجهود الطيبه في هذا المنتدى الكبير بأعضائه الكرام.
بيّض الله وجهك ودائماً مميز ومبدع.
وهذه الحفله الرائعه بحضور الجميع وتحت إشراف الشيخ عشق بن ناصر بن ملهي من أروع الاحتفالات بمناسبة العيد فله جزيل الشكر من كافة قبائل آل عاطف ويستاهل المدح أبو ناصر.
تقبل مني خالص الشكر والتقدير .

الفارس الجنوبي 02-11-2006 05:31 PM

رد : حفل قبيلة آل عاطف في مركز عنان في الرين
 
شكر وتحية وتقدير واحترام لك يالقويفل على ماتقوم به من متابعه الاخبار أول بأول وطرحك اليوم

كطروحاتك السابقة والمميزة جميعها وبالتوفيق

المهم 02-11-2006 05:37 PM

رد : حفل قبيلة آل عاطف في مركز عنان في الرين
 
القـويــــــــــــفل
الله لايهينك على هذا النقل الخاص بقبيله العاطف وبارك الله فيك وامثالك المهتمين بهذا الموقع

راعي المصنه 02-11-2006 06:42 PM

رد : حفل قبيلة آل عاطف في مركز عنان في الرين
 
السلام عليكم ورحمة الله وبركاته
الله يعطيك العافيه يالقويفل على التغطيه
وحفل مشرف يرفع الراس لصبيان ال عاطف وشيوخهم ال سعيدان
ولك مني خالص الشكر

عبدالله بن غفره 02-11-2006 11:50 PM

رد : حفل قبيلة آل عاطف في مركز عنان في الرين
 
الحمدلله والصلاة والسلام على رسول الله وعلى آله وصحبه أجمعين

أتقدم بخالص الشكر والتقدير للمراقب الغالي / محمد القويفل

على ما قام به من حسن التنسيق والترتيب لهذا الموضوع الرائع

والأخ محمد جهوده جباره في هذه الشبكة وخدمتها
والتعب من أجل حصر أغلب أحتفالات قحطان في هذه المجالس
ونقلها من واقع الحفل إلى المنتدى بأفضل صوره .


كما أقدم خالص شكري وتقدير على ما قام به الشيخ / عشق بن ناصر بن سعيدان

من أحتفال رائع تفتخر به قبيلة آل عاطف خاصه وقحطان عامه

سآل الله العلي القدير أن يطيل في عمره وأن يوفقه الله لما يحبه ويرضاه

حفل رائع ومنسق بشكل كبير وظهر له صدى رائع وحقق نجاح مبهر


تقبل تحياتي وخالص مودتي

أخوكم
عبدالله بن غفره

مرعي بن دواس الحبابي 03-11-2006 12:37 AM

رد : حفل قبيلة آل عاطف في مركز عنان في الرين
 
الاخ العزيز القويفل

بيض الله وجهك

ويستاهلون ال عاطف كل علم طيب ونعم بهم وبك يالقويفل

لاهنت

اخوك

حبابي اصل وفصل

سيف السحيمي 03-11-2006 01:51 AM

رد : حفل قبيلة آل عاطف في مركز عنان في الرين
 
القويفل .... موضوعك كـــــــامل والكامل وجهه .

الله لايهينك على ذالتغطيه ووالله انها احتفاليه طيبه في ذالعيد ... عسى أيامنا وأيامكم كلها أعياد.

ظافر القحطاني 03-11-2006 02:39 AM

رد : حفل قبيلة آل عاطف في مركز عنان في الرين
 
أررررررررحب يالقويفل تراحيب المطر





بيض الله وجهك على ماقدمت يالوافي الله يعطيك العافيه




وافي ياابو مسفر لاعدمناك



لاهنت لاهنت


الساعة الآن 07:06 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .

Copyright ©2003 - 2011, www.qahtaan.com