|
يامل قلبٍ تله الود تلًي
اطرح للقارئي والزائر هذه القصيده الغزليه
وهي لشاعر مخضرم توفي قبل خمسة عشر سنه وكان حضوره وبروزه ابان حكم الملك فيصل الله يرحمهم جميعاً والشاعر مجال البحث امتاز بدقة الوصف وله قصائد هجائيه كثيره فيمن يخالفه بالحجه او القول تأثر كثيرأ بالسيارات وخاصه الفرت الونيت فتجد الفرت دائماً حاضر في اشعاره كما ان الجدايل لها نصيب كبير من الوصف حينما يصف معشوقته او من اسر قلبه وهنا اطرح لكم قصيده غزليه من اشعاره فمن هو يامل قلبٍ تله الود تلًي ..........تل الرشى من فوق ملحاً جلاله في غربها تسعين فري ومشلًي..........تجفل ليا سمعت ضريس المحاله من واحدٍ طرًق عليًه بهلًي ..........لحق بواق القلب مع ماجراله يطرق برمشٍ للمحاجر مظلًي ..........ظافٍ على بيض المحاجر ظلاله هرجه لبن بكرٍ ردومٍ متلًي............مابيًنت فيها وسوم الشماله يابنت كبي واحدٍ مايصلي..........تارك عمود الدين مالك وماله حتيش لو يفرش لك القاع زلًي....من لايخاف الله حرامٍ حلاله عليك باللي للجماعه يهلًي.... اللي كما النزله منارة دلاله بالرجل ثنتين حداهن يدلي...وان كبهن مهوب ويا الرجاله ليا صار مابه دين مع زين دلًي....جعله من الدنيا تقطع حباله |
رد : يامل قلبٍ تله الود تلًي
أستاذنا الغالي عاشق الوطن
بل عاشق كل جميل جميل جميل ماخترت وفقت في الإختيار من الذي لايعرف هذا الشاعر هذا شاعر فحل ومر بعدة ظروف قاسيه ولن أحرق ما طرحت مع إني عرفته أترك الفرصه للقراء شرفتنا الله يشرفك عند مولاك ملاحظه له عدد من القصائد التي يتغنى بها أبناء الباديه يوميا له قصائد محرجه لمن خالفه الر أي شاعر أكثر أبناء الجزيره يعرفون شعره له قصائد في الكرامه كثيره يحث ع الشجاعه وإحترام النفس ........... سلمت ولاهنت ...... |
رد : يامل قلبٍ تله الود تلًي
لاهنت
يعطيك العافيه بيض وجهك الله تحياتي |
رد : يامل قلبٍ تله الود تلًي
أخوي عاشق الوطن ...
الله يبيض وجهك على الإختيار الرائع لهذا الشاعر المعاصر والمعروف الرجاء من الأخوة التفاعل ومعرفة الشاعر ,,, علما ً أن هذا الشاعر ليس من قبيلة قحطان قربنا لكم شوي ,,,,, شكرا لك ولاهنت,,,, |
رد : يامل قلبٍ تله الود تلًي
1
1111111111111111 |
رد : يامل قلبٍ تله الود تلًي
مرحبا بك ملايييييييييييين
الابيات حقيقة رائعه جداجدا واتوقع الشاعر انه يامي لك تحياتي |
رد : يامل قلبٍ تله الود تلًي
اررررررررررحب يا مراقبنا العزيز والشاعر مبدع واختياره ابدع والله لا يهينك على تحريك المجلس بالاسئله والشاعر هو قائل هذي الابيات ايضا :
انحاس بالي يامحمد وصديت ... من كثر الصدات قلت شطونه ماني وانا ؟؟؟ بهيت ولد هيت ... هيت يجامل خمة يكرهونه من كثر ماجربت واقبلت واقفيت ... قولة هلا لمن لايودك مهونه سلط على النصراني اللي لقا الزيت ... لعل نبع الزيت يعمي عيونه لاشك تحتاج المراجل شفاليت ... تحتاج شي يقصر النذل دونه عزم على الفرجه وقطع الخلا الميت ... حتى عيال البوم مايقطعونه ثلاث*من كل المعاني تنقيت ... واللي بقى كل الملا يقدرونه مابغى جزاهن غير من خالق البيت ... عمالهن للناس ماينفعونه وقال هذي الابيات: سر ياقلم مالي على الصبر طاقه ... صبري تعدى الحد ماعاد ينطاق أكتب لمثلي قصته واشتياقه ... في خطك الواضح على بيض الأوراق قصة حزين صافي الحر ذاقه ... انا بذكره ماصله خاطري ضاق باقو به الأصحاب والوقت باقه ... وصار الضحيه بين باير وبواق يمشي وهو ماحس في كسر ساقه ... امسى على ساقين واصبح على ساق مهذي سواة الوقت شين اصطفاقه ... الوقت لو يصفى لك ايام دراق لاشك يامن معك عقل ولباقه ... بنصحك كان انك للأمثال تشتاق صادق رجال يعرفون الصداقه ... يقفون صفك يوم يبسات الأرياق ومن يرغب فراقك فعجل فراقه ... جاز الذي يجزيك أفراق بفراق يقوله اللي جاير الوقت عاقه ... ولازال في غيبوبة الهم مافاق حظه على اقشر شي للنفس ساقه ... بقبور الاحياء ينتظر يوم الأطلاق وسلاااااااااااااااامتكم |
رد : يامل قلبٍ تله الود تلًي
اقتباس:
الاخ سفر بن مبارك السلام عليكم ورحمة الله وبركاته كلامك صحيح فيما ابنت من تلميح مشكور |
رد : يامل قلبٍ تله الود تلًي
الاخ عايض الفهري
السلام عليكم ورحمة الله وبركاته مشكور ومن قال مايهون |
رد : يامل قلبٍ تله الود تلًي
اقتباس:
الاخ بندر السلام عليكم ورحمة الله وبركاته كلام صج وصحيح ...نعم هو من خارج القبيله مشكور |
رد : يامل قلبٍ تله الود تلًي
اقتباس:
الاخ عبدالله العنبسي السلام عليكم ورحمة اللله وبركاته تقول العرب في أمثالها قطعت جهيزه قول كل خطيب ننتظر قد يكون هنا مشاركه من خارج هذا القروب مشكور على الاضافه وفضح المستور |
رد : يامل قلبٍ تله الود تلًي
يجرح فوادي عية وأبتليه
شي بقلبي واهجه مستمري= لولا أزرق الدخان يطفي لبيبه سلط على الدخان لوهو مضري=له حزة عند إحتكام المصيبه وأنا الذي ما أبدي على الناس سري=من خوف سودان الوجيه تحكيبه أصبر على ضيم الدهر والتعري=من شان من يرضى علي الغليبه وأبعد مجالي عن عيال التزري=من لاهوى قلبي دواه المغيبه أخاف لي من مجلس مايذري=في جانبه بوم حساسه صليبه سوالف مابين تجحد تقرى=يجرح فوادي عيه وأبتليه والله خلق فالكون ثلثين بري=يكفن عن ثلث البحر ويش لبيه إليا نويت الدرب مانيب أطري=أمس للفرجه جبال النجيه وأقطع تهاتيه الخلا بالتجري=واللي يجيبه والي أمري يجيبه يرضيني المقسوم خير وشري=سبحان من لاتعلم الناس غيبه أحدن علي ربعه يحب التحري=للشر بلاس وخيره بجيبه هذاك أنا يالربع منه متبري=لو عضني ناب الدهر مانتخيبه من خوف يضحك لي وهو يستغري=يـفـتل حبال السو مايندريبه يفرح علي بكل شر يمري=وإن شاف يمي خير عني نهيبه نعم انه الشاعر بندر بن سرور |
رد : يامل قلبٍ تله الود تلًي
مشكور ع الإضافه لاهنت
|
| الساعة الآن 08:58 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
جميع الحقوق الأدبيه والفكرية محفوظة لشبكة قحطان وعلى من يقتبس من الموقع الأشارة الى المصدر
وجميع المواضيع والمشاركات المطروحه في المجالس لاتمثل على وجه الأساس رأي ووجهة نظر الموقع أو أفراد قبيلة قحطان إنما تمثل وجهة نظر كاتبها .
Copyright ©2003 - 2011, www.qahtaan.com