( قصيدة للشاعر/ مساعد بن غزاي الحربي ... في النقيب / بجاد ابن قبلان ابن جديع ال الجرو
قصيدة للشاعر/ مساعد بن غزاي الحربي ... في النقيب / بجاد ابن قبلان ابن جديع ال الجرو
[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"] سلام الله سلام فيه ترجح كفة الميزان=أقوله من صميم الذات لين الناس توحيبه،، تحية مخلص عبر تعابير من الوجدان=تبناها ضمير ما دخله الشك والريبه،، واخص ابها الكريم أبن الكريم بجاد بن قبلان=عسف نفسه وسيرها على درب شهر طيبه،، ولا يا قل بالضباط من مثله بخشم العان=لبس تاج من الأمجاد والتقدير و الهيبه،، حكيم يبرز الحكمه ماهو عفن طويل السان=نهج منهاج أبوه اللي كثير الناس تدريبه،، هذا هو الصحيح وكل كلمه مالها برهان=مثل صلف الرياح اللي دقاق الرمل تذريبه،، أعيال العود ساس الجود عالين الشرف والشان=ألا يا سعد منه بالقسا صاروا معازيبه،، تعلا مجدهم في هامة العليا بصيت بان=وعلى ما قلت تشهد حرب والمطران وعتيبه،، لهم في صفحة الأمجاد مجد مخلد العنوان=وحاضرهم من الماضي قبس جمرة مشاهيبه،، مضوينه بحد الشلف والسيف الحدب والزان= نهار فيه للشجعان ميقاف تماريبه،، عسى رجل يعد النور يجزى بوافر الأحسان=وعلى ما يفعله يجزاه رب الخلق ويثيبه،، ورجال يغط النور جابان ولد جابان=بعد ما ضيع الثنتين جعله ينفري جيبه،، وأنا أقول الثناء يستاهله كله صبي قحطان=وعلم ما عليه أثبات ما بدابه و لا اجيبه،، تكلمنا من الواقع وأنا حربي من المزنان=ومنكم يلتمس للعذر بختامه هناديبه،[/poem] أخوكم أبو راكان الجروي |
الله لايهينك .............يابوراكان
وصح الله لسان الحربي على قصيدته الجزله.......وعز الله انه شاعر جزل ويستاهل الطيب ابن قبلان.............والقصيده هذي ماقالها الحربي.....الا من طيب فعله والنعم بالجميع..... البيــــــــرق |
السلام عليكم ورحمة الله وبركاته
مشكور على نقل هذه القصيدة الرائعة ويستاهل أبوقبلان أكثر من ذلك وهو العبيدي وابوه كفو على كفو وهم شيوخ من يوم خالقته الارض وساسهم طيب والله لا يهينك أبوعشق000 |
مشــــــــــكور
اخــــــــــــــوي ابو ركان ويستاهل المدح راعي الطيب وراعي المرجلة |
كفو كفو با ابن قبلان ويستاهل المدح
ولاهنت على النقل وصح السان الشاعر |
صح لسان الشاعر
وبجاد يستاهل وانا اعرفه من ايام الدراسه ونعم به وب ال جرو كلهم في الغضاه او الفويلق او بيشه |
لهنت لاهنت
والله يكثر امثال بن قبلان سمعة ترفع الراس |
الاخ البيرق
توقيع ما يحتاج غير الابيات منهي له |
صح لسان الشاعر مسااااعد وسلمت يمينك يابو راكاااان ويستاهل بجاد بن قبلان بن جديع من لابة معروفة ولهم تاريخ يرفع الراس .... أكرر شكري يابو راكان وننتظر جديدك |
بسم الله الرحمن الرحيم
أخوي البيرق أبو عشق فتى الجوة سلطان العبيدي الوبري أبليس ملعون السيف النادر أرحبوا تراحيب المطر وعذراً على التأخير في الرد (( للضرورة أحكام )) وبيض الله أوجيهكم على الرد على مشاركتي . أخوي / أبيلس ملعون ... الابيات التي في توقيع أخوي البيرق .. للشاعر / سلطان بن وسام الهاجري |
الساعة الآن 07:28 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com