قصيدة للشاعر ناصر القحطاني ( طفله )
 

بسم الله الرحمن الرحيم

ناصر القحطاني ..!!

هو شاعر الأندلس التي كانت أرصفتها لحناً لأقدامه
هو شاعر كبير كانت ملامحه وطن لأحلامه
كتب للرحيل فعشقنا السفر, كتب للميلاد فعشقنا السهر
كتب للتوبة فعشقنا الهداية, كتب للصمت فكانت أجمل حكاية
نعم إنه الشاعر ناصر القحطاني بقلبه وقلمه وشعره وعطره
وفكره وجسده وروحه ورعده وبوحه
اليكم بعض قصائده .. !!




القصيده الاولـ(1)ـى
(طـفــلــه) ..!!







فضفضـت لـي عـن سواليـف امهـا اللـي كدرتهـا
والـحـزن مـثـل الحـسـن لامــر لازم ينـوقـف لــه
.
جــت تفلـسـف طفـلـةٍ مكياجـهـا مـــن فلسفـتـهـا
كمـلـت عشـريـن عــام ولاتـــزال الـيــوم طـفـلـه
.
يشـبـع الخـلـخـال والسـلـسـال جـايــع برقبـتـهـا
خـيــزران ليـنـهـا بـيــن انـتـبـاه وبـيــن غـفـلــه
.
ودي ادري لامشـت بشعـور الارض اللـي تحتهـا
وانتثنـت قلـت ويـن الـلـي يـقـول ان الـتـرف لــه
.
اه لــولا خصـرهـا قـلـت اسـرفــو فـــي تغديـتـهـا
مـا افقـره بيـن النعيـم ولايبـي مـن ينتـصـف لــه
.
حـاجــةٍ تــطــري عـلـيـهـا جايـبـتـهـا جايـبـتـهـا
نسـمـةٍ ماتعـتـرف بـالـبـاب والـحــارس وقـفـلـه
.
قلت وش ذا اللي خفق بين الضلوع امـن اولتهـا
قبل اقول الضيف جـاك اثـره فتـح كـل الغـرف لـه
.
يـــوم قـدمـتـه لـهــا لـيـلـة سـرتـبـي سلهـمـتـهـا
قالـت اتشـرف بقلبـك يافـتـى قـلـت الـشـرف لــه
.
طرت مع سرب الحمام اللي سرى مـن حنجرتهـا
ساعتين وهي تسوق الرمش وابصم واعترف له
.
تـجـدل انفـاسـي والـلـى حـسـت دفـاهـا كسرتـهـا
وطلقتـهـا للهبــوب بـكـل طـيــشٍ تـنـجـرف لـــه
.
لـيـن بـاخـر طيشـهـا قصـيـت اظـافـر شيطنـتـهـا
لاتشـح بكيدهـا اللـي كيدهـا ابـن ادم ضـعـف لــه
.
نسنسـت عصريـة الجمـعـه وهــي تـقـرا بختـهـا
بيـن جمـع مـن العـذارى كـل شــي منكـشـف لــه
.
كــل مـاجـن يمشـطـن شرطانـهـا الـلـي تعبـتـهـا
سمعوهـا مـن قصايـد خلهـا اخـر مـا اتعـرف لــه
.
ولـــدت الـحـلــمٍ تــدورلــه وتـنـشــد منـظـرتـهـا
لــدت الـبــرواز اســـود دمـعـهـا يـامــاذرف لـــه
.
لــــدت تــوصــي مـكـاتـيـب قــبـــل مـازرفـتـهــا
ضمنتـهـا الغالـيـه دمـعــه وداع وعـطــر حـفـلـه
.
قـلـت ارضيـهـا وجـيـت وجــات والدنـيـا ملـتـهـا
والغـزل دار ولقـى المشتـاق مشتـاق يعـزف لــه
.
كــــل مــــازودت وردي الـسـوالـيـف اخلـجـتـهـا
وكـل مـازاد الحيـا قلـت الحلـو وش ينكسـف لــه
.
قـالـت امــي تفتـكـرنـي طـفـلـه وتـظـلـم بخـتـهـا
صـح انـا مانـي بطفلـه صــح انــا مـانـي بطفـلـه


ودمتم بود،،،،،

رد : قصيدة للشاعر ناصر القحطاني ( طفله )
 

بسم الله الرحمن الرحيم
السلام عليكم ورحمة الله وبركاته

صح لسان الشاعر


ولاهنت على النقل

لاكن ليتها كانت منسقها


ننتظر المزيد


لخوك/عبدالله السحيمي

رد : قصيدة للشاعر ناصر القحطاني ( طفله )
 

اخوي السحيمي لاهنت على المرور

رد : قصيدة للشاعر ناصر القحطاني ( طفله )
 

بسم الله الرحمن الرحيم
السلام عليكم ورحمة الله وبركاته
صح لساااااااااان الشاعر

و بيض الله وجهك يالغالي

على النقل الرائع

رد : قصيدة للشاعر ناصر القحطاني ( طفله )
 

الاخ ابن خضير لاهنت على المرور

رد : قصيدة للشاعر ناصر القحطاني ( طفله )
 

ابو تركي العبيدي

لاهنت والله يعطيك العافيه

وصح لسان الشاعر

تحياتي لك

رد : قصيدة للشاعر ناصر القحطاني ( طفله )
 

لاهنت .. يا ابو تركي ..

والله يعطيك العافية .. على هذه السلسلة ... التي تخص .. شاعر .. شهد له الكثير من النقاد والادباء ..

تقبل تحياتي ..

رد : قصيدة للشاعر ناصر القحطاني ( طفله )
 

لاهنت يابو تركي


وناصر علم ما يحتاااج


غني عن الاشاااااده