قصيدة مذكر الكودري في ابن شفلوت
 

بسم الله الرحمن الرحيم

هذه القصيدة مهداة من الشاعر/ مذكر بن عبدالله بن دخيل الله الهذيلي الكودري القحطاني إلى

شيخ شمل قبائل عبيده قحطان الشيخ / مناحي بن ذيب بن شفلوت . حفظه الله

بمناسبة الثقة الملكية الكريمه وتعيينه على ماكان عليه أسلافه ( مشيخة قبائل عبيدة قحطان )




[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
بسم الله ابدا وانتهي واثنـي سلامـي للحظـور=للشيـخ حـلال العقـد منصـا العلـوم وقـدهـا
سـلام ياصقـرٍ تعـلا فـي مراقيـب الصقـور=حرٍ ونسـل أحـرار مـن قـوم عريـب جدهـا
مقدم عبيدة في اللقا برماح ماتخطـي النحـور=كم شيـخ قـوم عرضـوه اللـي وريـع حدهـا
تشهد لهم الاعداء بالطيب من ماضي العصـور=وتشهد لهم كـل المعـارك بالشجاعـة والدهـا
يشهد لهم خشم الصفا اللي بأسفل الثفن مخبـور=ولهم مواقف ما أقدر اذكرها ولا أحصي عدها
مدحت منهـو يستحـق المـدح ماعديـت زور=اذكر فعول أهـل الفعـول الطيبـة وأعدهـا
من يبغي اللولو لزوم يغـوص غبـات البحـور=ويصارع الأمـواج مـع جـزر البحـور ومدهـا
الشيخ أبو ناصر لنا مـن يمـة العـدوان سـور=لافتحت الأبواب من صـوب الأعـادي سدهـا
نجم يصيد ولا يصـاد ويجعـل العـدوان عـور=لاوصلته عوج الحجج من صـوب خصمـه ردهـا
حنا عبيدة مانخـون العهـد لـو نـرد القبـور=معا حكومتنـا الرشيـدة ضـد منهـو ضدهـا
نحمـي وطنـا لاغدربـه كـل خـوان غـدور=نرخص له النفس العزيـزة والسيـوف نحدهـا
بالعلم والقرآن نحميهـا مـن أنـواع الشـرور=وفتنة هل التكفيـر والا رهـاب ناطـا خدهـا
أوصيك ياسامع كلامي بالتهجـد فـي السحـور=اسجد لربك خير مـن بنـي البيـوت وهدهـا
سبح وهلل واذكـر الله مـع زعاريـد الطيـور=ارفع يدينك واطلب المولـى وصوبـه مدهـا
وختامها نرجو السموحة كـان جـا منـا قصـور=وتحية بالمسك والكادي يذعذع ندهـا[/poem]

رد : قصيدة مذكر الكودري في ابن شفلوت
 

صح لسان الشاعر مذكر الكودري


وبيض الله وجهك قصيدة رائعه وراقية


والشيخ بن شفلوت يستاهل المدح والثناء


بيض الله وجهك




(( نقل لعذب الكلام ))

رد : قصيدة مذكر الكودري في ابن شفلوت
 

بيض الله وجهك يالهذيلي قصيدة جزله وابو ذيب يستاهل اكثر

لتوضيح فقط ذكر الشاعر الصفاء في الثفن وهذا الصفاء هوصفاء الشيوخ في المصامه
في طرف وادي الثفن كما ذكر الشاعر وحصلت وقعة بين عبيده بقيادة ابن شفلوت
وقبايل سبيع وقتل في تلك المعركه الكثير من سبيع وبعض مشايخهم ولذلك سمي
صفاء الشيوخ
النقطه الاخيره ذكر الشاعر ابو ناصر وناصر هو ابن الشيخ مناحي وليس باكبر اولاده
بل اكبر منه مترك ثم محمد ثم ذيب وناصر هو الان رئس مركز الصبيخه
توضيحي للفايده وليس بتعقيب علي الشاعر ولا الناقل ووافين ولاقصروا

لكم تحياتي

رد : قصيدة مذكر الكودري في ابن شفلوت
 

صح لسان الشاعر مذكر الكودري


وبيض الله وجهك قصيدة رائعه وراقية


والشيخ بن شفلوت يستاهل المدح والثناء


بيض الله وجهك

رد : قصيدة مذكر الكودري في ابن شفلوت
 

بيض الله وجهك على النقل يامقحص وصح لسان الشاعر ومدح في محله

رد : قصيدة مذكر الكودري في ابن شفلوت
 

رد : قصيدة مذكر الكودري في ابن شفلوت
 

بسم الله الرحمن الرحيم
السلام عليكم ورحمة الله وبركاته

اررررررررررررررررررررررررررررررررررررررررررررررررر ررحب يامقحص

بيض الله وجهك على هذا النقل الرائع

وصح لسان الشاعر مذكر الكودري

شاعر كفو ومدح من يستاهل المدح

رد : قصيدة مذكر الكودري في ابن شفلوت
 

صح الله لسانك ولسان الشاعر

رد : قصيدة مذكر الكودري في ابن شفلوت
 

اشكر جميع اللي شرفوني بالمرور

رد : قصيدة مذكر الكودري في ابن شفلوت