مجاراتي لأخوي سعد بن كدم (الظور)
 

بسم الله الرحمن الرحيم

صلوا على النبي

الشاعر
سعد بن كدم

يامـاجـد انــك تـبـي جـــده
تـعـالـنـي عــانـــي فـيــهــا
خلـقٍ علـى البـحـر منـهـده
تـسـبـح وتـبــرد جـلاديـهـا
نــــاسٍ خــبـــاث ومــرتـــده
وعــاد الحكـومـه تـداريـهـا
البنـت تمشـي كـمـا الـقـده
يـازيـنـهـا قــطـــع تـالـيـهــا
اتــفــرَع الـــــراس وتــكـــده
مـاغـار خيـهـا وبــن خيـهـا
وحافـز مــن البـنـك تعـتـده
وفـي كــل مطـعـم تلاقيـهـا
يـادايــم الـسـيــف يــاحــده
الـفـاطـر انـجــح عـراقـيـهـا
اللـو الرسـن بـيـدك وشــده
وخل الحفاء في سماريهـا
حتى تطاوعـك فـي الشـده
ماتـجـفـل وزهـبـتـك فـيـهـا
اضرب على الخايب وحده
حــد العـنـد مــن جوازيـهـا
وفـقـيـرهـم عــشــه وغــــده
ويـتـمـانــهــا لاتـخـلــيــهــا
حنـا حمـى الـديـن يـاجـده
امـاحــن نـــدور مـصـاريـهـا

وهذه مجاراتي لابن كدم


غايب من المنتدى مده
ومجالسه جيت ناويها
ومكاسر الطيب مع نده
وحروف جازت لقاريها
ابن كدم وافي ن مده
و لحون ابوه و نلاحيها
والحق اللي هازم ن ضده
لاتعم غلطه و تخطيها
لو تبعد الشوح واللده
النفس تلقى ما يكفيها
وهذا الزمن مائل ن شده
الاجواد بيّح خوافيها
اهل العمى قلوبها صلده
ومحرفه قول باريها
بتقول للهون منحده
والشمس ماهي تغطيها
يا جعل في حلوقها غده
والطب ابد ما يداويها
وان شفت لك زين ياعمده
وش جابكم في مرافيها
ضاق الفضاء وانتهى حده
والارض ضاقت براريها
والخلق للموج منشده
ولوسرت تعرف مواطيها
الشعب صابر على الشده
وربع الشعوبي تناحيها
زهمت من عنده النجده
مادام بانت مواريها
بايديهم الحل والعقده
للخير بانت مساعيها
لا تزيدها والخطا هده
لاتجيبها ف خلق تغليها

ناصر آل جمان

رد: مجاراتي لأخوي سعد بن كدم (الظور)
 

رد: مجاراتي لأخوي سعد بن كدم (الظور)
 

صح لسانك يابو حسين
لقد ابدعت في مجاراتك
وانت مبدع كالعاده
صح لسانك مرة اخرى
وكل عام والجميع بخير

رد: مجاراتي لأخوي سعد بن كدم (الظور)
 

صح لسانك يابو زياد وصح لسان ابو ناصر..

مبطي منك..ولك عندي حبة خشم.يابو زياد

واعذرني على القصور في التواصل..لا عدمتك

تحياتي..

رد: مجاراتي لأخوي سعد بن كدم (الظور)
 

صوت وصدى معاني وعمق

لاعدمنا هذا التواجد من هذان

القطبان اللذان نوروا وأثروا

قسم الشعر بهاتان الرآئعتان.

لكم خالص الود والمحبة.