من قصص شجاعة آل سعد
 

هذه القصة جرت على سعد بن سعمان وابن عمه سعد بن مفرح، الجميع من فخذ آل حلفة من قبيلة آل سعد من قحطان،
الاثنين كانوا مع إبلهم في ضواحي (الجله) وعندما اشتهت إبلهم الماء وردها على عد يقال له (الأنجل)، وفي آخر النهار
أغار عليهم قوم من أعدائهم حوالي تسعة خيالة طامعين في إبلهم
وعندما شاهد الأخوان القوم حصروا الإبل في نقرة بالنفوذ
وحالوا بينها وبين المهاجمين، وصاروا يعتزون وينتخون فيما بينهم، وحصل فيهم اصابات
وافتكوا إبلهم لأنهم وقفوا وقفة المفادي بنفسه دون حلاله وشرفه.
وعندما انتهت المعركة وصاروا يحلبونها وشربوا من حليبها
وارتاحوا بعد عناء القتال والطراد، قال سعد بن سمعان قصيدة طويلة
تتكون من حوالي 43 بيتاً
ولم اجد الا هذه الأبيات ، واللي يعرفها كامله يقول لنا عليها
يقول الشاعر

[poem=font="Arial,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
أنا وردت ابلي قليب عيلم = قدنا صلاة العصر من مقطانها
واثر سبر القوم ينظر فينا = من فوق صفرا واقف عنانها
عود على ربعه يبشرهم بنا = البل صديرا واقبضوا رعيانها
جانا ثمان فوقها ثمانية = والتاسعة طاحت خذيت عنانها
خيل ليا جاتنا عند ابلنا = ضيعت أنا من بندقي صوانها
ضربتهم بالبندق المسمية = في روسهم كسرت أنا خشبانها
نعم بسميي يوم جرنا عندها = هو من شمال البل وأنا بأيمانها
سعد ضرب له سابق مرشوشة = خلاف العضود وتو سير ابطانها
وأنا عقرت اللي كبير راسها = صما الحوافر سودسو حذيانها
عقرت أنا اللي ما يوصف مثلها = والشيخ الآخر طايح بأوزانها[/poem]
إلى قوله :
[poem=font="Arial,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
تباشري بالفك يا حم الذرا = يوم اللقا واللفح من ذرعانها
أطعن لعين الفاطر أم اشماله = اللي تبشر بالشبب ضيفانها
وكله لعين اللي يلوح شقها = حليبها يصفق على سيقانها
وكله لعين الثنو اخت ام الفحل = حمرا صفق الذيل في كرعانها
وكله لعين بنت رودة وامها = كبيرة الجمهات بين أذانها
وكله لعين البكرة العملية = رديفها ما مل من حجبانها
وكله لعين جل ذودي كلها = تفرح بنا لاضيعت حيرانها
وكله لعين اللي دقيق صوتها = وتنشد الطرشان عن خلانها
امي توصيني وأنا في كفها = امنع صخاف الشول من قيمانها
البل لاجا العيد عيدي عندها = يوم الصبايا حذفت قنعانها
البل لا جا القيض فانا عبد لها = وأنا عبيد البل ومن عيدانها[/poem]

وسلامتكم

لاهنت يافارس قحطان على ذي المشاركه الطيبه

والله ونعم بآلاد سعد ...... مايعتاز معروفين بالشجاعه

وفيه قصص واجده عنهم .... ويوم انشد عنها ناس من آل سعد قالوها لي ... والى مني قلت ابي اسجلها قالوا بنجيبها لك من الشيبان ... وعقبها ماعاد تشووووفهم ... مادري ليه كذا

بس الحين عندنا صقر القحاطين هو مصدرنا السعدي ..... وابيه يجيب سالفة آل مسن خيالة الحرشا يوم ردوا ابل ابن لبده من القوم وهم خمسة رياجيل ... يوم يقول الشاعر :

والله اني مضيعها ... بس اللي اذكره

خيالة الحرشا مسني

ونعم بابن ندوان هو وابن ...

والله مدري بالقصيده ... بس اذا بيجيبها صقر القحاطين نكون شاكرين له

السلام عليكم ورحمة الله وبركاته حياالله فارس قحطان وابن الاروق وشلونكم مشكورين على السالفه وياليت كان مكانها مجلس فرسان قحطان حتى نضيفهم في منازلهم وننزلهم مقاهم ابن الاروق انشاالله ومن عيوني ابجيبلك السالفه كامله في اقرب فرصه مع تحياتي لكم

اي والله يافارس قحطان المفروض تكون في مجلسي ههههههههههههههههههه

هلا والله بصقر القحاطين

بعدي يابن سعد ... تحريبها يالاجودي .... وانتظر ذي الفرصه على احر من الجمر

والله لايهينكم جميع

ترحل عند ابن الأروق :)

لاهنت يافارس قحطان

لاهنتو جميع ونعم والله بآل سعد

يعطيكم العافيه

كفو والله ..با ..الاد ..ابن سعد ..
 

كفو الاد سعد
 

يروي الشيخ نايف ابن عبدالعزيز ابن قنيفذ ابن لبدة الشيخ الحالي لقبيلة ال سعد ورئيس مركز البدع في الرين عن ابية الشيخ عبدالعزيز رحمة الله انة كان صغير ووحيد ابية الشيخ قنيفذ وكان يردفة على ذلول وكانو في العشر الاواخر من رمضان والوقت كان قيظ واتاهم الخبر ان شيخ المقطة محمد ابن هندي وقبيلتة واردين على عد من عدود قحطان في نجد
وان ال سعد مانعينهم لا يروون وكانو المقطة حالهم صعب وحايلين ال سعد دونهم ودون الما وانطلقنا انا وابوي الين جيناهم وكان بعض ال سعد يمنع بعض لايذبحون الشيخ ابن هندي حيث ان العداوة كانت على اشدها ونوخ ابن لبدة ذلولة وانطلق نحو ابن هندي اللذي كان جالس بجانب العد مع احد اولادة الصغار وعندما رأى ابن هندي ابن لبدة قادما نحوة وقف ونظر بعضهم الى بعض بدون سلام من شدة البغض والعداوة وقال ابن لبدة لبن هندي عدو السو لابد يدنية القدر ورد ابن هندي وقال وليت يابو سلطان والوالي الله ثم انطلق ابن لبدة لى ذلولة واخرج سحلة من خرج الذلول وملأها بالماء واسقى ورع ابن هندي وبعد ما روى الورع امر جماعتة ال سعد بالسماح للعتبان بالورود على العد
وفي الليل عزموالعتبان ابن لبدة على ضبي صايدينة وقال ابن هندي لابن لبدة والله اني غزيتك ازود من ثلاثين مرة واني ما حتلت فيك وجزى معروفك فينا اليوم اني اعاهدك اني ماعاد اغزي عليكم

وسلامتكم

وووووووووووووووووونعم والله بالاد سعد

ويروى ان جمل بن لبده كان قصير وكان راكب فرس فقال الطفل الصغير لابيه يبه جتنا فرس ماعليها احد قال ابوووه الا والله عليها يابوك هذا جمل بن لبده تركوه

اخووووووووووووووووووووووووووووك ابن عاصم