قصيدة المقناص
 

[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يالله وانا طالبك حمرا هوى بالي=حمرا من الجيش طفاح ٍ جنايبها[/poem]



[poem=font="Simplified Arabic,4,crimson,normal,normal" bkcolor="orange" bkimage="" border="double,9,sienna" type=2 line=0 align=center use=ex num="0,black"]
قال بن ريفه بدا في مرقب عالي=حل المراقيب تومي به هبايـبها

ما يدهله كون صافي الرش والوالي =ولا الولع يوم يفنك في عجايبها

هيضني الرجم وأنا من اول سالـي =لهم على القلب ديران شطـيت بها

يا مرقب جاك من الأمطار همالــي =نصوب صيف من المنشي يهـل بها

لهم علينا شدوق الثفن لا سالي =وعطفة طريب الي زافت جوانــبها

لما غدا الفيض كنه زرع عمالـي =سيله من القدم للبطنان ناهــبها

كم مرة قد نزلنا عشبه المالـي =ببيوتنا اللي وزا المجرم يلــوذ بها

نبني بيوت بعراف وجهـالي =وأن جاء النذر من حفيف ما نرهــبها

بعوال مفلح وهم حماية التالــي =بمحول صلفات عطيبات ضرايبــها

صبيان قومي تحل المنجم الخالي =كسابه المدح حماية ركايـبها

ربعي عبيدة وأنا من حربهم جالـي =هل صبحه في الضحى تشعى كـسايبها

ونشد عبيدة هل الغالات من حالــي =ونشد لجانيب يوم إنا نقـاربها

من هو يقلط على فرش وفنجالي =سعد بن عمه الي من جاء مكاربها

لما غدا بين نقاض وفتالـي = وصفوا لاجانيب واذوه بطلايــبها

عديتهم ثم نسفت أبهم على الجالـي =نسف الدلي للمعدي صوب جاذبها

عسى هل الشين ما يبقى لهم تالي =وهل اسلوك الردي يارب تذهـبها

ولي جليل وللشطات حمالـي =أرفع نواصيه يا ربي وقطـــبها

أنا من الخبرة ألي شورهم عالــي =واما هل البخل بامر الله نجـــنبها

يا راكب من على اللي مشيها ارمالي =مأمونة يرفع الهلان غــاربها

تزها السفايف وتزها الخرج وحباــي =ومجرب لا سري في الليل صالـبها

حي الطويلة وحي اللي شراهالي =من واحد جابها في السوق جالــبها

شريتها في الدهر يوم ارخص الغالــي =بمية وخمسين ما يمهل يغايـــبها

حديدها واذكر الله كنه ريالـي =وكن الحيايا تطارد في مقاضـبها

بنة غرها زباد عند دلالـي =ولا طموح هواها من يلاعـــبها

واضرب بها الوعل لمنه تهيا لي =أبو حنية كبير الراس شايبها

لا ثار بارودها الي العود متالـي =منها الريايا مقطعة نشــايبها

واطمر بها عند ربعي ومنع التالـــــي =لا هاب ولد الردي معاد يزهــبها

والي لفانا من المقناص زعالـي =أحد مدح بندقه والي يعـذر بها

بشرتهم بالغداء من عقب مقيالــي =والفايدة من مرد الكوع ضــاربها

واسرح بها في السحر مانيب كسالـي =وكم سرحة فرقت منها ربايـبها

يا الله وأنا طالبك عطني هو بالـي =حمراء من الجيش طفاح جنايبها

لا روح الجيش حادية اشهب اللالي =ليهي تورد وسيع صدر راكبها

اللي على كورها ولي بالحبالي =واحد على عيزها والي بغاربها

لروحت مع تخاتيخ الخلا الخالي =كأن الذيابة تنهش من جــنايبها

فاستغفر الله اللي فوقنا عالي =حطيت في حفرة رزو نصايبها [/poem]

صحححححححححححح والله لسانك ولسان قايلهااااااااا

لاهنت يالغالي على النقل

والحقيقه اننا نفتقر الى مثل هالقصايد

أتمنى لو عندك المزيد ما تبخل علينا

أخوك فارس الشواطي

وسيع الخااااااطررررر ماشاء الله عليك بدايه قويه اتمنى لك التوفيق

وبالنسبه هذي القصيده فهي من اشهر القصايد في الخليج والله يرحم الشيخ فراج والمسلمين اجمعين

اخووووووووك ابن عااااصم

اخوي فارس الشواطي وابن عاصم لاهنتو على المرور وأبشرو بالمزيد

يا وسيع الصدر وسع الله صدرك بالعا فية
وبيض الله وجهك وجمل حالك على
قصيدة المقناص ي القناص
ورحم الله قائلها

ووجهك ياذيبان ولاهنت على المرور

الله يرحم ابن ريفة
والله يرحم مطلق ابن مخلد الذيابي

ياليت يتم تثبيت القصيدة

الله يوسع صدرك ياوسيع الخاطر

وسع الله خاطرك ياوسيع الخاطر

لاهنت يابن الاجواد على كتابة القصيدة الاجمل من رائعه ، والتي أرى الكثير من الشعراء يتبنى السير على مثل قافيتها

شكرا لك اخي

كفوووو....كفوووو.... كفووووو

وسعت خاطري الله يوسع خاطرك

الله يرحمه كان داهية في الشعر

والله لايهينك ياذيبان

بيض الله وجهك ياوسيع الخاطر ولاهنت على هذه القصيده التي تساوي وزنها ذهب وهي من القصائد التي لاتنسى
فعلاً الذهب لايصدى وأخيراً ونعم بالقائل والناقل والى الامام

اخوك :ذيبان الفهري