من شيوخ وشعراء الحباب

[علي بن شداد القحطاني]

حسين بن علي المدوس جمع المجد من اطرافه :
زعامة
شجاعة
معرفة
دهاء
أدب
شعر
بالاضافة إلى صفات العرب الحميدة الآخرى .

والشيخ حسين لما عطاه الله من الصفات المذكورة أعطاه كذلك جمال الصورة وضخامة الجسم والمهابة وحسن المنطق وهو القائل :


من نديبي ترحل فوق ست سوا=من ضرايب عمان كلها مسمنات
سمر الالوان جالت مثل جول القطا=عقب ماكمل ماها اجلعت واردات
والدليله عليها مايذوق اللوى=كل ماباتوالرديان ماهو يبات
إلى آخر القصيدة .


وقال :

لما جيت اهلنا قلت تكفون يابنات=حدى الربع مايسوى عراوي المشاريبي
ولا ينقل البدق ولا يرمي الحثرات=وجعله فدى اللي لا رموها معاطيبي

[ظافر بن عجيان]

الله يبيض وجهك يا أبو أبراهيم

بالفعل مثل ماذكرت المدوس جمع كل العلوم الغانمه

[علي بن شداد القحطاني]

ووجهك ابيض ياظافر .. لاهنت على المرور المعبر

[محمد بن حامد بن مايقه]

النعم قليل في حق حسين بن علي المدوس شيخ وفارس من دواهي الرجال ومواقفه ترفع الراس منها يوم رسم الحدود بين الحباب ويـام وكان خصم عنيف لرجال يام وجيه محلف وكان الله يرحمه مقدم عند آل سعود له صدر المجالس وابوه علي بن محمد الملقب ( المدوس ) كان كبير آل زربـه الحباب في يوم نجران كذلك لاننسى أخوه الشيخ والفارس جابر بن علي المدوس معروف وشجاع لحق المغازي ومن آل شنان وكفى , اما خوال حسين بن علي المدوس آل ناصر منهم حياة جدك ياعلي .



مشكور

[علي بن شداد القحطاني]

مشكور يامحمد

[علي بن شداد القحطاني]

والشيخ حسين بن علي هو القائل في صحيبته المزوي :

يالشيهب عليك اللوم مثني وبت=يوم تبغي وليف كنت أنا له صحيب


والقصيدة وبقيتها في كتاب شعراء قحطان وغيره من الكتب التي ألفتها عن قحطان .

[علي بن شداد القحطاني]

والشيخ حسين هو القائل :

عليك ياجابر بن حسين مني ملام=خليت جردا وتتبع قانيات الشام

[سمكان]

كفو بال شنان وبالشيخ المدوس وال رقعان شيوخ ال شنان وبكم يال ناصر ذكركم وافي عند الاجناب والاصحاب ومحلف خاصه -- مشكور ياعلي على هذا الطرح

[باحث تاريخي متمكن]

تاريخ عريق للحباب

[باحث تاريخي متمكن]

ونعم بكم يا الحباب

[علي بن شداد القحطاني]

كفو بال شنان وبالشيخ المدوس وال رقعان شيوخ ال شنان وبكم يال ناصر ذكركم وافي عند الاجناب والاصحاب ومحلف خاصه -- مشكور ياعلي على هذا الطرح

ارحب ياسمكان على المرور والكلام السمين والوافي

[علي بن شداد القحطاني]

تاريخ عريق للحباب

تسلم ياباحث تاريخي على المرور والكلام الطيب