شبكة قحطان - مجالس قحطان - منتديات قحطان - أشهرمشاهير و فرسان آل سعيدان شيوخ قبيلة آل عاطف.

- مجلس فرسان قحطان (https://www.qahtaan.com/vb/forumdisplay.php?f=5)

رد : أشهرمشاهير و فرسان آل سعيدان شيوخ قبيلة آل عاطف.

بيض الله وجهك ياأبا الذموم

وآل عاطف شيوخ وسلاطين ومعروفين

ولايلحقهم شكوك

وعلومهم وافية وغانمة

رد : أشهرمشاهير و فرسان آل سعيدان شيوخ قبيلة آل عاطف.

بيض الله وجهك اخوي الكبير أبالذموم الذي دائما مااستفيد واستمتع بمواضيعك المميزه وكتاباتك التاريخيه

التي تنم عن معرفه ودرايه بالسوالف والاحداث القديمه ,

وعندي استفسار بحكم معرفتك الجيده عن فرسان آل عاطف ,

هناك فارس من فرسان آل عاطف يلقب ( مريط ) بتشديد حرف الراء وله قصه مشهوره في احد الغزوات لقبيلة آل عاطف

عند كسبهم للغائم فتفاجؤو بالخياله الذين ارادو استرجاع حلالهم فصاح عقيد القوم واميرهم بن سعيدان بالفارس

(مريط ) دون غيره من الفرسان ( تكفى يامريط امنعا من القوم ) وله بيت مشهور يقول فيه ,

أشوف الى غدا الشوف شوفين ####### أشوف بعيونن قليلن هدبها

ياليت اخي الكريم ان تفيدني بالاتي , من هو الفارس مريط ؟ وماي هذه الغزوه ؟ ومع من كانت ؟ ومن هم الفرسان

المشاركين ؟ ولماذا صاح الشيخ الفارس ابن سعيدان بالفارس مريط دون غيره ؟

ولك مني كل التقدير والاحترام ولاهنت يالقرم .....

رد : أشهرمشاهير و فرسان آل سعيدان شيوخ قبيلة آل عاطف.

السلام عليكم ومساكم الله بالخير انا ولد عمكم من آل فرسان آلعاطف وقد جاورنا آل خامسه في هجرة لبن من يوم

نزولها آل خامسه وقريت موضوعك يابالذموم وبيض الله وجهك على العلوم الذربه من سوالف ومن قصيد

وانا اللي خلاني ارد يوم قريت عن الفارس مريط وسالفته فهذا شايب من شيبان آلخامسه الله يغفرله فهو من اشهر

البوارديه في الجحادر على وقت الجهل وسالفت القصيده اللي ذكرها ابومحمد فهي طول الله عماركم معروفه

عند شيبان آلعاطف والجحادر عموم والسالفه كان هناك غزو لآلعاطف وفي اليله الي تسبق المغزى كان الفارس

مريط آلخامسه كان يجهز بندقه الله يغفرله وكان كبير في السن وجاه واحد من اللي بيغزون معهم وقال ياشايب

عطني بندقك ياعم وبكفيك المغزى الصبح فضحك مريط وقال اجل ياولدي لجى الصبح واصطق المحزم بالمحزم

وغدى الشوف شوفين تراني بزهمك باسمك واخذ البندق وظهر فعلك ياولدي وكان الله يغفرله يبي يحمس الولد

عشان يظهرله فعل عند ربعه ويوم صبحو آلعاطف القوم خذو اللي ماقسم لهم من الكسب وانكفو ومثل ماهو معروف

ففرسان القبيلة اللي جاها الغزو يطردون اللي غازينهم عشان يردون حلالهم وفعلا ماخذو الا الصايح يصيح بفرسان آلعاطف
وصولكم الفرسان امنعونا منهم فصاح عقيدهم وشيخهم في المعركه ابن سعيدان بالفارس مريط آلخامسه من بد

فرسان آلعاطف وذلك لشجاعته ودقة رميه بالبندق وقال تكفى يامريط ياولد ابوي امنعنا من القوم فصاح مريط بسم الرجال اللي طلب منه البندق البارح

( يافلان ابن فلان تعال اخذ البندق ومنعنا من القوم وكررها عدة مرات والرجل لن اذكر اسمه عشان الحزازيات

ويوم لد الشوف مريط يدور الرجال الى الرجال في اول اللي هاجين من الموت فقام مريط كماهي عادته في المغازي

وحذف خطام ذلوله وبركت الذلول مثل ماعودها وحول من ذلوله ومد البندق على الخياله وكانو ستة فرسان

وذبح الاول ثم الثاني والثالث والرابع ويوم شافو الخياله ان اكثرهم ذبحو طق الباقين يدورون السلامه واحتمو

آلعاطف كسبهم اللي كسبوه اول النهار وهذي سالفة القصيده اشوف اليا غدى الشوف شوفين وسلامتكم

والسالفه هذي معروفه عند شيبان آل خامسه وشيبان آ ل سعيدان اللي يعرفون السوالف ويعطون الرجال حقوقها

واستغربت اخوي ابالذموم عدم ذكر اسم مريط مع اللي ذكرتهم وغيره من العقدا والفرسان واجد وماذكرو ولاهنت

ياخيال سمحات الوجيه

رد : أشهرمشاهير و فرسان آل سعيدان شيوخ قبيلة آل عاطف.

أخي أبا الذموم
بارك الله فيك وبيض الله وجهك ، والحقيقه موضوع قيم وشافي ووافي
وتقبل تحيات أخوك ( جارف )

رد : أشهرمشاهير و فرسان آل سعيدان شيوخ قبيلة آل عاطف.

ونعم بال سعيدان وال عاطف انا اشهد انهم شجعان وقدها....

ويالربع اذكرو الله وترى اللي حصل شي بسيط وسوء تفاهم دايم يحصل حتى بين الشيبان وكلنا عوال عم واخوان....

تقبلو مروري...

رد : أشهرمشاهير و فرسان آل سعيدان شيوخ قبيلة آل عاطف.

وألف نعم فيك وفي ال عاطف كلهم وال سعيدان أشهر من جبل على رأسه نار بالأفعال الجميله وتاريخهم يبيض

وجيههم ونفتخر فيكم جميع أسأل الله الكريم أن يعزنا وإياكم بطاعته فإنها المكسب في هذه الدنيا

شكرا ً على الطرح المتميز .....

ملصقات الأسماء

ستيكر شيت ورقي

طباعة ستيكرات - ستيكر

ستيكر دائري

ستيكر قص على الحدود