غانم بن هادي وحسين بن شتوي (بإختصار)
 

[poem=font="Simplified Arabic,4,black,bold,normal" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]

=غانم بن هادي

يا سلام الله عليكم وهجرس يا ضمير = ذي بدايتها وبسم الله الرحمانيه
ياالنشاما ما يشيل الحمول الا البعير = تلعب افكاري على عوية السرحانيه

=حسين بن شتوي الحبابي

مرحبا من هاجس كنه البحــر الغزير=واسر ياليلي وانا فارس الميدانيه
بشروني بالبشاره وبشرت البشير=للفخـر يامنتدي لابتي قحطانيـــه

=غانم بن هادي

كانك الفارس فأنا قايد القوم الأمير= ناصل الميراد ونروّي الضميانيه
و المواقف للعوارف يقررها المصير = نرفع المبنى وندخل مع البيبانيه

=حسين بن شتوي الحبابي

المعارك مالها الاشبا السيف الشطير=سطــوته نامــوس وتهابه العدوانيــه
بين نفحات الخزاما ونفحات العــبير =احســبوا عد الدقــيقه وعد الثانـــيه

=غانم بن هادي

ما حد(ن) يارد على العد بالحبل القصير = والمعارك محتسين(ن) لها شومانيه
بين صفق الموج ومعاند البحر الخطير = واحد (ن) ياحسين بيرجح الميزانيه

=حسين بن شتوي الحبابي

مشينا قدام قدام ونحث المســير =وانشدوا عنا رفيق وصديق وعانيه
ياحليل الحبه اللي رحاها يستدير=اختفت من صغرها واصبحت دخانيه

=غانم بن هادي

طاير(ن) ماله جناحين لا يمكن يطير = ياعجايب طاير (ن) مامعه جنحانية
ماطلبنا مدة العون من رجل (ن) فقير = استعنا بالله ونلعن الشيطانية

=حسين بن شتوي الحبابي

تتهمنا يالعبــيدي وهذا مايصــــير =واحمـــد الله محزمي في اللقاء مليانيه
من زرعها بر ماهو بحاصدها شعير=ومن ضحك بالناس يضحك بدون اسنانيه

=غانم بن هادي

ماضحكنا بك ولا نصغرك وانته كبير = لا تثور يا عميلي كما البركانيه
العبيدي في اللقاء كالجمل يهدر هدير = لي وقفنا نضرب القاصيه بالدانيه

=حسين بن شتوي الحبابي

صفنا معروف في نجد والا في عسير=وانت ابن عمي رفيقي وشانك شانيه
لاتشوف البحر الاحمر تحســبنه غدير=واكتم الاســـرار بين الضلـــوع الحانيه

=غانم بن هادي

ياحزامي في اللقاء مالك الا تستخير = صفنا لمن مشا زلزل العربانيه
والمحيط اليا هدر ضيع البحر الصغير = وانت سواق(ن) ولا تفلت السكانيه

=حسين بن شتوي الحبابي

القدى عكس الخطاء والعمي عكس البصير=والله الدائم وكل الخلايق فانيــه
فرصه الشـــاعر بربعه يشــير ويستشــير=والختام العود والورد والريحانيه[/poem]

اخوي الغالي المهداني


جزاك الله خير

ووفقك الله


وصح لسان الشاعرين


اختصار جميل وعمل يفوق الوصف

كثر الله خيرك

الله لايهينك

الاخوان


فتى الجوه


مسفر الوبري

تحياتي


للجميع وشاكر على المرور

لاهنت يابوسعود وبيض الله وجهك عوايدك العلم الغانم

اختصار لمحاوره مميزه لشعراء منتدانا الوافيين

قائل ما يهان


وشاكر ومقدر على المرور