شبكة قحطان - مجالس قحطان - منتديات قحطان

اهدي لكم هذه القصيدة الرائعه ... اتمنى ان تنال اعجابكم

هذي القصيدة للشاعر المعروف ضيدان بن قضعان . يقول اشتريت لي طير وسألت صاحبه عن اسمه فقال اسمه دهام
يقول ضيدان غيرت اسم الطير الى فواز لغرض شخصي عندي وعندما اردت ان اعشي الطير ناديت له باسمه الجديد

فواز فواز ......... فالتفت الطير على ضيدان وقال له :

ضيدان انا اسمي دهام ما هوب فواز
..............................اما ادعني يادهام ولا بلاشي
ماهوب حق تغير اسمي بلا ارماز
..............................وانا عذاب الخرب لاقبلت حاشي

فرد عليه ضيدان قائلا :

لعيون بعض الناس سميت فواز
...........................اسم يشابه لاسم صعب المناشي
اللي غلاه بثومة القلب حزاز
..........................تقبل له ظعوني وتقفي عطاشي

فرد الطير :

ماارضى تسميني عليها ولا جاز
.........................تغيير الاسم إلابذبح الكباشي
إذبح تميمه واقلب الإسم فواز
........................إذا ذبحت الكبش ما صار ماشي

فرد ضيدان:

قلت فواز تكفى فكني بالتلعواز
........................الحل عندي واسمع العلم كاشي
لازم تشوف اللي لها القلب ينحاز
......................عقب (ن) تجي فواز ولا شلاشي

فرد الطير :

يالله مشينا والعمر يبغي إنجاز
.......................يا ما نجز بالهدي ولا عراشي
قم جهز اللي ذاخرينه وممتاز
......................وعلي الطلاق إن عزبته من معاشي

وعندما وصلا الى التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير :

انا اشهد إني يابن قضعان فواز
......................واني بعد فواز جاني خراشي

ياحظ قلبك يوم في حبها حاز
...........................كحيلة ما عاشرت كل لاشي
يا ليتني رجلٍ لو امشي بمعكاز
...................وانخاك وانخى مبعدين المعاشي
وانهض لطيف الروح واجلا لشيراز
................واقضي بقايا العمر ما احتر جاشي
في شرع ابن حنبل بتأكيد ابن باز
................معروف راعي الحب قلبه هشاشي
وانا لوصل ملوع الشيخ معتاز
........ .. ......أعوز من فراق السبوق الرواشي
ابا اتمنى والتمني به الغاز
.....................ياليت جنحاني لخلك فراشي
او ليتني بيجر على الورك هزاز
.....................ولا قلم بين الجسد والقماشي

وســــــــــــــلامـتكم ،،،،،،،،،،،،،،،،،،،،،،،،،